18:30
"Zirə"nin qapıçısı Boyan Zoqoviç Azərbaycan Premyer Liqasının 5-ci turunda "Qarabağ"a 1:3 hesabı ilə uduzduqları matçdan sonra jurnalistlərin suallarını cavablandırıb.
- Nəticə "Zirə" adına heç də yaxşı olmadı. Rəqibimiz "Qarabağ" idi. Avrokuboklarda mübarizə aparan bir komandadır. Artıq önümüzdəki oyunlara köklənməliyik. Çünki bizi "Keşlə", daha sonra isə "Qəbələ" ilə gərgin qarşılaşmalar gözləyir.
- Niyə ikinci hissədə göstərdiyiniz oyunu birinci hissədə oynaya bilmədiniz?
- Demək olar ki, 3 topu heç nədən buraxdıq. Növbəti günlərdə matçı analiz edib, məşqçimizlə birgə səhvlərimizə baxacağıq.
- Ola bilərmi ki, "Zirə" bu gün "Qarabağ"ın adından çəkinirdi?
- Xeyr. Bu, təbii ki, qorxu deyildi. Futbol 11-11-ə oynanılır. Öz oyununumuzu göstərməyə çalışdıq. Bəlkə də önümüzdəki matçlarda qələbə qazanacağıq. Hər şey ola bilər.
- "Qarabağ" 5 görüşdə maksimum nəticə əldə edərək fərq yaradıb. Demək olar ki, digər 7 komanda maksimum ikincilik üçün mübarizə aparacaq?
- Həqiqətən də "Qarabağ" Azərbaycanın ən yaxşı klubudur. Bəlkə də digər 7 komandanın səviyyəsi müəyyən qədər bir-birinə bənzəyir. Amma unutmayaq ki, bizim də özümüzə məxsus oyun tərzimiz var. Çünki həqiqətən də "Neftçi" və "Sabah"a qarşı layiqli mübarizə aparmışıq.
- "Zirə"nin heyətində 2 oyuna çıxmısınız və hər ikisində də komandanız uduzub.
- Bu barədə nə deyəcəyimi bilmirəm.
- Rəqib komandanın qapıçısı, yəni, həmkarınız Asmir Beqoviç haqda nə deyə bilərsiniz?
- Münasibətim olan qapıçılardan biridir. İngiltərə Premyer Liqasında çıxış edib. Çox yaxşı qolkiperdir. Yəqin ki, sabah onunla oyun haqda fikirlərimizi bölüşəcəyik. İlk dəfədir, Azərbaycandadır. O, mənə dedi ki, "Zirə"nin stadionundakı ot örtüyü əladır.
Neymar ağır zədə aldı
Qəbələdə vurulan 3 qol - Video
"Şamaxı" "Kəpəz"ə, “Qəbələ” "İmişli"yə qalib gəldi
Mbappe hamını qabaqladı
Türkiyə klubunda yeni baş məşqçi
Misli Premyer Liqasında maraqlı qol sevinci - Video
Fərid Namazov: "Qəbələ"də istək daha çox idi"
Kamilo Duran Şotlandiyada ayın ən yaxşısı seçildi
Birinci liqada ilk tura yekun vuruldu
"Kəpəz" - "Şamaxı": Heyətlər
Azərbaycan millisi Gürcüstanla qarşılaşacaq
“Sabah”ın rəqibi futbolçusunu icarəyə verdi
39 yaşlı Vardi yenidən Premyer Liqada oynaya bilər
"Qəbələ" - "İmişli" : Heyətlər
“Mançester Yunayted”in ÇL üçün heyəti açıqlandı
“Mançester Yunayted”in Çempionlar Liqası üçün heyəti
Avropada 16 klub üçün ilk - “Sabah” da siyahıdadır
“Liverpul”un yeni transferi kimdir?
“Mahir bu gün bizim ən yaxşı oyunçumuzdur" - Ayxan Abbasov
"Neftçi"dən ayrılan Piriç bu kluba keçdi
İsveçrə millisinin üzvü "Torino"da
