Kaxaber Sxadadze Gürcüstan millisindən qovuldu

Kaxaber Sxadadze Gürcüstan millisindən qovuldu
GÜNDƏM 24 Yanvar 2016 / 00:38 7826
-  A +

Gürcüstan millisinin baş məşqçisi Kaxaber Sxadadze vəzifəsindən kənarlaşdırılıb.

Qol.Az-ın xarici KİV-lərə istinadən verdiyi xəbərə görə, bu barədə Gürcüstan Futbol Federasiyasının (GFF) prezidenti Levan Kobiaşvili məlumat verib.

Onun sözlərinə görə Sxadadzeyə yeni müqavilə təklif edilsə də, tərəflər arasında razılıq əldə olunmayıb.

Kobiaşvili yeni müqaviləyə əsasən 50 yaşlı mütəxəssisin maaşında 50 faizlik endirim edilməsi təklifini irəli sürüb. Lakin bu təkliflə razılaşmayan Sxadadze federasiya prezidenti ilə əlaqəni kəsərək onun zənglərinə və mesajlarına cavab verməyib. Baş verən hadisələrdən sonra federasiya rəhbərliyi Sxadadze ilə yolları ayırmaq qərarına gəlib.

Qeyd edək ki, Sxadadze 2009-2015-ci illərdə Bakı "İnter"i çalışdırıb. O, 2014-cü ilin dekabr ayında Gürcüstan millisinin baş məşqçisi təyin olunub. O, 2015-ci ilin iyununadək "İnter"də də eyni vəzifəni icra etdikdən sonra fəaliyyətini yalnız yığmada davam etdirib.

Daha çox


Son xəbərlər
06.11.25  14:33

"Qarabağ"da şok itki