Topaz Premyer Liqada mövsümə yekun vuruldu

ÖLKƏ FUTBOLU 20 May 2016 / 20:56 42644

- A +

Bu gün Topaz Premyer Liqada 2015/2016 mövsümünə yekun vurulub .

Qol.az-ın məlumatına görə, 36-cı turun bütün görüşləri bu gün keçirilib.

Gəncədə "Kəpəz" "Qəbələ"ni qəbul edib. Eyni xala malik olan və turnir cədvəlinin qonşu pillələrində qərarlaşan komandaların dueli maraqla gözlənilirdi. Matçın taleyini bir qol həll edib. Aleksey Qayın görüşün 76-cı dəqiqəsində vurduğu qol "qırmızı qaralar"a minimal hesablı qələbə qazandırıb. Bu qələbə sayəsində "Qəbələ" çempionatın bürünc medallarına yiyələnib.

"İnter" öz meydanında "Zirə"ni sınağa çəkib. Zaur Svanadzenin komandası turnir cədvəlinin üçüncü pilləsindəki mövqeyini qorumaq və çempionatın bürünc medallarına yiyələnməsi üçün bu görüşdən mütləq qələbə ilə ayrılmalı idi. "Bankirlər" "Zirə"ni 1:0 hesabı ilə məğlub etsələr də, bu bürünc medal üçün yetərli olmayıb. Buna digər oyunda "Qəbələ"nin səfərdə "Kəpəz"ə qalib gələrək üçüncü pilləyə yüksəlməsi səbəb olub.

Çempionatın autsayder klubları - "Rəvan" və "Xəzər Lənkəran" bu dəfə "Bayıl Arena"da üz-üzə gəlib. Bu görüşdə qalib müəyyənləşməyib - 2:2. Hesabda 2:0 öndə olmasına baxmayaraq, üstünlüyünü qoruya bilməyən "Xəzər Lənkəran" mövsümü sonuncu pillədə başa vurub.

"Neftçi" səfərdə "Sumqayıt"a 1:2 hesabı ilə uduzub. Məğlubiyyətə baxmayaraq, "Neftçi" Avroliqaya vəsiqəni təmin edib.

AZAL isə çempion "Qarabağ"ın qonağı olub. Matç Ağdam klubunun 3:0 hesablı qələbəsi ilə başa çatıb.

20 may (cümə)

Topaz Premyer Liqası, 36-cı tur

19:00. "Sumqayıt" – "Neftçi" - 2:1
Qollar: Araz Abdullayev, 14 (0:1), Vaqif Cavadov, 17 (1:1), Amil Yunanov, 63 (2:1)
Hakimlər: Rauf Cabbarov, Nahid Əliyev, Cavanşir Yusifov, Ramil Əhmədov
“Kapital Bank Arena”.

19:00. "Qarabağ" – AZAL - 3:0
Qollar: Mahir Mədətov, 21 (1:0), Migel Madera, 30 (2:0), Dani Kintana, 41 (3:0)
Hakimlər: Ömər Paşayev, Zeynal Zeynalov, Akif Əmirəli, Rəvan Həmzəzadə
“Azersun Arena”.

17:00. “Kəpəz” – “Qəbələ” - 0:1
Qol: Aleksey Qay, 76 (0:1)
Hakimlər: Rəhim Həsənov, Vaqif Musayev, Namiq Hüseynov, İnqilab Məmmədov
Gəncə şəhər stadionu.

17:00. “İnter” – “Zirə” - 1:0
Qol: Abbas Hüseynov, 69 (1:0)
Hakimlər: Fariz Yusifov, Elman Musayev, Knyaz Əmiraslanov, Fərid Məmmədov
“İnter Arena”.

17:00. “Rəvan” – “Xəzər Lənkəran” - 2:2
Qollar: Bayram Budaqov, 2 (0:1), İbrahim Qədirzadə, 66 (0:2), Yasin Həmid, 76 (1:2), Ramazan Abbasov, 82-pen (2:2)
Hakimlər: Ramil Diniyev, Munis Abdullayev, Elgün Adıgözəlli, Elvin Əsgərov
“Bayıl Arena”.

Turnir cədvəli

N	Klublar	O	Q	H	M	T-F	X
1	Qarabağ	36	26	6	4	66-21	84
2	Zirə	36	17	11	8	42-31	62
3	Qəbələ	36	16	11	9	44-28	59
4	İnter	36	16	11	9	39-28	59
5	Kəpəz	36	15	11	10	48-40	56
6	Neftçi	36	13	10	13	41-41	49
7	AZAL	36	13	7	16	26-38	46
8	Sumqayıt	36	9	12	15	41-49	39
9	Rəvan	36	5	9	22	27-63	18
10	Xəzər Lənkəran	36	3	5	28	16-51	15

Bombardirlər:

Dani ("Qarabağ") - 15 qol
Nelson Bonilla ("Zirə") - 14 qol
Ruslan Qurbanov ("Neftçi") -13 qol
Amil Yunanov ("Sumqayıt") - 12 qol

Daha çox