22:10
Bakının «Neftçi» klubu start heyətindən kənarlaşdırdığı Azərbaycan milli komandasının kapitanı Rəşad Sadıqovun Türkiyənin «Kocaelispor» klubuna keçidinə razılıq verib. Qol.Az-ın məlumatına görə, bununla da futbolçumuzun İzmit klubuna transferiylə bağlı problemlər yoluna qoyulub.
Xatırladaq ki, bir müddət idi «Neftçi» kompensasiya tələb etdiyi üçün komandalar razılığa gələ bilmirdilər. İrəliləyən dəqiqələrdə Rəşadın transferiylə bağlı əlavə məlumat veriləcək.
***
«Neftçi» klubunun vitse-prezidenti İlqar Quluzadə Rəşad Sadıqovun transferiylə bağlı problemin həll olunduğunu təsdiqləyib. Qol.Az-ın müxbiriylə söhbətində o, Rəşadın keçidinə razılıq verdiklərini və futbolçuya yeni klubunda uğurlar arzuladıqlarını söyləyib. O, Rəşad Sadıqova görə «Kocaelispor»un «Neftçi»yə nə qədər kompensasiya ödəməsi haqda açıqlama verməkdən imtina edib: «Bu, iki kluba aid olan məsələdir».
***
Bir qədər əvvəl «Trend»in yaydığı məlumata görə, Rəşad Sadıqov “Kocaelispor” klubu ilə yarım illik müqavilə bağlayıb. “Kocaelispor”la yarım illik müqavilə bağladım. Müqavilə müddətinin az olmasını özüm istədim” - deyə R.Sadıqov bildirib.
Futbolçu deyib ki, əvvəlki klubu - Bakının “Neftçi” komandası onun “Kocaelispor”la müqavilə bağlamasına problem yaratmayıb:“Neftçi” ilə razılığa gəldik. Bakı klubunun tələb etdiyi transfer haqqını özüm ödəyəcəyəm”.
Sadıqov “Neftçi”nin hansı məbləğdə transfer haqqı tələb etdiyi barədə məlumat vermək istəməyib.
“Kocaelispor” klubu digər azərbaycanlı futbolçu - Ramal Hüseynovla da icarə əsasında yarım illik müqavilə bağlayıb.
“Kocaelispor” fevralın 25-də Türkiyə superliqası çərçivəsində “Hacettepe” komandası ilə oynayacaq. Azərbaycanlı futbolçuların da bu görüşdə iştirak edəcəyi gözlənilir.
***
Türkiyənin «Kocaelispor» klubu Rəşad Sadıqov və Ramal Hüseynovun bu komandaya keçidiylə bağlı açıqlama yayıb. Məlumatda bildirilir ki, Rəşad Sadıqov və Ramal Hüseynovla altı aylıq müqavilə imzalanıb.
_22.01.19.jpg)
Piolinin medalı tapıldı
"Sabah"da yeni müqavilə
Messi, Mbappe...
"Real"dan yarımmüdafiəçisinə yeni müqavilə
De Byazi "Milan"ın çempionluğundan danışdı
İngiltərədə mövsümün rəmzi komandası - Ronaldo yoxdur
Millimizin üzvü Portuqaliya klubu ilə vidalaşdı
Superliqa klubunda baş məşqçi istefası
Mbappe "Real" azarkeşlərinə müraciət etdi
“Səbail"də gözlənilməz baş məşqçi istefası
Zlatan azarkeşlərə bunu söylədi - Video
"Borussiya"da yeni baş məşqçi
"Qəbələ"dən ilk transfer
