04.09.26
“Neftçi”nin U-16 komandasının baş məşqçisi vəzifəsindən ayrılan Mirbağır İsayev Qol.az-a müsahibə verib. Gedişinin səbəbini açıqlayan mütəxəssis digər məqamlara da toxunub.
- “Neftçi”dəki işinizdən niyə ayrıldınız?
- Klubla 1 illik müqaviləm var idi. Sadəcə, deyilən şərtlərlə razılaşmadım və getdim.
- Konkret olaraq, hansı şərtlər sizi razı salmadı?
- Mənə U-16-da qalmaq təklif olundu. Amma orada işləmək istəmədiyim üçün ayrıldım. Hərənin öz yanaşması var.
- Maraqlıdır, niyə U-16-da qalmaq istəmədiniz?
- Çünki ötən mövsüm U-16-da idim. Bu il həmin komanda ilə minimum U-17-də olmalıydım. Klubun təklifi xoşuma gəlmədi. Bundan sonra necə olacaq, bunu zaman göstərəcək. Hələ ki, heç bir təklifim yoxdur.
- “Neftçi”dəki 1 illik işinizi necə qiymətləndirərdiniz?
- Buna mən qiymət verə bilmərəm. Yaxşı olar ki, bu sualı klub rəhbərliyinə, idman dirtektoruna verəsiniz. Mən öz işimə nə qiymət verim? Yalnız onu deyə bilərəm ki, o komanda 9-cu yerdən 5-ci sıraya yüksəldi. Mükafatçılar sırasına düşmək üçün son ana qədər mübarizə apardıq. Əslində bu, o qədər də önəmli deyildi. Sadəcə, prinsip var idi, ona görə. Ötən mövsüm ən az qol buraxan komanda olduq. Sabit kollektiv formalaşmışdı. Qənaətbəxş olub-olmadığını klub rəhbərliyi deyə bilər.
- Məşqçilərlə görüşdə klub rəhbərliyi işinizlə bağlı nə dedi? Ümumiyyətlə, hesabatınız dinlənildi?
- Heç orada hesabat olmadı. Gözləyirdim ki, koordinator Mik Benet hər komandanın baş məşqçisini ayağa qaldırar, nəsə soruşar. Onun tərəfindən elə bir şey görmədim. Əvvəlki iclasların birində mənə demişdi ki, necə edirsən et, bilirik ki, bu, ən zəif komandalardan biridir. Hesabatda isə heç bir şey soruşmadılar. Mən də qərar verdim ki, gedim. “Neftçi”də heç kimlə problemim olmayıb. Məni ora idman direktoru Ceyhun Sultanov dəvət etmişdi. Onunla görüşürəm, görüşəcəm də. Yenə deyirəm, təklif sərf etmədi, qalmadım.
- Bir il akademiyada işlədiniz. İngilis müətəxəssis haqda fikirləriniz necədir?
- Mən onun necə mütəxəssis, koordinator olduğunu deyə bilmərəm. Bu sualları klub rəhbərliyinə verin. Məni aşan məsələlərdir. U-16 komandası ilə bağlı soruşun, cavab verim. İngilis necədir, necə işləyəcək, deyə bilmərəm. Gördüklərim özüm üçün kifayətdir. Kim necədir, bunu mənim analiz etməyimə ehtiyac yoxdur.
- Yəni, Benet “Neftçi”də uşaq futbolunun inkişafına töhvə verə bilərmi?
- Bunu zaman göstərəcək. Mən yalandan nəsə deyə bilmərəm.
- “Neftçi”nin aşağı yaş qruplarında ümumi mənzərə necədir?
- Ümumi danışa bilmərəm. Amma öz komandam haqda onu deyim ki, 8 ay “Dalğa Arena”da məskunlaşdıq. Nə cür danışıq olmuşdusa, ona uyğun şərait yaradılmışdı. Akademiyada ən çox əməkhaqqı mən alırdım. Orada mənim üçün “yox” sözü yox idi. Ayrılmağımın yeganə səbəbi təklifi qəbul etməməyim oldu. U-16-da qalmaq istəmədiyim üçün klubdan getdim.
Elnur SALAHOV
“Trabzonspor”u çalışdıra bilər
Premyer Liqa tarixinə düşdülər
Alvaresin qol həsrəti davam edir
Azərbaycan boksçularının ilk rəqibləri bəlli oldu
"Karvan-Yevlax"ın qələbəsindən - Video
Ronaldo “Əl-Nəsr”dən gedə bilər
“Qəbələ”dən 1-ci liqa klubuna keçdi
Yamal Flikə müraciət etdi
Bəhlul Mustafazadə yenidən əməliyyat olundu
“Karvan-Yevlax” liderliyə yüksəldi
“İstəyirəm daha çox kubok qaldırım” - Emin Mahmudov
"Sumqayıt"ın əsas kapitanı seçildi
“Kəpəz” bəyanat yaydı
"Tottenhem"in sabiq futbolçusu "Ayaks"da
1-ci liqada həftənin hakimləri məlum oldu
Konte "Mançester Yunayted"in baş məşqçisi ola bilər
Mourinyodan “Real”da ən yaxşı start
“O, “Qarabağ”da yaxşı oynayır” - Marko Rossi
Nəhənglər 18 yaşlı futbolçuya göz dikdi
"İnter Mayami"də yeni baş məşqçi - Rəsmi
"Bolonya" da Tedeskonu göndərdi
Avroliqanın oyunları bu kanalda
“Qəbələ” yeni baş məşqçisini açıqladı
Həyat yoldaşı vəfat etdi
“Barselona” danışıqlara başladı
"Qarabağ"a gəlmək böyük dəyişiklik idi” - Varkonyi
"Kəpəz"in legionerinə millidən dəvət gəldi
Xames Rodriqez milli ilə vidalaşdı
Arda Güler yenə səhnədədir! - Video
Simeone: “Qızıl top” Messiyə verilməlidir”
"Sabahın ulduzları": "Qarabağ" və "Neftçi"dən qələbə
Messiyə milli komandadan son dəvət
"Lans" baş məşqçisi ilə yolları ayırdı
“Qarabağ”ın legioneri ilk dəfə milliyə çağırıldı
Azərbaycan millisi Yaponiya ilə qarşılaşacaq
Messidən sonra Argentina millisi ilk oyunlarına hazırlaşır
Ronaldonun klubu ağır məğlubiyyətlə üzləşdi
AFFA-da yeni təyinatlar
Mahir oynadı, komandası uduzdu
Mundiala aparılmadı, millidən getmək qərarı verdi
Azarkeş “Barselona”nın futbolçusuna hücum etdi
Zidan Deşamın çağırmadığı futbolçulara şans verir
