"Qarabağ" vahid lider oldu

Bu gün Azərbaycan Premyer Liqasında 12-ci turun oyunları keçirilir.

Qol.Az-ın məlumatına görə, turun bütün görüşləri eyni gündə baş tutacaq.

Tura "Bakı" - "Qarabağ" oyunu ilə start verilib. "Araz Naxçıvan"ın fəaliyyətini dayandırmasından sonra 3 xalı silinərək liderliyi əldən verən Ağdam təmsilçisi bu görüşdə qələbə qazanmaqla ən azı turnir cədvəlinin ikinci pilləsindəki mövqeyini qorumağa çalışacaqdı. Turnir cədvəlinin sonuncu pilləsində qərarlaşan "Bakı" isə öz meydanında qalib gəlməklə vəziyyətini yaxşılaşdırmaq niyyətində idi. Lakin səfərdə rəqibinə 4:2 hesabı ilə qalib gələn "Qarabağ" liderliyə yüksəlib.

Paytaxtın digər təmsilçisi AZAL doğma azarkeşləri önündə "Qəbələ"ni sınağa çəkib. Gərgin keçən oyunda qalib müəyyənləşməyib. Hərəyə 3 dəfə fərqlənən komandalar meydanı 1 xalla tərk edib - 3:3. 

Premyer Liqanın hazırkı lideri "Neftçi" klubu isə bu tur Zaqatalaya səfər edib. Son Azərbaycan kubokunun sahibi səfərdə "Simurq"a qalib gəlməklə liderliyini qoruya bilərdi. Lakin səfərdə "Simurq"a 0:1 hesabı ilə uduzan "Neftçi" liderliyini əldən verib.  

Turun mərkəzi qarşılaşmasında "İnter" və "Xəzər Lənkəran" komandaları üz-üzə gəlib. Bu komandaların turnir cədvəlinin qonşu pillərində qərarlaşması oyuna olan marağı bir qədər də artırırdı. "İnter Arena"da keçirilən oyun "İnter"in 3:1 hesablı qələbəsi ilə başa çatıb.

Qeyd edək ki, "Araz Naxçıvan" klubu fəaliyyətini dayandırdığı üçün "Sumqayıt" bu tur istirahət edəcək.

20 noyabr

Premyer Liqa, 12-ci tur

18:00. “İnter” – “Xəzər Lənkəran” - 3:1
Qollar: Junior Nildo, 9 (1:0), Mikel Alvaro, 18 (2:0), 74 (3:0), Fernando Qabriel, 90+3 (3:1)
Hakimlər: Rəhim Həsənov, Yaşar Abbasov, Nahid Əliyev, Mahir Məmmədov
Əlavə köməkçi hakimlər:  Ramil Əhmədov, Vüsal Əliyev
Bakı. “İnter Arena”.


14:00. “Bakı” – “Qarabağ” - 2:4
Qollar: İnnosent Emeqara, 6 (0:1), Nuran Qurbanov, 10 (1:1), İnnosent Emeqara, 15 (1:2), Risto Ristoviç, 36 (2:2), Reynaldo, 70 (2:3), Leroy Corc, 78 (2:4)
Hakimlər: Orxan Məmmədov, Elman Musayev, Munis Abdullayev, Teymur Fərhadov
“Bakı” FK-nın təlim-məşq bazasının stadionu.

16:00. AZAL – “Qəbələ” - 3:3
Qollar: Laşa Kasradze, 23-avtoqol (0:1), Eduardo Makiel, 32 (1:1), Viktor İqbekoyi, 50 (2:1), Markinyos, 70 (2:2), Freddi Mombonqo, 80 (3:2), Cavid Hüseynov, 87-pen (3:3)
Hakimlər: Ömər Paşayev, Namiq Hüseynov, Coşqun Həsənov, Fərid Məmmədov
Əlavə köməkçi hakimlər: Elvin Əsgərov, Feyzulla Feyzullayev
Bakı. “AZAL Arena”.

17:00. “Simurq” – “Neftçi” - 1:0
Qol: Draqan Çeran, 18-pen (1:0)
Hakimlər: Fariz Yusifov, Azər Əsgərov, Mübariz Haşımov, Sərxan İsmayılov
Əlavə köməkçi hakimlər: İnqilab Məmmədov, Ramil Diniyev
Zaqatala şəhər Olimpiya kompleksinin stadionu.





Turnir cədvəli

Bombardirlər

Mikel Alvaro (“İnter”) - 7 qol
Nurlan Novruzov ("Bakı") - 5 qol    
Məhəmməd Qurbanov (“Sumqayıt”) - 5 qol
Cavid Hüseynov ("Qəbələ") - 4 qol
İnnosent Emeqara ("Qarabağ") - 4 qol
Rəşad Eyyubov ("Simurq") - 3 qol