“Az oynadığıma görə qəzəblənirəm” – Dmitri Nazarov

“Az oynadığıma görə qəzəblənirəm” – Dmitri Nazarov
DÜNYA FUTBOLU 8 Oktyabr 2018 / 13:43 2558
-  A +

Milli komandamızın yarımmüdafiəçisi Dmitri Nazarov ikinci bundesliqada “Holstein Kiel” komandasına qarşı keçirdikləri oyundan (2:1) sonra jurnalistlərə açıqlama verib.

Qol.az-ın Almaniya mətbuatına istinadən yaydığı xəbərə görə, 86-cı dəqiqədə oyuna daxil olan, 90+1-ci dəqiqədə isə komandası “Erzgebirge Aue”nin qələbə qolunu vuran 28 yaşlı futbolçu yerli medianın müsbət rəyini alıb.

Bu mövsüm az halda oyun təcrübəsi qazanan Nazarov isə bildirib ki, əsas heyətdə daim oynamaq istəyir: “Təbiidir ki, mən az oynadığıma görə qəzəblənirəm. Çoxlu oynamaq və komandama kömək etmək istəyirəm. Heyətdə möhkəmlənmək üçün öz üzərimdə daha da çalışacağam”.

Nazarov deyib ki, bu qələbə ilə irəli doğru addım atıblar: “Amma biz dayanmalı və həyəcanlanmalı deyilik. Qol vurduğuma görə şadam. Bizdə komanda olaraq birlik var. Azaraskeşlərimizə təşəkkür edirəm ki, sona qədər dəstək verdilər. Mən bilirəm ki, onlar biz futbolçuları və komandalarını sevirlər. “Aue” üçün ikinci bundesliqada qalib gəlmək çətindir. Bizim digər komandalar kimi geniş resurslarımız yoxdur. Buna baxmayaraq, qarşıdakı bütün oyunlara yaxşı hazırlaşmalıyıq”.

Qeyd edək ki, “Erzgebirge Aue” 9 turdan sonra 10 xalla 13-cü yeri tutur.


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...