14:24
Premyer Liqamızın 24-cü turunda öz meydanında “Simurq” u qəbul edəcək “İnter” matçın hazırlıqlarını davam etdirir. Bu gün də komanda “İnter Arena”da növbəti məşqinə çıxıb. Məşqdən sonra “bankirlər”in makedoniyalı yarımmüdafiçisi Slavço Georgiyevski Qol.Az saytına müsahibə verib.
- Oyuna hazırlıq necə gedir?
- Bizim hədəflərimiz həmişəki kimi böyükdür. Qış fasiləsindən sonra komandada hər şey qaydasındadır. Çalışırıq ki, hər bir oyuna yaxşı hazırlaşaq və rəqiblərimizlə aramızdakı məsafəni qoruyaq. Bacardığımız qədər turnir cədvəlində “Qarabağ”la aramızdakı xal fərqini azaltmaq istəyirik.
- Turnir cədvəlində 2-ci pillədə olsanız da “Qarabağ”la aranızda 9 xal fərq var.
- “İnter” heç vaxt başqa komandaların nəticələrinə ümid etməyib. Düzdür, “Qarabağ”la aramızda xal fərqi çoxdur. 3-4 turdan sonra nələr baş verəcəyini düşünmədən öz oyunumuzu oynayacağıq. Bizim iddialarımız hər zaman eynidir. Bu mövsümdə ya çempion olmaq, ya da ölkə kubokunu qazanmaq istəyirik . Hər şey qarşıdakı oyunlarda qazanacağımız nəticələrdən asılıdır. Amma nəticə haqda danışmaq yox, onu qazanmaq lazımdır.
- 3-cü sırada qərarlaşan “Neftçi” ilə də aranızdakı xal fərqi minumuma enib.
- Rəqiblərimizin əksəriyyəti mübarizdirlər. Bu, bir tərəfdən bizim üçün yaxşıdır. Çünki biz onda daha iddialı oluruq. Bu, komandanın səviyyəsinin yüksəlməsi üçün də gərəklidir. Əsas məqsədimiz avrokuboklara vəsiqə qazanmaqdır.
- “İnter” bu çempionatda ən az qol buraxan, “Qarabağ”dan sonra isə ən çox qol vuran komandadır. Səncə, müdafiə yoxsa, hücum xəttiniz güclüdür?
- Artıq bir neçə mövsümdür ki, “İnter” çempionatda ən az qol buraxan komandadır. Bu, bizim müdafiə xəttimizin etibarlı oyunundan irəli gəlir. Amma bəziləri deyir ki, “İnter” bütün hücumları müdafiədən təşkil edir. Mən bununla razı deyiləm. Biz oyunumuzu düzgün qurmağı bacarırıq və komanda şəklində oynayırıq. Ona görə də hər bir mövqedə oynayan futbolçumuz qol vura bilər.
- Kaxaber Sxadadzenin komandadan ayrılacağı məlumdur. Bu, sizdə ruh düşkünlüyü yaratmır?
- Sxadadze uzun illərdir ki, bu klubda çalışır. O, güclü məşqçidir. Bütün komandada qələbə ruhu yarada bilib. Onun böyük hədəfləri var və biz o gedəndən sonra da bunu qoruyub saxlamalıyıq. Hamı bilməlidir ki, Sxadaze klubdan ayrılandan sonra da “İnter” əvvəlki səviyyəsində qalacaq . Amma yenə də onun gedişi “İnter” üçün böyük itki olacaq
- Növbəti turda “Simurq”la oynayacaqsınız. Bu oyun haqqında nə deyə bilərsən?
- “Simurq” yaxşı komandadır. Onlara qarşı oynamaq çətindir. Amma bizi çox maraqlı matç gözləyir. Hər zaman “Simurq”la oyunlarımızı “qardaş komandaların qarşılaşması” kimi dəyərləndiriblər. Əslində isə bizim bu komandayla oyunlarımız az qala müharibəyə bənzəyir.
Ergün SEYİD
40 yaşında 40 qol vurdu
İsko 1 ay oynamayacaq
Roman Qriqorçuk qayıdır
Bu ilin ən çox qazanan futbolçuları kimlər oldu?
"Dünyanın ən yaxşı hücumçularından biridir"
"Arsenal" yenidən lider oldu
"Real" hələ də ideal əvəzləyicini tapa bilmir
Ronaldo dubl etdi, komandası qələbə seriyasını qorudu
"Neftçi" Ukrayna klubunun futbolçusu ilə maraqlanır
Zirkzeyə "Roma"dan təklif gəldi
"Neftçi"nin futbolçusu oynadı, yığması qələbə qazandı
"Mançester Siti" liderliyə yüksəldi
"Fiorentina" səfərdə məğlub oldu
"Marsel" hücum xəttini gücləndirmək üçün hərəkətə keçdi
"Mançester Siti" onu satışa çıxardı
"Milan"dan Menyana rəsmi təklif
"Napoli" "Real"ın bu futbolçusunu istəyir
Qvardiola mümkün transferlər haqda
Bir oyun belə keçirmədən yeni klubunda rekorda imza atdı
"Barselona"nın yeni müdafiəçi planı
Bellinqem üçün sərvət ödəməyə hazırdırlar
"Yuventus"da Kenan Yıldız sevinci
Millimizin üzvləri uşaq sığınacağını ziyarət etdilər
“Real” Zidanı qaytarırmı?
Federasiya prezidentinə qarşı korrupsiya ittihamı
İlin ən yaxşı məşqçilərinin reytinqi
"Mançester Yunayted"in qələbə qolu - Video
Mərakeş qələbəni əldən verdi
“Mançester Yunayted” “Nyukasl”ı məğlub etdi
Salahın qolu Misirə qələbə qazandırdı - Video
