Arif Daşdəmirov: "Krasnodardan sərfəli nəticə ilə qayıdacağıq"

Arif Daşdəmirov: "Krasnodardan sərfəli nəticə ilə qayıdacağıq"
ÖLKƏ FUTBOLU 30 Sentyabr 2015 / 12:30 2219
-  A +

"Çətin oyun olacaq. "Krasnodar" Rusiya çempionatında zəif çıxış edir. Ola bilər ki, onlar əsas güclərini Avropa Liqasına saxlayır. Elə klublar var ki, onlar üçün ölkə çempionatı Avroliqadan önəmlidir, bəzi klublarda isə əksinədir".

Bu sözləri Qol.Az-a "Qəbələ"nin futbolçusu Arif Daşdəmirov Avropa Liqasının qrup mərhələsinin ikinci turunda "Krasnodar"la oyun öncəsi deyib.

O bildirib ki, meydanda necə lazımdırsa, mübarizə aparacaqlar:

"İnanıram ki, Krasnodardan sərfəli nəticə ilə qayıdacağıq".

A.Daşdəmirovun sözlərinə görə, "Krasnodar" hazırda Rusiyanın güclü komandalarından biridir:

"Ölkə çempionatında yaxşı çıxış etməsə də, "Krasnodar"ın Ari, Fedor Smolov kimi güclü futbolçuları var. Hamısı təhlükəli oyunçulardır. Onların "Terek"ə qarşı oyununu izlədim. Çox güclü oynadılar".

Qeyd edək ki, "Krasnodar" - "Qəbələ" qarşılaşması oktyabrın 1-i keçiriləcək.


Son xəbərlər