16.11.18
"Qəbələ"nin vitse-prezidenti Fariz Nəcəfov Avropa Liqasının qrup mərhələsinin son turunda evdə "Krasnodar"a uduzduqları oyundan (0:3) sonra jurnalistlərin suallarını cavablandırıb.
- Komandanız böyük hesabla məğlub oldu. Oyun haqda nə deyə bilərsiniz?
- Düşünürəm ki, daha yaxşı oynaya bilərdik. Gözlənilməz səhvlərdən qollar buraxdıq. Ümumilikdə oyun maraqlı keçdi. Bütün komandaya göstərdiyi əzmkarlığa görə təşəkkür edirəm. Çox sağ olsunlar ki, bir neçə ay bizə Avropa Liqası həyəcanı yaşatdılar. İlk vaxtlar komandamızın qrupa düşəcəyini heç kim gözləmirdi. Qrup sonuncusu olmağımıza baxmayaraq, komandamla fəxr edirəm.
- Qrup mərhələsinin son görüşündə hamı “Qəbələ”dən qələbə gözləyirdi...
- Bu futboldur. Hər şey ola bilər. Biz də yaxşı nəticə gözləyirdik. Düşünürəm ki, komandamız “Krasnodar”la oyunda əlindən gələn hər şeyi etdi. Bacardığımız budur. Bundan artığını bacarmırıq.
- Sanki “Qəbələ” meydana motivasiyasız çıxmışdı...
- Mən elə düşünmürəm. Qapımıza top vurulana kimi “Qəbələ” yaxşı futbol oynadı.
- Tale Heydərov oyundan sonra komanda ilə görüşdü. Klub prezidenti futbolçulara nə söylədi?
- Avropa Liqasında yaxşı oyunlarımıza, qrupa düşməyimizə görə təşəkkür etdi və gələcək oyunlarda uğurlar arzuladı. Bundan sonra komandanın bütün diqqətini ölkə çempionatına yönəltməsini tapşırdı.
- Qarşıda qış fasiləsi gəlir. Komandada hansısa dəyişiklik olacaq?
- Bu barədə baş məşçi ilə söhbət etməmişik. Amma olmayacağı da istisna deyil.
- Ümumiyyətlə bu il qazanılan uğurun davam etməsi üçün komandada hansı işlər görüləcək?
- Görüləcək işlər hələ çoxdur. Avropa Liqası bizim üçün böyük bir təcrübə oldu. Futbol baxımından bütün məsələlərlə məşqçilər korpusu məşğul olacaq. Rəhbərlik olaraq əlimizdən gələni edəcəyi ki, qarşıdakı illərdə daha yaxşı çıxış edək.
- “Qəbələ” cari mövsüm avrokubok matçlarını Bakıda keçirməli oldu. Növbəti mövsüm avrokubok oyunlarını Qəbələdə keçirməyiniz üçün stadionda hansı işlər görülür?
- Stadionla bağlı işlər görülür. Gələn mövsüm Avropada çıxış etsək, seçmə mərhələdə olmasa da, qrup mərhələsinə vəsiqə qazansaq, stadionu hazır etməyə çalışacağıq.
3 aydır qol vura bilməyən futbolçu azarkeşlə dalaşdı - Video
Bu stadion hərraca çıxarılır
Avropada uduzmayan yeganə komanda oldular
Paris klubu üçün antirekord
La Liqada yeni ofsayd sistemi tətbiq olunacaq
Sabirin het-triki, “Qaradağ Lökbatan”ın qələbəsi - Video
Çempionat matçı ləğv edildi
"Atletiko"nun futbolçuları zədələndi
Rumıniya millisinin yeni baş məşqçisi bəlli oldu
“Qaradağ Lökbatan” və “Araz Saatlı”dan böyükhesablı qələbə
Klub çempionluq şansını itirdi, baş məşqçi istefa verdi
Həm ötürmələri, həm qolları ilə rekorda imza atdı
Levandovski daha bir mövsüm "Barselona"da qala bilər
