"Müdafiədə oturan komanda istəmirəm" - Elmar Baxşıyev

"Müdafiədə oturan komanda istəmirəm" - <b style="color:red"> Elmar Baxşıyev</b>
ÖLKƏ FUTBOLU 13 Sentyabr 2020 / 21:18 2116
-  A +

"İki fərqli hissə izlədik. İlk yarıda istədiyimiz futbolu görmədim. Amma fasilədən sonra istədiyim komanda meydanda idi".
 
Qol.az xəbər verir ki, bu sözləri "Qəbələ"nin baş məşqçisi Elmar Baxşıyev Azərbaycan Premyer Liqasının 2-ci turunda "Sabah"la səfər oyunundan sonra mətbuat konfransında deyib.

O, 0:3 hesablı məğlubiyyəti belə şərh edib: "Çatışmazlıqlarımız var. Bizə vaxt lazımdır. Getdikcə daha yaxşı kollektiv olacağıq. Komanda yeni olduğu üçün daha artığını tələb edə bilmirik. Müdafiədə daha yaxşı çalışmalıyıq. Yenə deyirəm, vaxta ehtiyacımız var. Xətlərarası əlaqə yaxşı vəziyyətdə deyil. İkinci hissədə göstərdiyimiz oyun keyfiyyətli idi. Bu oyunu istəyirəm. Müdafiədə oturan komanda istəmirəm".

E.Baxşıyev yeni hücumçu istədiyini söyləyib: "Yeni qoşulan braziliyalı futbolçu çox keyfiyyətlidir. Çempionatın tapıntısı ola bilər".

E.Baxşıyev bu mövsüm üçün hədəflərini də açıqlayıb: "Bizi öncə avrokuboklar yox, komandanın formalaşması maraqlandırır. Bundan sonra iddiamız da arta bilər. "Qəbələ" güclənib. Daha yaxşı oyun göstərəcəyimizə inanıram".

 

Daha çox


Son xəbərlər
22.09.20  12:13

Kavani "Atletiko"da?