"Qarabağ" və "Qəbələ"dən növbəti qələbə, Lənkəranda bərabərlik

ÖLKƏ FUTBOLU 9 Aprel 2015 / 20:51 38977

- A +

Bu gün Azərbaycan Premyer Liqasında 29-cu turun oyunları keçirilib.

Qol.Az-ın məlumatına görə, turun bütün oyunları bu gün baş tutub.

Premyer Liqanın lideri "Qarabağ" bu tur evdə AZAL-ı sınağa çəkib. Son iki turda xal itirən Ağdam təmsilçisi bu görüşdə qələbə qazanmağa çalışacaqdı. "Qarabağ" hesabda geri düşsə də, daha sonra iki qol vurmaqla oyundan qalib ayrılıb - 2:1.

Sumqayıtda isə autsayderlər - "Sumqayıt" və "Bakı" münasibətlərinə aydınlıq gətiriblər. "Bakı" bu görüşdə qalib gələcəyi təqdirdə rəqibi ilə arasındakı xal fərqini azaldacaqdı. Lakin bu görüşdə qapılara qol vurulmayıb və komandalar meydanı 1 xalla tərk ediblər - 0:0.

Turun mərkəzi qarşılaşması Lənkəranda keçirilib. Burada əzəli rəqiblər - "Xəzər Lənkəran" və "Neftçi" üz-üzə gəlib. "Xəzər Lənkəran" cari mövsüm uğursuz çıxışı ilə diqqət çəksə də, doğma meydanda əzəli rəqibini məğlub etməyə çalışacaqdı. Çempionluq uğrunda mübarizə aparan "Neftçi"ni bu görüşdə yalnız qələbə qane edəcəkdi. "Neftçi" 2:0 hesabı ilə önə keçsə də, bu üstünlüyünü qoruya bilməyib. Görüşün 33-cü dəqiqəsindən etibarən 10 nəfərlə mübarizə aparan "Xəzər Lənkəran" fasilədən sonra iki qol vurmaqla məğubiyyətdən xilas olub - 2:2.

Tura "Qəbələ" - "Simurq" oyunu ilə yekun vurulub. Qarşılaşma meydan sahiblərinin minimal hesablı qələbəsi ilə başa çatıb - 1:0.

9 aprel

Azərbaycan Premyer Liqası, 29-cu tur

19:00. “Qəbələ” – “Simurq” - 1:0
Qol: Ruslan Abışov, 60 (1:0)
Hakimlər: Elvin Əsgərov, Rahil Ramazanov, Munis Abdullayev, Nahid Əliyev
Əlavə köməkçi hakimlər: Vüsal Əliyev, İnqilab Məmmədov
Qəbələ şəhər stadionu.

17:00. “Xəzər Lənkəran” – “Neftçi” - 2:2
Qollar: Julius Vobay, 14 (0:1), Erik Ramos, 25 (0:2), Rahid Əmirquliyev, 63 (1:2), Adrian Skarlatake, 74 (2:2)
Qırmızı vərəqə: Alfred Sankoh, 33 ("Xəzər Lənkəran")
Hakimlər: Əliyar Ağayev, Zeynal Zeynalov, Mübariz Haşımov, Mahir Məmmədov
“Xəzər Lənkəran” mərkəzi stadionu

17:00. “Qarabağ” – AZAL - 2:1
Qollar: Seymur Əsədov, 10 (0:1), Leroy Corc, 20 (1:1), Vüqar Nadirov, 50 (2:1)
Hakimlər: Rəhim Həsənov, Yaşar Abbasov, Rəvan Həmzəzadə, Rza Məmmədov
Əlavə köməkçi hakimlər: Xəlil Xəlilov, Etibar Həsənov
Bakı. “Bakcell Arena”.

17:00. “Sumqayıt” – “Bakı” - 0:0
Hakimlər: Ramil Diniyev, Cavanşir Yusifov, Coşqun Həsənov, Nail Nağıyev
Sumqayıt şəhər stadionu, 17:00

Turnir cədvəli

N	Klublar	O	Q	H	M	T-F	X
1	Qarabağ	26	17	6	3	42-22	57
2	İnter	25	12	11	2	40-12	47
3	Neftçi	26	13	7	6	32-20	46
4	Qəbələ	26	11	7	8	35-32	40
5	Simurq	26	10	5	11	35-28	35
6	AZAL	26	8	7	11	28-37	31
7	Xəzər Lənkəran	26	7	6	13	32-40	27
8	Sumqayıt	25	4	8	13	23-36	20
9	Bakı	26	2	7	17	16-56	13
10	Araz Naxçıvan	0	0	0	0	0-0	0

Bombardirlər:

Draqan Çeran ("Simurq") - 12 qol
Nurlan Novruzov ("Bakı") - 12 qol
Reynaldo Silva ("Qarabağ") - 9 qol
Freddi Mombonqo (AZAL) - 8 qol
Mikel Alvaro (“İnter”) - 8 qol
Franka Nildo ("İnter") - 8 qol
Məhəmməd Qurbanov (“Sumqayıt”) - 8 qol
Cavid Hüseynov ("Qəbələ") - 8 qol
Nikolas Kanales ("Neftçi") - 8 qol
Rəşad Eyubov ("Simurq") - 7 qol

Daha çox