İtaliyalı dünya çempionu həbs olundu - "4 ildir it kimi sürünürəm"

İtaliyalı dünya çempionu həbs olundu - "4 ildir it kimi sürünürəm"
DÜNYA FUTBOLU 1 Noyabr 2018 / 16:10 6037
-  A +

Məhkəmə qanunsuz silah gəzdirməkdə, eyni zamanda, mafiya ilə əlaqədə günahlandırılan İtaliya millisinin sabiq üzvü Vinçentso Yakvinta haqda qərarını açıqlayıb.

Qol.az-ın "Football İtaliya"ya istinadən yaydığı xəbərə görə, veteran futbolçu 2 il müddətinə azadlıqdan məhrum olunub. Bununla bağlı məhkəmədə danışan Yakvinta özünə qarşı ayrı-seçkilik edildiyini bildirib:

"Bu, biabırçılıqdır. Onlar mənim həyatımı məhv edirlər. Artıq 4 ildir ailəmlə birlikdə it kimi sürünürəm. Mən bu mafiya qruplaşmasının adını belə eşitməmişəm. Kalabriyadan olduğum üçün məni mənşəyimə görə cəzalandırırlar. Halbuki İtaliya millisi ilə dünya çempionu olmuşam. Ədalətsiz qərar verdilər".

Qeyd edək ki, Yakvinta 2006-cı ildə dünya çempionu olan İtaliya millisinin heyətində həmin turnirdə 5 oyun keçirib və 1 qol vurub.


Son xəbərlər
21.12.25  18:54

PSV-dən yeni rekord