"Qəbələ" klubunun vitse-prezidenti Fariz Nəcəfovun Qol.Az saytına müsahibəsi
- Klub rəhbərliyi kimi "Qəbələ"nin qış fasiləsindən sonrakı çıxışlarını necə qiymətləndirirsiniz?
- Nəticə göz qabağındadır. Toplanışdan sonra üç oyun keçirmişik. Bunlardan ikisində məğlub olmuşuq. Daha yaxşı çıxış etməli idik. Üç oyuna üç xal toplamaq pis nəticədir. Çempionluq üçün çox vacib olan "Qarabağ" və "Xəzər Lənkəran"la oyunlarda məğlub olduq. Yəqin ki, qarşıdakı turlarda bunların əvəzini çıxacağıq.
- Son turda komandanız öz meydanında "Xəzər Lənkəran"a uduzdu. Bu görüş haqda nə deyə bilərsiniz?
- Matçı canlı izləyirdim. Çox maraqlı bir qarşılaşma oldu. Komandamız bir sıra səhvlərə yol verdi. Yaxşı olardı ki, bunu məşqçilər özləri analiz etsin. Ümumilikdə futbolçularımız istəkli idi. Əzmkar oyun sərgilədilər.
- Diqqət çəkən məqamlardan biri də "Xəzər Lənkəran" klubunun rəhbərliyindən heç kimin Qəbələyə gəlməməsi oldu.
- "Qəbələ" klubu yaranan gündən mən burdayam. Həmin vaxtdan indiyə qədər "Xəzər Lənkəran"la çox yaxşı münasibətlərimiz olub. İndi də xoş münasibətimiz davam edir. Oyuna niyə gəlmədiklərini deyə bilmərəm. Yəni heç bir problem yoxdur.
- "Qəbələ" qış fasiləsinə qədər uğurla irəliləyirdi. Fasilədən sonra isə qeyd etdiyiniz kimi, komanda üç oyuna cəmi üç xal qazanıb. Analoji hal ötən illərdə də baş vermişdi.
- Razıyam ki, oxşar haldı. Ancaq eyni şeyin təkrarlanacağına inanmıram. Çünki indi tam fərqli bir komandamız var. Son uğursuzluqlarda meydandankənar heç bir səbəb yoxdur. "Xəzər Lənkəran"la oyundan sonra baş məşqçi Yuri Syomin və məşqçilərlə görüşüm oldu. Bəzi futbolçularla ayrı-ayrılıqda söhbət apardım. Onu da deyim ki, "Qarabağ" və "Xəzər Lənkəran"a uduzduğumuz görüşlərdə tam bərabər səviyyəli oyunlar gedib. Yəni "Qəbələ" heç də zəif çıxış etmir. Futbolda hər cür sürprizlər olur. Məncə, qarşıdakı oyunlarda hər şey qaydasına düşəcək.
- "Qəbələ" çempionluq yolunda əsas rəqiblərdən olan "Qarabağ" və "Neftçi"yə cari mövsüm qalib gələ bilməyib. Bu, çempionluq ümidlərini azaltmır?
- Ümidlərimiz azalmayıb. Əsas odur ki, həmin komandalar bizdən çox uzaqlaşmasınlar. Bilirsiniz ki, artıq "Qarabağ" bizi 4 xalla üstələyir. Ancaq qarşıda kifayət qədər vaxt var ki, bu fərqi azaldaq. "Qarabağ"la bir, "Neftçi" ilə isə iki dəfə qarşılaşacağıq. Hər şey yaxşılığa doğru gedəcək.
- Baş məşqçi Yuri Syominlə söhbətinizdə o, son uğursuz çıxışları nə ilə əlaqələdirdi?
- Əslində məğlub olmağımızın səbəbləri oyuna baxanda görünür. Syominlə danışmağımın məqsədi o idi ki, başqa bir problem varsa, öyrənim. Söhbətimizdən sonra tam əmin oldum ki, səbəblər elə mən bildiklərimdir. Yəni meydandankənar amil yoxdur. Müəyyən texniki məsələləri də müzakirə etdik.
- "Xəzər Lənkəran"la oyunda bir qrup azarkeş Syominə etirazını bildirdi. Buna münasibətiniz necədir?
- Mən heç bir etirazın olduğunu görmədim. Onu deyə bilərəm ki, hər bir azarkeşin məşqçiyə etiraz bildirmək hüququ var. Üstəlik ev oyunlarında uduzmaq azarkeşlərin haqlı narazılığına səbəb olmalıdır.
- "Qəbələ"nin yeni transferlərindən Marat İzmayılov və Kamran Ağayevin çıxışı sizi razı salırmı?
- Marat İzmayılov həqiqətən bizim çempionatımıza tam uyğun bir futbolçudur. Ancaq formada olan Maratdan söhbət gedir. Mən də razıyam ki, bu gün Marat meydana çıxmağa tam hazır deyil. Baş məşqçinin hər oyunda Marata şans verməkdə məqsədi tezliklə onu formaya salmaqdır ki, gələn turlarda komandaya xeyir versin. Bu vəziyyətdə olsa belə, Marat "Qarabağ"la oyunda rəqib üçün təhlükə yarada bildi. Kamran da tam formada deyil. Ancaq tədricən düzəlir. İnanıram ki, "Qəbələ"nin nəticə qazanmasında bu futbolçular bizə faydalı olacaq.
Ramiq AĞAMƏMMƏDOV
"Yuventus" futbolçusuna 7,5 milyonluq müqavilə təklif etdi
"Karvan" "İmişli"ni belə məğlub etdi - Video
"Milan"ın Menyan qərarı
Xviça yalnız bu şərtlə "Napoli"də qalacaq
"Difai Ağsu" - "Mingəçevir" oyununda 5 qol - Video
"Atletiko" Oblakı transferə çıxardı
"Difai Ağsu" və "Karvan"dan qələbə
Əvəzedicilər Liqasında 32-ci tur başa çatdı
ÇL-in oyunu bu kanallarda
Azərbaycanlı nümayəndə ilk dəfə Avropa çempionatında
"Qusar"ın səfər qələbəsi - Video
Tuhel: "Madriddə qələbə qazanmalıyıq"
Timo Verner üçün mövsüm başa çatdı
Del Boskeyə vəzifə verildi
Buffon 12 il əvvələ qayıtmaq istəyir
Qvardiola peşmandır
Təzimə layiq o ötürmə barədə danışdı
“Qarabağ”ı özlərinin “Qorxulu siyahısı”na saldılar
Məşhur qapıçı Avro-2024-də olmayacaq
FİFA referisi Zaqataladakı oyuna təyinat aldı
"Real"ın yeni ağsaqqalı!
"Bavariya" Ranqniklə danışıqları təsdiqlədi
Azərbaycan minifutbol millisindən 1 qələbə, 1 məğlubiyyət
"Münhendə 90 dəqiqə əziyyət çəkməli olduq" - Ançelotti
Münhendə 4 qol, Kroosdan möhtəşəm ötürmə - Video
"Bavariya" "Real"la heç-heçə etdi
31 oyunda 35 qol - Video
"Şəfa"nın "Dinamo"ya qalib gəldiyi oyun - Video
Azərbaycanın iki idmançısı Paris-2024-ə vəsiqə qazandı
"Mançester Yunayted" Reşfordu 70 milyona satmağa hazırdır
"Mbappe ilə finalda qarşılaşsaq, onu əzəcəyəm" - Rudiger