Tuhellə jurnalist arasında gərginlik: “Restoranda deyilik”

Tuhellə jurnalist arasında gərginlik:  “Restoranda deyilik”
DÜNYA FUTBOLU 25 Oktyabr 2018 / 18:50 3659
-  A +

Çempionlar Liqasının qrup mərhələsində ötən gün keçirilən PSJ - “Napoli” oyunundan (2:2) sonra təşkil olunan mətbuat konfransında meydan sahiblərinin baş məşqçisi Tomas Tuhellə jurnalist arasında gərgin dialoq olub.

Qol.az-ın “NTV Spor”a istinadən yaydığı məlumata görə, dialoq  mövsümün əvvəlində Paris klubunun baş məşqçi vəzifəsinə gətirilən Tuhelin komandasını Çempionlar Liqasında favorit görmədiyini deməsi ilə başlayıb.

 Jurnalist buna cavab olaraq “Çempionlar liqasının qalibi olmağınız üçün milyonlarla avro xərclədiniz. Bu pullar necə olacaq?” deməsindən sonra  tərəflər arasında gərginlik daha da artıb.

- Sizə daha əvvəl də dedim. Biz turnirin favoriti deyilik.

- Bunu deməyiniz çox qəribədir.

- Bu sizin düşüncənizdir. Amma bizim aramızdakı danışıq qəribədir. Bura restoran deyil. Siz mənə sual verdiniz. Mən də fikrimi söylədim.

Qeyd edək ki, PSJ Fransa Liqasında lider olsa da, Çempionlar Liqasında ümidləri doğrultmayıb.  Paytaxt klubu 3 turdan sonra 4 xalla turnir cədvəlinin 3-cüsüdür.


 


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...