“Keşlə”nin yeni transferi Ebrima Sohna Qol.az saytına müsahibə verib. Bakı klubuna keçidindən danışan “Çelsi”nin sabiq yarımmüdafiəçisi maraqlı fikirlər səsləndirib.
- Dünən yeni klubunuzla rəsmi müqavilə imzaladınız. Bu, “Keşlə”nin Andre Klennondan sonra VPS klubundan ikinci transferidir. Maraqlıdır, sizi komandaya Klennon məsləhət görüb?
- Yox, məni “Keşlə”yə Andre təklif etməyib. Sadəcə, ikimizin də mecerimiz eyni şəxsdir. Andre kimi, məni də komandaya o gətirib.
- Bir neçə gündür yeni komandanın düşərgəsindəsiniz. Təəssüratlarınız necədir?
- Hələ “Keşlə”yə keçməmişdən öncə menecerim mənə demişdi ki, belə bir klub var. Açığı, elə ilk söhbətimizdəcə bu komanda haqda xoş sözlər söylədi. Düşərgəyə qoşulduqdan sonra isə eşitdiklərimi gözlərimlə gördüm. Yeni gəlsəm də, komandada məni hər şey qane edir. Mehriban kollektivimiz var.
- Vikipediyanızda “Çelsi”də oynadığınız göstərilsə də, ətraflı məlumat yoxdur. Doğrudan da bu klubda çıxış etmisiniz?
- “Çelsi”nin məşqçiləri məni 17 yaşadək futbolçulardan ibarət yığmaların dünya çempionatında görmüşdülər. Həmin vaxt oyunumu izləyən seleksiyaçılar turnirdən sonra məni Londona apardılar. Beləcə “Çelsi”yə transfer oldum.
- London klubunun hansı komandasında oynamısınız?
- Əsasən ikinci komandada oyunlara çıxırdım. Bəzən isə əsas heyətlə məşqlərdə iştirak edirdim. “Çelsi”dən sonra oyun praktikası qazanmaq üçün Norveç çempionatına yollandım.
- Həm də Qambiya millisinin üzvüsünüz. Hələ də yığmaya dəvət alırsınız?
- Əlbəttə, indi də milliyə çağırılıram. Demək olar ki, bütün toplanışlara gedirəm.
- Bəs Azərbaycan çempionatı haqda məlumatınız var?
- Elə də çox deyil. Amma menecerim bəzi məlumatlar verib. Bilirəm ki, rəqabətli çempionatınız var.
- Hazırlıqlarınız necə keçir?
- Hər şey normaldır. Komandada yaxşı-ab hava var. Futbolçular məni çox isti qarşıladılar. Özümü evimdə hiss edirəm.
Elnur SALAHOV
PSJ hücumçusunu satdı
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi
Kroos: "Ançelotti bizə yalan danışdığını dedi"
"Yayda nələr olacağını birlikdə görəcəyik" - Musa Qurbanlı