03.02.26
"Qarabağ" klubunun kapitanı Rəşad Sadıqov Qol.Az saytına müsahibəsində Topaz Premyer Liqanın son turunda AZAL üzərində qələbədən (2:0), növbəti turda "Rəvan"la keçiriləcək oyundan və "Qarabağ"la mövcud müqaviləsindən danışıb.
- Topaz Premyer Liqanın son turunda AZAL-a qalib gəldiniz. Əvvəlki oyunlarla müqayisədə bu dəfə daha asan qələbə qazandığınızı demək olar?
- AZAL sona qədər müqavimət göstərdi. Əvvəldən də bilirdik ki, çətin qarşılaşma olacaq. Çünki AZAL-la Şüvəlandakı bütün oyunlarımız ağır keçir. Stabil olaraq neçə turdur, qələbə qazanırıq. Şükürlər olsun ki, bu dəfə də qalib gəlib, üç xalı qazandıq. AZAL elə bir komandadır ki, heç vaxt onlara qarşı oynamaq asan olmur, nəinki qələbə qazanmaq.
- Növbəti turda da "Qarabağ" üçün ilk dövrələrdə arzuolunmaz rəqiblərdən olan "Rəvan"la qarşılaşacaqsınız.
- Bəli, AZAL, "Rəvan" və "Simurq" bu mövsüm bizə başağrısı olub. Əsasən bu komandalarla oyunda xal itirmişik. "Rəvan" da onlardan biridir. İlk iki dövrədə "Rəvan"a qalib gələ bilməmişik. Yalnız sonuncu qarşılaşmada çətinliklə qələbə qazandıq. Bu dəfə də bizi asan oyun gözləmədiyini bilirik.
- Kubokda da mübarizəni davam etdirən "Rəvan"ı bu dəfə məğlub etmək çətin olmamalıdır...
- AFFA-nın son qərarına əsasən bir klub güclülər dəstəsini tərk edəcək. "Rəvan" sonuncu pillələrdə qərarlaşdığı üçün düşünürəm ki, onlar üçün çempionat oyunu daha vacibdir. Buna görə də "Rəvan" bizimlə oyuna uduzmaq üçün çıxmayacaq.
- Topaz Premyer Liqanın 32-ci turunda "Neftçi" ilə qarşılaşacağınız oyun həlledici ola bilər?
- Hazırda ancaq "Rəvan"la oyunu düşünürük. Üç turdan sonra "Neftçi"ni öz meydanımızda qəbul edəcəyik. Bəli, bu görüş çox vacibdir, çox şeyi həll edə bilər. Ancaq həmin görüşdən əvvəl qeyd etdiyiniz məsələni düşünə bilərik. İndi isə problemimiz "Rəvan"dır. Hər bir oyuna ayrı-ayrı yanaşmaq lazımdır.
- "Qarabağ"la mövcud müqavilən mövsümün sonunda başa çatacaq. Klubla danışıqlara başlamısan?
- Çalışıram ki, çempionat başa çatdıqdan sonra bu barədə müzakirə aparaq. İndi belə məsələlərlə başımı qatmaq istəmirəm. Çünki istər-istəməz çempionatın gərgin dövründə fikrimi yayındıra bilərəm. Klubla ortaq məxrəcə gəlsəm də, gəlməsəm də, bunu mövsümün sonunda müzakirə etməyə qərar vermişik.
- Məsələ ilə bağlı klubun fikrini öyrənmişik. "Qarabağ" səninlə müqaviləni artırmaq istəyir.
- Bilirəm, mənə klub tərəfindən yeni müqavilə təklif olunub. Ancaq sonradan belə məsləhət oldu ki, çempionat sona çatandan sonra ətraflı danışıb, razılaşarıq.
- "Qarabağ"ın direktoru Əmrah Çəlikəl sənin "Qarabağ"a ürəkdən bağlı olduğunu və bağlanacaq müqavilənin formal olacağnı bildirib.
- Təbii ki, "Qarabağ"a ürəkdən bağlıyam. Son illərdə bu komanda ilə futbol karyeramın yaxşı günlərini keçirmişəm. Klubda mənə qarşı çox yaxşı rəftar edirlər. "Qarabağ"da hər iş yüksək səviyyədə qurulub. Buradakı futbol karyeramdan məmnunam. Ancaq futbol elədir ki, müzakirə olunası bir çox məsələlər var. Mövsümün sonunda bütün detalları müzakirə edəcəyik. Ortaq məxrəcə gəlsək, müqavilənin müddətini uzadacam.
Ramiq AĞAMƏMMƏDOV
5 qol vurdu, ayın ən yaxşısı oldu
"Barselona" Avropa Klublar Assosiasiyasına qayıtdı
Misli Premyer Liqasında 6 oyunun hakimləri
İngiltərədə yanvarın ən yaxşı məşqçisi seçildi
Mbappe sabah oynayacaq?
İqor Tudor “Tottenhem”ə gətirilir
Azərbaycan çempionatının son 1/4 finalçıları məlum oldu
Milli komandalarımızın yeni məşqçiləri açıqlandı
Emreli 3 ay sonra yenidən məşqdə - Şəkillər
2030-cu ilə qədər "Bavariya"da - Rəsmi
Azərbaycan millisi Avropa çempionatında iştirak edəcək
“Məni ən çox inkişaf etdirən futbolçu Messi olub” - Mourinyo
Simeonedən Yamala təxribatçı jest - Şəkil
UEFA-nın növbəti Konqresi Qazaxıstanda
"Sabah" hər ikisi ilə yolları ayırdı
"Onunla Azərbaycan millisinə dair danışacağam"
Azərbaycan millisinin oyunlarının təqvimi - Millətlər Liqası
Məşhur futbolçu "Əl-Hilal"la müqaviləni uzatdı
"Atletiko" "Barselona"ya 4 qolu belə vurdu - Video
Ançelotti heç yerə getmir
"Barselona" 37 il sonra ilk dəfə...
Azərbaycan çempionatında tay-brek günü
"Arsenal" bu cür xal itirdi - Video
Flikin ən ağır məğlubiyyəti
"Atletiko" "Barselona"nı darmadağın etdi
FİFA-dan "Atletik"ə sərt cəza
Sterlinqin yeni klubu bilindi - Rəsmi
Şamaxıda vurulan 6 qol - Video
"Qarabağ"ın prezidenti "Neftçi"yə təşəkkür etdi
"C Liqasına qayıdacağımıza inanıram” - Ayxan Abbasov
Benzemaya görə matçlara çıxa bilməyəcəklər
UEFA Millətlər Liqasının püşkü atıldı
"Atalanta"nın futbolçusu sıradan çıxdı
Millimizin rəqibləri bəlli oldu - Millətlər Liqası
"Qarabağ" – "Nyukasl" matçına nə qədər bilet satılıb?
"Neftçi" - "Qarabağ" oyunu təxirə salındı
“Zirə” millinin üzvünü heyətinə qatdı - Rəsmi
Məşhur məşqçi oyun zamanı huşunu itirdi
UEFA-dan avrokuboklara qatıla bilməyən klublara böyük dəstək
Balotelli yeni klubunda irqçi təhqirlərə məruz qaldı
1-ci liqada 14-cü turun ilk matçları baş tutdu
