"Qarabağ" klubunun müdafiəçisi Maksim Medvedyev Qol.Az saytına müsahibəsində Azərbaycan Premyer Liqasının son turunda "Rəvan" üzərində qələbədən (5:1), növbəti turda "Simurq"la keçiriləcək qarşılaşmadan və gələcək karyerası haqda danışıb.
- Azərbaycan Premyer Liqasının 30-cu turunda "Rəvan"ı məğlub etməklə ardıcıl 7-ci qələbənizi qazandınız...
- Rəqib oyuna yaxşı başlamışıd. Bərabər səviyyəli mübarizə gedirdi. Ancaq sonradan üstünlüyü ələ aldıq. Demək olar ki, istədiyimiz hər şey alınırdı. Rəqib müdafiə futbolu oynasa da, beş qol vura bildik. Belə hesabla qalib gəlmək sevindirici haldır. Ancaq bu qələbəni artıq unutduq. Bütün fikirlərimizi gələn oyuna yönəltmişik.
- Növbəti turda sizin üçün bu mövsüm ən çətin rəqiblərdən olan "Simurq"la qarşılaşacaqsınız.
- "Simurq"un son oyunlarına baxanda bu komandaya rəğbətim artdı. Yaxşı futbolçulardan ibarət güclü kollektivləri var. "Qarabağ"dan sonra ən az qol buraxan komandadır. Bu, adi göstərici deyil. Güclü oyunçuların nəticəsində belə nəticə qazanıblar. Rəqibin oyun üslubu da "Qarabağ"a bənzəyir. Belə komandalarla oynamaq çox çətindir. Zaqatalada həmişə çətin oyunlarımız olub. Süni örtüklü meydançada oynamaq bir qədər işimizi çətinləşdirir. Rəqib artıq həmin meydançada oynamağı öyrənib. Bununla belə səfərə ancaq qələbə üçün gedirik. İstəyimizə çatmaq istəyiriksə, hər oyun qalib gəlməliyik.
- Bir məqam da var ki, "Smurq""Qarabağ"ın bu mövsüm qalib gələ bilmədiyi, hətta qol vura bilmədiyi komandadır.
- Qalib gələ bilməsək də, uduzmamışıq da. Hər üç görüşdə heç-heçə qeydə alınıb. Komandalar bir-birinə qol vura bilməyib. Bu dəfə çalışacağıq ki, qalib gələk və tilsimi qıraq. İnanıram ki, ən azından rəqib qapısına qol vura biləcəyik.
- Növbəti turda "Qarabağ"ın çempionluğunu rəsmiləşdirməsi də mümkündür. Bu haqda düşünürsünüz, yoxsa "Neftçi" və "İnter"in xal qazana bilməməyi inandırıcı görünmür?
- "Neftçi" və "İnter"dən 13 xal irəlidə olmağımız böyük üstünlükdür. Bunun nəticəsində sərbəst oynayırıq və qələbələrimizi sıralayırıq. Ancaq gözləmirik ki, "Neftçi" və ya "İnter" kiməsə uduzsun. Biz ancaq öz gücümüzə inanırıq. Rəqiblərimizi məğlub etməyi düşünürük. Buna görə də bizi "Neftçi" və "İnter"in oyunu maraqlandırmır. "Simurq"a qalib gəlsək, vəziyyət bir qədər də aydınlaşacaq. Hər halda növbəti turd çempionluğu rəmiləşdirmək öz əlimizdə deyil.
- Premyer Liqanın 32-ci turunda "Neftçi" ilə qarşılaşmada çempion olmağınız üçün hər şey sizdən asılı olacaq. Təbii ki, bu turda "Simurq"a qalib gəlsəniz.
- Bəli, həmin qarşılaşmada hər şey həll oluna bilər. Ancaq yenə də ilk növbədə "Simurq"u məğlub etməliyik.
- "Qarabağ" sona bir neçə tur qalmış çempion olmağı hədəfləyib?
- Bizim bir hədəfimiz var - çempion olmaq. Bunun nə vaxt baş verəcəyi Allahın işidir. Əlbəttə ki, istəyirik ki, mümkün qədər tez çempion olaq. Ancaq heç bir işdə tələsmək olmaz. Hər şeyin öz vaxtı var.
- Bildiyimizə görə, "Qarabağ"la müqavilən davam edir. Komandanla yeni sözləşmə haqda danışıqların olub?
- Gələn möcsümün sonuna qədər müqaviləm var. Hələ ki, bu haqda düşünmürük. Bütün fikirlərimiz oyunlardadı. Başqa şey haqda fikirləşmirəm.
- Digər klublardan təklif almısan?
- Hamı bilir ki, "Qarabağ"da xoşbəxtəm, bu komandanın sadiq oyunçusuyam. Müqaviləm də davam etdiyi üçün təklif almamışam. Özüm də heç yerdən təklif gözləmirəm. Məncə, "Qarabağ"la danışıqlara ehtiyac yoxdur. Belə davam etsə, elə "Qarabağ"da qalacam.
Ramiq AĞAMƏMMƏDOV
"Arsenal"dan qələbə
Mərakeşli hücumçu 1-ci oldu
"Araz-Naxçıvan"da iki futbolçu məşqləri bərpa etdi
UEFA Avro-2024-lə bağlı yeni qərarı rəsmən açıqladı
İngiltərədə bu mövsümün ən yaxşı oyunçusu müəyyənləşdi
"Bu, cinayətdir" - Klopp
Avroliqada həftənin ən yaxşı futbolçusu seçildi
"Mançester Yunayted"in Ten Haq qərarı
ÇL-də həftənin ən yaxşı oyunçusu odur
Misli Premyer Liqasında 33-cü turun hakimləri bilindi
Bir dövrün sonu
Azərbaycanın U-17 və U-19 millilərinin rəqibləri bəlli oldu
“Liverpul”un futbolçusu məşhur aktyorun qızı ilə sevgilidir
Bakıda Avropa çempionatı keçiriləcək
Rəqibi təpiklə vuran futbolçunun cəzası açıqlandı
AFFA öz futbolçularını təhqir edən baş məşqçini cəzalandırdı
"Şamaxı"nın vacib səfər qələbəsi - Video
“Turan Tovuz”un futbolçusu 4 oyunluq cəzalandırıldı
"Qarabağ" - "Neftçi" matçının biletləri satışda
“Barselona” Pedrini satacaq
"Yaxşı ki, Belarusla qarşılaşdıq" - Millinin baş məşqçisi
Avroliqada həftənin ən yaxşısı adına 2 namizəd
Birinci liqanı tərk edəcək komanda bilindi
Ardıcıl 7-ci dəfə çempion oldular
Messiyə mükafat verildi