"Ronaldonun qolunu uşaqlara göstərmək lazımdır, qoy, təkrarlasınlar" - Alleqri

"Ronaldonun qolunu uşaqlara göstərmək lazımdır, qoy, təkrarlasınlar" - Alleqri
DÜNYA FUTBOLU 28 Oktyabr 2018 / 10:07 4254
-  A +

“Komanda ardıcıl 12-13 oyun qələbə qazandıqda, istər-istəməz, yorğunluq təsir edir. Matça yaxşı başlasaq da, sonradan tempi aşağı saldıq və “Empoli” bir neçə dəfə bizi əks-hücumlarda yaxaladı. Rəqibin mərkəz hücumçusu və digər futbolçuları istənilən komanda üçün problem yarada bilər”.

Qol.az-ın İtaliya mətbuatına istinadən yaydığı xəbərə görə, bu sözləri “Yuventus”un baş məşqçisi Massimiliano Alleqri A Seriyasının 9-cu turunun “Empoli”ilə oyunundan (1:2) sonra keçirilən mətbuat konfransında deyib. Əzmkar qələbə qazandıqları görüşü dəyərləndirən mütəxəssis ikinci hissədə daha yaxşı təsir bağışladıqlarını söyləyib:

“Çünki rəqib artıq yorulmuşdu. Bu matçda göstərdiyimiz oyundan asılı olmayaraq, qələbə qazanmaq vacib idi. Amma “Empoli”nin çıxışını da qeyd etmək lazımdır”.

Paulo Dibalanın oyunu haqda fikirlərini bildirən Alleqri Kriştiano Ronaldonun vurduğu ikinci qoldan danışıb: “Dibala xüsusilə ikinci hissədə yaxşı oynadı. O, möhtəşəm futbolçudur, oyundan-oyuna artırır. Əla səbri var, nə vaxt şans verilsə, özünü ən yaxşı tərəfdən göstərir. Ronaldonun vurduğu qola gəlincə, bunu uşaqlara göstərmək lazımdır, qoy, təkrarlamağa çalışsınlar”.

Qeyd edək ki, “Empoli” ilə oyunda “Yuventus”a qələbə gətirən qolları Ronaldo vurub.


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...