19:30
Avropa Liqasının qrup mərhələsinin sonuncu oyununda “İnter”lə qarşılaşacaq “Qarabağ”ın heyətində üç zədəli (Cumbinyo, Dias və Reynaldo) olsa da, komandada vərəqə cəzası səbəbindən qarşıdakı matçı buraxacaq futbolçu olmayacaq.
Qol.Az saytının xəbərinə görə, cari mövsüm Ağdam klubunun yeddi futbolçusu Avroliqanın müxtəlif oyunlarında sarı vərəqə alıb, qırmızı vərəqə ilə cəzalandırılan isə olmayıb. “Qarabağ”da hazırda ən çox sarı vərəqə alan Maksim Medvedyevdir: onun üç sarı vərəqəsi var. Vərəqələrdən biri pley-off mərhələsində - “Tvente” ilə oyunda, digər ikisi isə “Dnepr” və “Sent-Etyen”lə qrup matçlarında alınıb.
“Qarabağ”ın meneceri Asif Əsgərov Qol.Az-a bildirib ki, Avropa Liqasının 2014/15-ci il mövsümü üçün əsasnaməsinə görə, təsnifat mərhələsində alınan sarı və qırmızı vərəqələr qrup mərhələsində avtomatik ləğv olunur. Bu isə o deməkdir ki, hazırkı durumda Maksimin yalnız qrupda aldığı iki sarı vərəqə qüvvədədir. Əsasnaməyə görə, qrup mərhələsində üç sarı vərəqə alan futbolçu bir oyunu buraxır. Qrupda bir dəfə cəzalı duruma düşmüş futbolçu, bundan sonra artıq üç deyil, iki sarı vərəqə alacağı halda növbəti oyunu buraxmaq məcburiyyətində qalacaq.
Beləliklə, indiki halda “Qarabağ”da vərəqə səbəbindən cəzalı duruma düşməyə ən yaxın oyunçu Maksim Medvedyevdir. Əgər o, “İnter”lə matçda da bir sarı vərəqə alarsa, o zaman bir oyunla cəzalandırılacaq. Bu halda o, “Qarabağ” 1/16 finala düşərsə, həmin mərhələnin ilk oyununu, yox, mübarizəni dayandırarsa, o zaman növbəti mövsümün ilk oyununu buraxacaq.
“Qarabağ”da Maksimdən sonra ən çox sarı vərəqə alan Qara Qarayevdir: iki dəfə. Lakin Qara bir sarı vərəqəni “Tvente” ilə pley-off, digərini isə “Dnepr”lə qrup matçında aldığı üçün onun bir sarısı ləğv olunur. Ümumilikdə, hazırkı durumda “Qarabağ”ın sarı vərəqə cəzası olan futbolçularının siyahısı belədir:
Maksim Medveyev, 2 sarı vərəqə (“Dnepr” və “Sent-Etyen”lə oyunlarda)
Qara Qarayev, 1 sarı vərəqə (“Dnepr”lə oyunda)
Ansi Aqolli, 1 sarı vərəqə (“Dnepr”lə oyunda)
Bədavi Hüseynov, 1 sarı vərəqə (“Dnepr”lə oyunda)
Muarem Maurem, 1 sarı vərəqə (“İnter”lə oyunda)
Leroy Corc, 1 sarı vərəqə (“Sent-Etyen”lə oyunda)
Vüqar Nadirov, 1 sarı vərəqə (“Dnepr”lə oyunda)
Noyer sıradan çıxdı
“Real” sonda sevindi
PSJ öz meydanında uduzdu
MOİK-in qələbəsi - Video
DÇ-2026-ya vəsiqə qazanmasalar, istefa verəcək
Azərbaycan millisi Macarıstanda məşqə çıxdı - Şəkillər
"Səbail"in 4 qollu qələbəsi - Video
UFC yarışı yenidən Bakıya qayıdır
Volkan Demirelin yeni klubu
Ronaldonun zədəsi gözləniləndən ciddidir
Superliqa klubu baş məşqçiyə cəmi 18 gün şans verdi
"Səbail" və MOİK-dən qələbə
“Qarabağ” mənim üçün tramplin ola bilər” - Jeremi Qnali
Azərbayan çempionatlarında ötən ayın ən yaxşıları açıqlandı
"Kəpəz" rəhbərliyində dəyişikliklər
