"Bakı"nın vitse-prezidenti Zeynal Məmmədov Qol.Az-a müsahibə verib. Klub rəsmisi əvvəlcə komandasının birinci dövrədəki çıxışına toxunub.
- Komandamızın ilk dövrədəki çıxışından tam razı qalmadım. Baxmayaraq ki, ikinci pillədə qərarlaşmışıq, liderlə xal fərqi 2 xaldır. Çıxışımızı 85 faiz qənaətbəxş hesab edirəm.
- Hakimlərdən narazı olsanız da, PFL-in prezidenti referilərin qərəzli olmadığını bəyan edib.
- Çox sayda səhv olmaz. Hakim də insandır, xətası ola bilər. Ancaq xəta uzağı bir-iki dəfə olar. Fariz Yusifov "İnter"lə oyunumuzda iki penaltimizi vermədi. Ancaq mən onu qınamıram, ola bilər ki, bu epizodları görməyib. "Simurq"la oyunda hakim bizə qarşı 5-6 epizodda səhv etdi. Baş açmaq olmur, bu səhvdir, yoxsa?
- Necə fikirləşirsiniz, əcnəbi ədalət təmsilçilərinə ehtiyac varmı?
- Baş məşqçimiz Hacıyevski deyib ki, ikinci dövrədə prinsipial oyunları xarici hakimlər idarə etsin, yəni, heç kimin tərəfini saxlamasın. Əgər ikinci dövrədə çox sayda səhvlər olsa, böyük qalmaqallar yaranacaq.
- PFL kənardan hakim gətirməyi mənfi qarşılayır.
- Belə etməklə deyil ki? Gərək yerli hakimlər oyunları elə idarə etsinlər ki, məşqçilər xaricdən referi gətirilməsini fikirləşməsinlər. Elə hakimlər var ki, çalışdırıcıların onlardan gözü qorxub.
- Ramin Musayev qəti şəkildə deyib ki, stadionu hazır olmayanlar növbəti çempionata buraxılmayacaq...
- Görək, axırı necə olacaq. Çətin ki, stadionumuz sentyabra hazır olsun. İş getsə, PFL-in komandalara güzəşt edəcəyinə inanıram.
- Premyer-liqanın formatının dəyişəcəyini necə qarşılayırsınız?
- Müsbət. Ancaq, məncə, 10 komanda 4 dövrədə mübarizə aparsa, daha yaxşı olar. Ümumiyyətlə, iddiasız, maddi imkanı aşağı olan komandalar çempionatda oynamamalıdır.
- Xristovdan savayı, hansı futbolçular göndəriləcək?
- Yaxın günlərdə məlum olacaq. 3-4 futbolçu gedəcək, 2-3-ü də gələcək.
- Yola salınacaq oyunçuların adlarını sirr saxlayırsınız?
- Hələlik tam aydınlaşmayıb.
- Almaniyanın "Herta" klubuyla əməkdaşlıq məsələsi nə yerdə qalıb?
- Bunun üzərində işləyirik. Yaxın vaxtlarda Almaniyaya səfər edib, planımızı reallaşdıracağıq.
- Hazırlıq prosesi ilə bağlı Türkiyəyə səfər nə zaman olacaq?
- Yanvarın 15-də. "Titanik" otelində məskunlaşacaq komandamız üç həftəlik təlim-məşq toplanışı, həmçinin yoldaşlıq matçları keçirəcək. Udub, uduzmağın fərqi yoxdur. Əsas odur ki, komanda ikinci dövrəyə optimal heyətlə hazır olsun.
Anar CƏFƏRSOY
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı
İndi ən vacib xəbərlər telefonunuza gələcək!
Finalda təkrarlanan 6-cı cüt
“Qarabağ” “Neftçi”yə çatdı