08.05.21
“Qarabağ”ın baş məşqçisi Qurban Qurbanov Qol.Az-a müsahibə verib
- Milli komandanın Bəhreynlə oyunu “Qarabağ”ın hazırlığına nə dərəcədə təsir etdi?
- Şübhəsiz, təsirsiz ötüşmək mümkün olmadı. Daha çox fiziki hazırlıq yox, taktiki cəhətdən. Çünki tam olaraq, bütün futbolçulara bir arada məşq keçə bilmədik. Nəzərə alaq ki, əsas milli ilə bərabər, U-21 millisinin düşərgəsində də bir neçə futbolçumuz var idi. Artıq hamısı geri dönüb. Çalışırıq ki, “Sumqayıt”la oyuna kimi bütün futbolçular bərpa olunsun.
- Əsas komanda saat 18:00-da 41 dərəcə isti altında oynadı, xeyli güc itirdi. U-21 isə süni örtüklü meydançada oynadı və onlar da xeyli güc itiriblər. Bu mənada, futbolçuları fiziki cəhətdən bərpa etmək sizin üçün çətin olmayacaq?
- Təbii ki, bunun da öz çətinlikləri var. Həqiqətən də milli çox isti havada oynadı. Odur ki, həmin futbolçulara bir qədər artıq istirahət vaxtı verdik. Ancaq bir məsələ də var ki, futbolçular da daha çox oynamalı və oyundan-oyuna artırmalıdılar. Çünki gələn həftənin dördüncü günü də oyunumuz olacaq. Həmin oyuna da hazırlaşmaq lazım gələcək.
- Bu həftə səfərdə “Sumqayıt”la oynayırsınız. Rəqib ötən mövsüm sizdən 4 xal almaqla sizə çempionluq yolunda ağır zərbə vurdu. Sumqayıtlılar bu dəfə də analoji uğuru təkrarlamağa kökləniblər. Sizcə, yenidən ötənilki sürprizlə qarşılaşa bilərsiniz?
- Futbolda sürprizlər çox olur. “Sumqayıt” bu mövsüm daha yaxşı təsir bağışlayır. İlk turda AZAL kimi komanda ilə 2:2 oynadılar. Hətta hesabda öndə idilər, sonradan üstünlüyü əldən veriblər. İkinci turda isə Tovuzda 10 nəfərə qalmalarına baxmayaraq, qələbə qazanmağı bacarıblar. Bu isə onu göstərir ki, komanda yaxşı formadadır. Yeni futbolçular transfer ediblər, baş məşqçiləri də artıq ikinci ildir Azərbaycandadır, həm Azərbaycan futbolunu yaxşı öyrənib, həm də “Qarabağ”ı. Ümumiyyətlə, “Sumqayıt” bizim üçün həmişə ağır rəqib olub və bu dəfə də bizi çətin oyun gözləyir.
- Quzanlı məsələsinə də toxunmaq istərdik. Artıq rəsmi olaraq məlum oldu ki, bu mövsüm Ağdamda oynamayacaqsınız. Deyilənə görə, burada əsas səbəb rəhbərliyin yox, futbolçuların istəyi olub...
- Biz artıq bu haqda danışmışıq, hər şeyə də aydınlıq gətirmişik. Ümumiyyətlə, bu məsələni tez-tez gündəmə gətirmək düzgün deyil.
- Hər halda, yenə də bu məsələyə toxunsaq, yaxşı olar.
- Bilirsiniz, hər bir futbolçu yaxşı şəraitdə oynamalıdır. Deyirlər ki, guya Quzanlı stadionunun vəziyyəti yaxşıdır. Amma xeyr, heç də yaxşı deyil. Payız aylarında, ümumiyyətlə, meydança bərbad vəziyyətdə olur. Bu, o demək deyil ki, biz Quzanlıda oynamaq istəmirik, yaxud oradakı azarkeşlərə qarşı hörmətsizlik edirik. Sadəcə, dediyimiz kimi, orada oynaya bilmərik, çünki şərait yoxdur. Yol yorğunluğu da əlavə problemdi. Buna görə də Bakıya köçməyə qərar verdik. Artıq Suraxanıdakı Tofiq İsmayılov adına stadionu da icarəyə götürməyə hazırlaşırıq. “Qarabağ”ın bazası orada olacaq, komanda Bakıda məskunlaşacaq. Peşəkar klub mütləq bir yerdə məskunlaşmalı, oyuna gedəndə də bir məkandan yığışıb yola düşməlidir.
- Bu addımınız azarkeş amilinə təsir etməyəcək ki?
- Xeyr, bu barədə hansısa problem yaşayacağımıza inanmıram. Belə baxanda, Bakıda da “Qarabağ”ın xeyli azarkeşi var. Söhbət tək ağdamlılardan getmir. Paytaxtda Şuşadan, Cəbrayıldan və işğal altında olan digər bölgələrimizdən olan xeyli insan yaşayır. Klub rəhbərliyi onlarla da əlaqə quracaq və həmin azarkeşləri paytaxtdakı oyunlarımıza cəlb etmək üçün iş aparacaq. Klub azarkeşləri də sağ olsunlar, bizi başa düşürlər. Artıq “İmarət” fan-klubu ilə söhbətimiz olub, onlar da bizi başa düşdüklərini bildiriblər. Sadəcə, bəzi adamların tez-tez Quzanlı məsələsini gündəmə gətirməsinin tərəfdarı deyiləm.
Anar XANLAROV
_22.01.19.jpg)
"Napoli"dən darmadağın
"Mançester Siti" yeddiqat İngiltərə çempionu oldu
"Old Trafford"da qələbə qolunu türk futbolçu vurdu
Nuriyev Ukraynada mövsümün rəmzi komandasında
"Mançester Siti" 36 yaşlı kapitanı ilə müqaviləni uzadır
"Finala çıxmağımızın təməlini Lempard qoyub" - Tuhel
"Bu mövsüm karyeramda ən pisi idi"
Meydana 7 futbolçu ilə çıxdılar
Vüqar Gürcüstanda məğlubiyyətlə üzləşdi
Buffon Ronaldo ilə münasibətlərindən danışdı
"Zaqatala"ya gümüş medal qazandıran qələbə - Video
Levandovskinin 39 qolunun videosu
Bundesliqa klubunda yeni baş məşqçi
Poçettinodan Ramos açıqlaması
"Yaxşı ki, "Barselona"ya transfer olmadım"
Ən çox transfer qiymətinə malik oyunçular - TOP-10
"Real" Mendini itirdi
Buffon "Yuventus"dan ayrılır - Açıqlama
Veratti və Kurzava üçün mövsüm başa çatdı
Laporta Messinin atası ilə görüşdü
"Spartak" azərbaycanlı futbolçu ilə yolları ayırdı
Rusiya millisi Avro-2020 üçün heyəti açıqladı
Burak Yılmaz mövsümün oyunçusu adına namizəd oldu
"Barselona" ilə ilkin müqavilə imzaladı
Levandovski, Sanço... - Video
İbrahimoviç bu matçları buraxacaq
"Mançester Yunayted"dən Premyer Liqa rekordu
"Beylin "Real"a qayıtmasına şübhə edirəm"
Mbappe "Tokio-2020" üçün heyətdə
Təmkin Xəlilzadədən "Neftçi" açıqlaması
Löv Müllerə zəng etdi
İnyesta ad günündə müqaviləni uzatdı - Şəkillər
"İnter" futbolçularından bunu xahiş etdi
Ronaldo məşq əvəzinə "Ferrari" salonuna getdi
Çempionlar Liqasının finalı İstanbuldan alınır?
"Bavariya"nın futbolçusu üçün mövsüm başa çatdı
