16:40
Bakı "İnter"inin futbolçusu Nizami Hacıyev Avropa Liqasının II təsnifat mərhələsinin "Hafnarfyordur"la cavab matçından (2:2) sonra Qol.Az saytına müsahibə verib.
- Çox çətin oyun oldu. Beş dəqiqəyə iki qol buraxacağımızı gözləmirdik. Bununla belə həlledici qolu vurub mərhələni keçdik.
- İlk hissə bitdikdən sonra hesabda irəli idiniz. Vurulan qol komandada arxayınlıq yaratmışdı?
- Bəli arxayınlıq oldu. İkinci hissədə buraxdığımız iki qoldan sonra isə futbolçularda qorxu, həyəcan hissi yarandı.
- İkinci hissənin əvvəlində müdafiədə xeyli boşluqlar yarandı...
- Mən deməzdim ki, əsas səhv müdafiədədir. Əgər komanda qol buraxırsa, səhv hamıdadır. Bütün komanda yoldaşlarıma təşəkkürümü bildirirəm ki, əlavə vaxtda erkən qolu vurduq. Bu sevindirici haldır.
- Rəqibin azlıqda qalması ilə bağlı nə deyə bilərsən? Səncə, qırmızı vərəqə doğru qərar idi?
- Rəqibin azlıqda qalması bizə kömək oldu. Fikrimcə, qırmızı vərəqə haqlı qərar idi. Həmin epizoda yaxın idim. Rəqib futbolçunun əvvəlcədən sarı vərəqəsi var idi. İkinci xəbərdarlığı olduğu üçün qırmızı vərəqə aldı.
- Komandanız maliyyə cəhətdən əziyyət çəkir. Bu çətinliyə baxmayaraq "İnter" Avropa Liqasının II təsnifat mərhələsini keçməyi bacardı..
- Düzdür, pul insan həyatında çox şeyi həll edir. Həmçinin, idmançının da motivasiyası olmasa, çətin nəticə əldə edər. Bu gün ola bilər ki, biz pulsuz futbol oynayırıq. Ola bilər deyəndə ki, əfsuslar olsun ki, pulsuz oynayırıq. Amma meydançaya çıxıb xalqımızı, özümüzü fikriləşirik. Sağ olsunlar ki, azarkeşlər öz dəstəklərini bizdən əsirgəmədilər. Maaş almadığımızı azarkeşlərə izah edə bilmərik. Onlar istənilən vəziyyətdə bizdən qələbə gözləyir.
- Növbəti mərhələdə İspaniyanın “Atletik” klubu ilə qarşılaşacaqsınız. Rəqib haqda nə deyə bilərsən?
- Bəli, rəqib çox güclüdür. Ümumiyyətlə, Avropa Liqasında zəif rəqib yoxdur. Sadəcə, zəif hazırlıq var. Komanda zəif hazırlaşırsa, nəticə də qazana bilmir. Biz əlimizdən gələni edəcəyik. Bizim üçün fərqi yoxdur, istər “Atletik” olsun, istərsə də “Real". Bu, bizim komanda üçün bir təcrübə olacaq. Hər bir futbolçu özünə hörmət etməlidir. Şəxsən mən özümə hörmət edirəm. Hansı bir futbolçuya hörmət edirəmsə, özümə ondan daha çox hörmət edirəm. Bu səbəbdən çıxıb meydanda canımı qoyacam. Əlimdən gələn hər şeyi edəcəm ki, yaxşı nəticə əldə edək.
Məftun MAHİROĞLU
Kapitan 100-ü yarıladı
FİFA qadağanı ləğv etdi
Neymar əməliyyat olundu
"Sabah"ı liderliyə yüksəldən əzmkar qələbəsi - Video
PSJ baş məşqçisi ilə ömürlük müqavilə imzalayır?
"Qış çempionluğu medal qazandırmır" - Valdas Dambrauskas
Benzema Pikassonun milyon avroluq tablosunu aldı
Misli Premyer Liqasında 1 aylıq fasilə başladı
"Sabah"dan böyükhesablı qələbə, qış çempionu oldular
Neymar karyerasının həlledici qərarını verəcək
Bundesliqada il ərzində liderlikdən düşmədilər
A Seriyasında Avstraliya planı təxirə salındı
"Mançester Yunayted" geri addım atdı
Enrike, Mareska, Flik...
"Fənərbaxça"ya transferi gərçəkləşmək üzrədir
"Sumqayıt" - "Sabah": Heyətlər
Qallaher, yoxsa Neves?
“Qəbələ”nin qış hazırlıq planı bəlli oldu
"Qaradağ Lökbatan" 13 qolla qalib gəldi
"Barselona"dan uğurlu seriya
"Milan" bu transferi həll etdi
"Mançester Yunayted"lə oyunda 111 illik rekord təkrarlandı
1-ci liqada həftənin hakimləri məlum oldu
