18:40
“Neftçi” klubunun hücumçusu Ruslan Qurbanov Azərbaycan Premyer Liqasının 16-cı turunda “Sumqayıt”a qalib gəldikləri oyundan (3:2) sonra Qol.Az saytının suallarını cavablandırıb.
- “Sumqayıt” deyəsən sizə çox çətin rəqib oldu.
- Çox önəmli bir qarşılaşma idi. Rəqib yaxşı komandadır. Onlar ildən-ilə inkişaf edir, oyunlarında yaxşı mənada dəyişiklik var. Yaxşı müdafiə olunur, təhlükəli hücumlar təşkil edirlər. Bu komandaya qarşı açıq futbol oynamaq çətindir. Onlara imkan verdikcə öz şanslarından yaxşı yararlana bilirlər. Bizim üçün yaxşı nəticə oldu. Əsas rəqibimiz “Qarabağ” xal itirdi və biz bundan yaxşı istifadə edib aradakı fərqi azaltdıq. Növbəti turda “İnter”lə oyunda da çalışacağıq yaxşı nəticə əldə edək ki, turnir cədvəlində mövqeyimizi yaxşılaşdıraq.
- Oyuna ikinci hissədə daxil olsan da, sona yaxın əvəzləndin. Bunun səbəbi nə idi?
- Vurduğum qoldan sonra ayaq bağlarında ağrılar başladı. Düşündüm ki, bu cür davam etsə, zədəm daha da ağırlaşardı. Ona görə də,baş məşqçidən əvəzlənməyimi istədim.
- Biz epizodda komanda yoldaşın Karlos Kardoso ilə mübahisə edirdin..
- Oyunda belə şeylər olur. Bəzən əsəblərinə sahib ola bilmirsən. Amma Karlos məndən böyükdür,ona cavab qaytarmamalı idim. Paltardəyişmə otağında söhbət etdik və bir-birimizi başa düşdük.
- Matçı izləyənlər arasında milli komandanın baş məşqçisi Robert Prosineçki də var idi. Oyunda iki dəfə fərqləndiyini nəzərə alsaq, sənə dəvət göndərəcəyinə ümid edirsən?
-Əvvəlcə Prosineçkini millimizə baş məşqçi təyin edilməsi münasibəti ilə təbrik edirəm.Oyundan əvvəl onun oyunu izlədiyini bilirdim. Bu da bizim üçün əlavə motivasiyadır. Ümid edirəm ki, mən də milli komandaya dəvət olunacam.
- Komandanızın qapıçısı Emil Balayevin “Ayntraxt”a transfer olunması sən də daxil olmaqla gənc oyunçuların həvəsini artırıb?
- Emilin Almaniya bundesliqa komandasına keçidinə görə biz çox sevinirik. Bu, cavan futbolçulara çox yaxşı təsir edir. Bizə öz üzərimizdə daha çox çalışmaq üçün motivasiya verir. Təkcə Bundesliqa yox, bəlkə La Liqada da çıxış edə bilərik. Emil Balayevi bu keçidi ilə bağlı təbrik edirəm. Ona gələcək karyerasında uğurlar arzulayıram. İnanıram ki, gələcəkdə yaxşı bir qapıçı kimi formalaşıb Azərbaycan millisinin əsas qolkiperi olacaq.
Ergün SEYİD
"Günü-gündən yaxşılığa doğru gedirik" - Elmar Baxşıyev
"Sabah" "Petrokub"a qalib gəldi
"Araz-Naxçıvan"dan avrokuboklara əla başlanğıc
"Arsenal" ispaniyalı müdafiəçinin transferini açıqladı
"Aston Villa"da yeni uzunmüddətli müqavilə
"Petrokub" - "Sabah" matçı üçün - Heyətlər
Xabi Alonso "Real" rəhbərliyindən bunu xahiş etdi
"Araz-Naxçıvan" - "Aris": Heyətlər
"Kəpəz" növbəti transferini rəsmən açıqladı
"Karvan"dan yeni transfer - Rəsmi
"İmişli" daha 2 futbolçunu göndərdi
"Qarabağ" əvvəlki illərdən daha hazırlıqlı görünür"
Azərbaycanlı futbolçu Xorvatiya klubunda - Rəsmi
"Araz-Naxçıvan" - "Aris" oyununa nə qədər bilet satılıb?
"Yuventus"da yeni müqavilə
"Səbail" növbəti transferini açıqladı
"Milan" müdafiəçi aldı
Neymar azarkeşlə mübahisə etdi
"Barselona"dan "Roma"ya
"Mənasız qollar buraxmamalı idik” - "Şelburn"un kapitanı
