“Qarabağ”ın kapitanı Rəşad Sadıqov Çempionlar Liqasının 2-ci təsnifat mərhələsinin “Kukesi” ilə cavab oyunundan (3:0) sonra jurnalistlərin suallarını cavablandırıb. Qol.az-ın məlumatına görə, təcrübəli müdafiəçi əvvəlcə qarşılaşma ilə bağlı fikirlərini bildirib.
- Albaniyadakı oyunla Bakıdakını necə müqayisə edərdiniz?
- Fərq ondadır ki, birincini səfərdə oynadıq, ikincini isə evdə. Belədə hər iki komandanın fərqi hiss olunur. Doğma azarkeşlərin önündə meydana çıxanda az da olsa, psixoloji üstünlük olur. O ki qaldı oyuna, pis alınmadı. Çoxsaylı hücumlar qurduq. Planlaşdırdığımız hər şey olmasa da, əsas şeylər alınırdı. Bu da sevindirici amildir.
- “Kukesi” oyun ərzində sizi elə də ciddi narahat edə bilmədi. Sanki meydanda çox rahat idiniz...
- Təbii, bu, “Qarabağ”ın üstün oyunu idi ki, onlar bizi narahat edə bilmədilər. Amma yenə də tam istədiyimizi gerçəkləşdirə bilmədik. Rahat olmağımıza gəlincə, mən belə deməzdim. Açığı, üzərimizdə böyük təzyiq var idi. Hərdən elə oyunlar olur ki, onları udmağa borclusan. Matçdan öncə istər futbol ictimaiyyətimiz, istər azarkeşlərimiz, istərsə də özümüz olaq, hiss edirdik ki, bu oyunu mütləq udmalıyıq və bu, bizə çox mane olurdu. Ən çox narahat edən məqam da o idi ki, uduzmaq kreditimiz yoxdur. Şükürlər olsun ki, bu gün səhv etmədən istədiyimiz nəticəni qazandıq.
- Emeqara oyun ərzində komandaya 3 penalti qazandırdı. Onun çıxışını necə dəyərləndirərdiniz?
- Emeqaranın bu səviyyədə oynaması məni yaxşı mənada təəccübləndirdi. Son oyununu 4 ay bundan qabaq oynamışdı. Aprelin əvvəlində zədələnmişdi. Amma məşqlərdə özünü yaxşı tərəfdən göstərdiyi üçün Qurban müəllim ona güvəndi. Futbolçu da baş məşqçinin etimadını doğrultdu.
- Emeqara axtardığınız hücumçudur?
- Belə oynasa, başqa axtarışa ehtiyac olmayacaq.
- Oyunun sonlarında əvəzlənməyi özünüz istədiniz?
- Bəli, özüm istədim. Bir az yorğunluq və ayağımda ağrı var idi. Risk etmək istəmədim.
- Növbəti mərhələdə rəqib Belarusun BATE klubu olacaq. Bu komanda ilə bağlı nə düşünürsünüz?
- BATE təcrübəli komandadır. Son illərdə avrokuboklarda uğurlu çıxış edirlər. Düşünürəm ki, gərgin şəraitdə keçən 2 oyun izləyəcəyik.
- BATE-nin HİK-lə ilk oyununu izləmisiniz?
- Xeyr. Heç bir məlumatım yoxdur.
- Əvvəlki illərə baxanda komanda bir qədər zəifləyib. Bunu “Qarabağ” üçün üstünlük saymaq olarmı?
- İnanırsınız, meydanda bu amillərin heç biri rol oynamır. Meydanda hər şey ola bilər. Onların ustalığı, təcrübəsi var. Bizi oyunun içində nə gözlədiyini bilmirik.
- İlk oyun Bakıda olacaq. Bu, adətən bizim komandalar üçün bir qədər uğurlu olur...
- Bəli, psixoloji cəhətdən üstünlük olur. Amma futboldur, ilk oyunu evdə oynasaq da, ehtiyatlı olmalıyıq. Evdə buraxılan qol, yaxşı olmayan nəticə cavab matçında işi çətinləşdirir.
- Artıq 4-cü matçdır ki, Mahirin oyunu alınmır. Bu gün də 2 real qol epizodundan yararlana bilmədi. Bundan sonra sanki siz də şoka düşdünüz. Onun həm də U-21-də baş məşqçisisiniz. Mahirdə nə çatışmır?
- Tam əksi, Mahirin oyunu bu gün çox yaxşı alındı. İlk oyundan sonra xeyli analiz aparmışdıq. Bu gün müdafiənin arxasına atılan toplara yaxşı açıldı. Düşüncəsi də pis deyildi, hər iki epizodda topu uzaq küncə vurdu, amma texnikada bir balaca yanlışlıq oldu. Bu da zamanla düzələn şeylərdir.
- İnsanlarda belə bir fikir yaranıb ki, Mahirdə inkişaf getmir...
- O fikirlərlə razı deyiləm. Bu yaşda futbolçularda eniş-yoxuşlar olur. Onda “ulduz xəstəliyi” hiss etməmişik. Hiss etsək, özü ilə danışıb tədbir görərik. Öz üzərində işləyir, çalışır. Bu gün qol epizodlarından yararlana bilməyəndə pis olurdu. Əsas belə şeyləri etməməlidir. Əksinə, daha da güclü olmalıdır. Bu gün alınmırsa, sabah üçün çalışmaq lazımdır.
"Real"dan gedəcək?
Messidən sərt tələb
“Komandanın hazırkı vəziyyəti məni qane edir” - Rui Jorje
Qrizmann ilin ən yaxşı futbolçusu seçildi
34 yaşında karyerasını bitirdi
Azərbaycan millisi İraqla qarşılaşdı
Yığmamız Farer adalarına qalib gəldi
Yüksək maaşı İngiltərəyə dönüşünə mane olur
Yalnız ÇL-də çıxış edəcək kluba keçməyə hazırlaşır
"Xankəndi"nin evdəki ilk oyununa maraq necədir?
Azərbaycanın U-21 millisi Omana qalib gəldi
Vinisius baş məşqçidən narazı qaldı
“Mançester Yunayted” onu hədəfə aldı
“Araz-Naxçıvan”ın zədəli futbolçusundan xəbər var
Qazaxıstan millisinin baş məşqçisi ilə müqavilə uzadılmadı
Braziliya Sinqapura 7 qol vurdu
Nurmaqomedovlar həbsdən azad edildilər
Azərbaycan millisi seçmə mərhələdə ilk xalını qazandı
1-ci liqada oyunların saatı açıqlandı
Orsatonun gəlişindən sonra qayda pozuntularının sayı azalıb
Azərbaycanı dünya çempionatında təmsil edəcək şahmatçılar
Dünya çempionu vəfat etdi
Bu gün QOL.az saytının 18 yaşı tamam olur
"Arsenal" onunla razılaşdı
Gəncədə "Qarabağ"la oyuna böyük maraq var
1 qola görə mümkün pley-off-dan kənarda qaldıq
Millidə debüt matçında qol vuran Eşqin: "Çox xoşbəxtəm"
Bugünkü oyunları yayımlayacaq kanallar
Niderland millisindən tarixi antirekord
Başından top zərbəsi alan futbolçu vəfat etdi
Xavi: “Bu, biabırçılıqdır”
“Portuqaliyanın uduzmasına sevindim” - Ronaldonun anası
“Onu “Qarabağ”dan transfer etmək istəyirdik, alınmadı”