17:16
“Səbail”in baş məşqçisi Aftandil Hacıyev Azərbaycan Premyer Liqasının 27-ci turu çərçivəsində "Zirə"yə qarşı keçirdikləri matçı şərh edib.
Qol.az xəbər verir ki, paytaxt klubunun çalışdırıcısı 0:2 hesabı ilə məğlub olduqları oyundan sonra keçirilən mətbuat konfransında bunları söyləyib:
- İlk hissədə yaxşı qol imkanlarımız oldu. Amma qol vurmağı bacarmadıq. İlk hissədə daha çox hücumda ola bilirdik. İkinci hissəyə rəqib daha yaxşı başladı və hesabı açdı. Qoldan sonra "Zirə" daha çox qapandı. Rəqibin müdafiəsini yarmaq çətin idi. Standart vəziyyətdən qol vurdular. Bu, bizim yaralı yerimizdir. Hər oyun standart vəziyyətlər zamanı əziyyət çəkirik. Rəqibi təbrik edirəm, çox diqqətli oynadılar. İmkan vermədilər ki, fərqi azaldaq. Çempionatda rəqabət yüksək səviyyədədir. Hər oyunda epizodlar yaxalaya bilirik. Rəşad Sadıqovun ilk ilində medallar uğrunda oynaması təqdirəlayiqdir. Çalışacağıq ki, son oyunda istədiyimiz nəticəni əldə edək.
- Premyer Liqada klubların hamısında yerli məşqçidir. Sizcə, bu, çempionatda rəqabəti artırırmı?
- Məncə, hə. Düşünürəm ki, belə davam etsə, daha yaxşı olar və rəqabət də artar. Komandaların büdcələri də yüksəlsə, çempionluğa əvvəlki illərdə olduğu kimi daha çox komanda iddia edər.
- Məğlubiyyətə səbəb nə idi?
- "Zirə"nin daha motivasiyalı olması normaldır. Biz də mübarizə apardıq, sona qədər oynadıq. "Zirə" ilk hissədə boşluqlar verirdi. Qol vurduqdan sonra artıq daha diqqətli olmağa başladılar. Gənc futbolçularımız var, rəqiblərlə müqayisədə fərdi xüsusiyyətləri yüksək olan futbolçularımız azdır. Bu gün "Zirə" qələbəyə daha layiq idi.
- Gənc futbolçuların hərbi xidmət keçməsi ilə bağlı nə düşünürsünüz? Çünki futbolçular hərbi xidmətə gedəndə, uzun müddət formadan uzaq qalırlar...
- Hər zaman istedadlı futbolçuları klublarımız çalışıb ki, hərbi xidmətə gedənlərə güzəştlər olsun. Ancaq düşünürəm ki, bəzi futbolçular hərbi xidmətə getsə, daha yaxşı olar (gülür). İstedadlı futbolçulara güzəştlərin olması yaxşı olardı.
- Yeni mövsümlə bağlı artıq düşünməyə başlamısızmı?
- Açığı, klub tərəfindən təklif almışam. Ancaq hələ diqqətimiz son oyundadır. Yəqin ki, yaxın zamanda bilinəcək. Müəyyən fikirlər var, lakin hələ tam köklənə bilmirik. Büdcənin təyin olunmasından sonra planlar qururuq. Son oyundan sonra artıq bu haqda düşünməyə başlayacağıq (matc.az).
Hakimi itələsə də, cəzasız qaldı - Video
“Tottenhem” onun stadiona girişinə qadağa qoydu
“Araz Saatlı”nın 7 qollu qələbəsi - Video
Tarixi "poker"dən 16 il keçir
Premyer Liqa klubları onu hədəfə aldı
"Oyun haqda çox danışmağa ehtiyac yoxdur" - Fizuli Məmmədov
“Qarabağ” - “Karvan-Yevlax” oyununda qol yağış kimi yağdı
Renat Dadaşovun komandası heç-heçəyə razılaşdı
“Ağdaş” səfərdə, “Araz Saatlı” evdə qələbə qazandı
Olmadı, Əliyar!
"Mançester Yunayted"dən "Qalatasaray"a keçə bilər
Qvardiola qərar verməyə tələsmir
Arbeloa "Bavariya"dan danışdı
Azərbaycan millisi Moldova yığmasına qalib gəldi
“Qarabağ” - “Karvan-Yevlax”: Heyətlər
Kapitan "Mançester Siti"dən gedir
"Sevilya" polisdən kömək istədi
"Fənərbaxça"da ciddi itki
Klopp: "Enfild" üçün darıxıram"
Meydana “Meydan” gəlir…
Azərbaycan millisinə 23 futbolçu çağırıldı
"Liverpul"da Slotla bağlı təcili iclas
