"Bakı"nın azarkeşlərindən komandalarına dəstək (FOTOSESSİYA)

"Bakı"nın azarkeşlərindən komandalarına dəstək (FOTOSESSİYA)
ÖLKƏ FUTBOLU 19 Mart 2010 / 17:58 2488
-  A +

Bu gün “Bakı” klubunun bazasında azarkeşlərlə futbolçular arasında görüş keçirilib. Qol.Az-ın klubun rəsmi saytına istinadən verdiyi məlumata görə, komandanın məşqindən öncə arenada yerini tutan fanatlar bütün məşq boyu sevimli futbolçularını dəstəkləyiblər. Müxtəlif şüarlar səsləndirən fanatlar, eyni zamanda futbolçuları və məşqçilər korpusunu ruhlandırıblar.
Məşq prosesinin ardından azarkeşlərlə komanda üzvləri şirniyyat süfrəsi arxasında əyləşiblər. Fan-klubun rəhbəri Ruslan Hənifəyev azarkeşlər adından ölkə kubokunda “Bakı”nın kubokun yarımfinalına adlaması və qarşıdan gələn Novruz Bayramı münasibətilə komanda üzvlərini təbrik edib. Qarşıdakı oyunlarda komandaya uğurlar arzulayan fanatlar komandamızın bu mövsüm “qızıl dubl” edəcəyinə ümid etdiklərini və bu yolda sonadək “Bakı”ya dəstək olacaqlarını bildiriblər. Baş məşqçi Bülənt Qorxmaz da sonda futbolsevərlərə təşəkkür edərək, onların bayramını təbrik edib. Eyni zamanda növbəti oyunlarda da uğurlu çıxış etməyə çalışacaqlarını söyləyib.

Sonda isə futbolçular fanatlarla ayrı-ayrılıqda şəkil çəkdirərək, onlara avtoqraf paylayıblar.














Səhifənin yuxarısına keçidYuxarı

Daha çox


Son xəbərlər
28.03.24  10:55

Qrizmann qayıtdı