02.11.24
"Qarabağ" klubunun futbolçusu Muarem Muarem Qol.Az saytına müsahibə verib. Azərbaycan Premyer Liqasının 32-ci turunda "Neftçi" ilə qarşılaşmada (1:1) komandasının yeganə qolunu vuran makedoniyalı yarımmüdafiəçi dünən keçirilən oyun və digər məsələlərlə bağlı sualları cavablandırıb.
- "Neftçi" ilə oyun haqda bir neçə gün əvvəldən baş məşqçimiz bizimlə xeyli söhbət etmişdi. Qərara almışdıq ki, matça sakit məcrada başlayaq. Ancaq gördüyünüz kimi belə olmadı. İlk 15-20 dəqiqədə oyun çox gərgin keçdi. Gərginliyimizin səbəbi də başadüşüləndir. Qələbə qazanmaq istəyirdik. Üç xalın bizə nə qədər vacib olduğunu hər kəs bilir. Ancaq 1:1 hesablı nəticə də pis deyil. Çünki rəqibimiz "Neftçi" idi. Gördüyünüz kimi dünən çox yaxşı oynadılar. İlk hissədə bizə xeyli çətinlik yaşatdılar. İnşallah qarşıdakı dörd oyunda yüksək nəticə əldə edib, istəyimizə çatacağıq.
- Oyun gözlənilən qədər maraqlı olmadı...
- Qeyd etdiyim kimi, ilk dəqiqələrdə bir qədər həyəcanlı idik. Rəqibin də istədiyi alınmırdı. İlk hissə oyunla yox, qayda pozuntuları ilə yadda qaldı. İkinci hissədə isə artıq öz oyunumuzu tapdıq. Əvvəldən sakit, təmkinli oynasaydıq, maraqlı bir qarşılaşma olardı.
- Komandanın yeganə qolunu vurdun və "Qarabağ"ı məğlubiyyətdən qurtardın. Həm də "Qarabağ"ın 900-cü qoluna imza atmaqla klubun tarixinə düşdün.
- İnşallah, davamı gələr. Komandamızın yubiley qolunu məhz "Neftçi"nin qapısından keçirdiyim üçün sevinirəm. Mən də istərdim ki, "Qarabağ"ın tarixinə düşüm. Ancaq ilk növbədə komandamızın uğuru vacibdir.
- Ötən tur "Simurq"a məğlub oldunuz, bu dəfə isə "Neftçi" ilə heç-heçə etdiniz. Ardıcıl uğursuzluğu necə izah etmək olar?
- Rəqiblərə nəzər salanda görünür ki, bu komandaları asanlqıla məğlub etmək olmaz. Bunlar futbolda normal haldır. "Simurq"la görüşə də çox yaxşı hazırlaşmışdıq. Ancaq həmişəki kimi yenə də bu komanda ilə oyunumuz ağır oldu. Sanki oyuna düzgün köklənməmişdik. Bir qədər də yol bizi yormuşdu. Məğlubiyyətə bəhanə gətirmək istəmirəm. Ancaq çətin səfər oyununda müəyyən nüanslar olur ki, qələbəyə imkan vermir. Daha sonra "Neftçi" ilə görüşə hazırlaşdıq. Əslində "Neftçi"yə qalib gəlməli idik. Nədənsə bu dəfə də alınmadı.
- Artıq bəzi komandalar "Qarabağ"ı çempionluq münasibəti ilə indidən təbrik ediblər. Bəlkə, bu, futbolçularda arxayınlıq yaradır?
- Bunlar bizi təbrik edənlərin öz düşüncəsidir. Onsuz da biz hələ çempionluq haqda düşünmürük. Qarşıdakı oyunlarda qalib gəlməsək, çempion ola bilmərik. Nə məşqçilər, nə də komanda yoldaşlarımla çempionluq haqda söhbətimiz olub. Hər bir oyuna final matçı kimi yanaşırıq.
- Son iki oyunda qələbə qazan bilməməyiniz komandada həyəcan yaradıb?
- Biz hazırda liderik. Niyə təlaş keçirməliyik? Komandamız tam məsuliyyətlə digər oyunlara hazırlaşır. Ancaq növbəti oyun haqda fikirləşirik. Rəqibi necə məğlub etməyin yollarını müzakirə edirik. Başqa bir şey düşünməyə gərək yoxdur. İnşallah, qarşıdakı oyunlarda istəyimizə çatacağıq.
Ramiq AĞAMƏMMƏDOV
_22.01.19.jpg)
Nistelroy Premyer Liqaya qayıdır?
Kimpembe 638 gündən sonra geri dönür
Ronaldodan dubl, "Əl-Nəsr"dən qələbə
"Vəzifəmizin öhdəsindən gəldik" - Anton Krivotsyuk
"Qalatasaray"ın futbolçusu 1 ay oynamayacaq
Əvəzedicilər liqasında 14-cü tura yekun vuruldu
Əməliyyat olunan kapitan məşqlərə başladı
AFFA rəsmisi mübahisəli epizodları şərh etdi
Kurban Berdıyev "Turan Tovuz-2"in oyununu izlədi - Şəkillər
“Sabah”a yeni baş məşqçi təyin olundu - Rəsmi+Şəkillər
2-ci liqada 7 oyunun hakimləri bilindi
"Qarabağ" - "Lion" oyununa satılan biletlərin sayı açıqlandı
Amorim: "Mançester Yunayted" uzun müddət əziyyət çəkəcək"
"Real"da şok itki
Tanınmış komanda azarkeşlərinin hücumuna məruz qaldı - Video
"Klubdan yeni təklif almamışam, çox məyusam"
"Sabah"ın yeni baş məşqçisi bu əcnəbi olacaq?
Millimizin Rusiya ilə oyunlar üçün heyəti
"Sabah" baş məşqçisini istefaya göndərdi
Simeone gedəcək, yoxsa qalacaq? - Açıqlama
Kuper istefaya göndərildi
MEDİA müsabiqə elan edib
Vaqif Cavadov təəccübləndirir
Coşqun Diniyev liderə qarşı oynadı
Kazemiro "Real"ın təklifini rədd etdi
Premyer Liqada 250-ci oyun
U-18 millimizin heyətində dəyişiklik
Mikelsin yubiley qolu
