18:35
2014/2015 mövsümü üçün Avropa Liqasının 1/16 və 1/8 final mərhələlərinin püşkünün vaxtı açıqlanıb.
Qol.Az-ın UEFA-nın rəsmi saytına istinadən verdiyi məlumata görə, İsveçrənin Nyon şəhərində baş tutacaq püşkatma mərasimi dekabrın 15-də keçiriləcək.
Püşk zamanı 32 komanda iki səbətə bölünəcək. Avropa Liqasının qrup mərhələsinin 12 qalibi 1-ci, qrup ikinciləri 2-ci səbətdə qərarlaşacaq. Yerdə qalan 8 komanda isə Çempionlar Liqasının qrup mərhələsinin üçüncüləri olacaq. Həmin komandalardan ən yüksək reytinqə malik dörd komanda 1-ci, digər dörd klub isə 2-ci səbətdə yer alacaq.
Avropa Liqasının 1/16 final mərhələsinin iştirakçıları arasında Azərbaycanın "Qarabağ" klubu da ola bilər. Bunun üçün Ağdam təmsilçisi qrup mərhələsinin son oyununda evdə İtaliya "İnter"inə qalib gəlməlidir. Bakıdakı görüşdə heç-heçə olacağı təqdirdə "Qarabağ" qrupun digər oyunu - "Dnepr" (Ukrayna) - "Sent-Etyen" (Fransa) matçının nəticəsini gözləməli olacaq. Əgər həmin görüşdə də bərabərlik qeydə alınarsa, o zaman qrup ikincisi kimi məhz son Azərbaycan çempionu 1/16 finala adlayacaq.
"Qarabağ" klubu püşk zamanı ikinci səbətdə qərarlaşacaq. Belədə Qurban Qurbanovun komandası 1-ci səbətdə yer alacaq nisbətən güclü rəqiblə üz-üzə gələcək. Reqlamentə əsasən Ağdam təmsilçisi qrup mərhələsində İtaliya "İnter"i ilə mübarizə apardığından 1/16 finalda həmin komandayla qarşılaşa bilməyəcək. Avropa Liqasının 1/16 final mərhələsinin oyunları 19-26 fevral tarixlərində keçiriləcək.
Qeyd edək ki, dekabrın 15-də Avropa Liqası ilə yanaşı, Çempionlar Liqasının 1/8 final mərhələsinin də püşkü atılacaq. İsveçrənin Nyon şəhərində keçiriləcək tədbir Bakı vaxtı ilə saat 15:00-da başlayacaq.
“Real” sonda sevindi
PSJ öz meydanında uduzdu
MOİK-in qələbəsi - Video
DÇ-2026-ya vəsiqə qazanmasalar, istefa verəcək
Azərbaycan millisi Macarıstanda məşqə çıxdı - Şəkillər
"Səbail"in 4 qollu qələbəsi - Video
UFC yarışı yenidən Bakıya qayıdır
Volkan Demirelin yeni klubu
Ronaldonun zədəsi gözləniləndən ciddidir
Superliqa klubu baş məşqçiyə cəmi 18 gün şans verdi
"Səbail" və MOİK-dən qələbə
“Qarabağ” mənim üçün tramplin ola bilər” - Jeremi Qnali
Azərbayan çempionatlarında ötən ayın ən yaxşıları açıqlandı
"Kəpəz" rəhbərliyində dəyişikliklər
4 komandaya texniki məğlubiyyət verildi
AFFA klubları cərimələdi, futbolçuları cəzalandırdı
"Qarabağ"ın 15 yaşlı futbolçusu Fransa klubuna gedir
Britaniya mediasından iddia - "Qarabağ"lıya təkliflər var
Mövsümdə ilk, tarixdə 35-ci
Andradenin 200-cü oyunu
