02.11.24
AZAL klubunun baş məşqçisi Vaqif Sadıqovun Qol.Az saytına müsahibəsi
- Yeni mövsümün başlamasına az vaxt qalıb. Komandanızın durumu haqqında öyrənmək istərdik.
- Bilirsiniz ki, komandanı xeyli oyunçular tərk edib. Həmin boşluqları doldurmaq üçün çox vaxt itirdik. İndiyə qədər problemlər durur. Bu, bizi narahat edir. Çatışmazlıqlar olan mövqelərimizi istədiyimiz səviyyədə futbolçularla doldura bilməmişik. Ancaq həmişə dediyim kimi AZAL bir komanda şəklində güclüdür. Bu amili nəzərə alsaq, hər bir komanda ilə başabaş mübarizə apara bilərik. Bunun üçün xeyli iş görmüşük. Təlim-məşq toplanışını səfərdə olmasa da, Bakıda müəyyən yoldaşlıq oyunları keçirmişik.
- Dediyiniz boşluqlar hansı mövqelərdədir?
- İlk növbədə hücum xəttində boşluqlar qalıb. Müdafiə xəttini də gücləndirmək istəyirik. Yəni ən vacib bu iki mövqedə problemlər hələ qalıb. Buna baxmayaraq, komanda şəklində pis təsir bağışlamırıq.
- AZAL yeganə komandadır ki, bu il təlim-məşq toplanışı üçün ölkə xaricinə getmədi. Bu, yeni mövsümdə komandanıza çətinlik yaratmayacaq?
- İstər-istəməz bunu təsiri olacaq. Ancaq komandanı tam formalaşdırmamış getmək də düzgün olmazdı. Ona görə də belə qərara gəldik ki, toplanış Bakıda olsun, xeyli oyunçular sınaqdan keçirək. Fikirləşirdik ki, çempionatn başlanmasına ən azı 15 gün qalmış hansısa ölkədə yoldaşlıq oyunları keçirərik. Ancaq komandanı kompleksləşdirə bilmədiyimiz üçün bundan da vaz keçdik. Bakıda keçirdiyimiz yoldaşlıq oyunlarında isə “Rəvan” və “Sumqayıt”dan başqa qalanları birinci divizion komandaları idi. Bunun komandamıza təsirsiz ötüşməyəcəyini bilirəm. Daha güclü klublarla qarşılaşmalı idik.
- Yeni transferlər gözlənilir?
- İştirak ərizəsinə az futbolçunun adını salmışıq. Bu da onu göstərir ki, yeni oyunçulara ehtiyac duyuruq Planlarımızda olan futbolçular var. Çempionatın ilk oyunlarından sonra hansı mövqeyə daha çox oyunçu ehtiyac olduğunu biləcəyik. Buna görə addım atacağıq.
- Topaz Premyer Liqanın ilk oyununda komandanız“Neftçi” ilə qarşılaşacaq. Rəqibiniz Çempionlar Liqasında uğursuz oyundan sonra AZAL-la matçda “Skenderbeu” komandasına məğlubiyyəti unutdurmağa çalışacaq. Bu mənada sizi çətin oyun gözləyir. Siz necə düşünürsünüz?
- Razıyam. “Neftçi”nin alban klubunu keçə bilməməsi onlara stimul verəcək ki, ilk oyundaca özlərini sübut etsinlər. “Neftçi” onsuz da özünü sübut etmiş komandadır. Ona görə də bizi çox ağır gözləyir. Komandamız bunu yaxşı dərk edir və oyuna çox ciddi hazırlaşır.
- Sonda “Qarabağ”ın “Gefle” ilə bügünkü oyunu haqda fikirlərinizi bilmək istərdik.
- “Qarabağ” ilk mərhələdən bizi qələbələrlə sevindirir. Bu gün də onun davamı olacaq. Hamımız onu istəyirik və gözləyirik. Məncə, “Qarabağ” rəqibini çox yaxşı təhlil edib. Təmsilçimizin üstünlüyü ondadır ki, heç vaxt boşluqlara imkan vermir. Hər bir rəqibinə qarşı ciddi hazırlaşır. Ona görə də lazım olan nəticəni qazanır. Yeganə təmsilçimizin irəli getməsi üçün hamımız “Qarabağ”ı dəstəkləyəcəyik.
Ramiq AĞAMƏMMƏDOV
_22.01.19.jpg)
30 yaşdan sonra 450 qol
Nistelroy Premyer Liqaya qayıdır?
Kimpembe 638 gündən sonra geri dönür
Ronaldodan dubl, "Əl-Nəsr"dən qələbə
"Vəzifəmizin öhdəsindən gəldik" - Anton Krivotsyuk
"Qalatasaray"ın futbolçusu 1 ay oynamayacaq
Əvəzedicilər liqasında 14-cü tura yekun vuruldu
Əməliyyat olunan kapitan məşqlərə başladı
AFFA rəsmisi mübahisəli epizodları şərh etdi
Kurban Berdıyev "Turan Tovuz-2"in oyununu izlədi - Şəkillər
“Sabah”a yeni baş məşqçi təyin olundu - Rəsmi+Şəkillər
2-ci liqada 7 oyunun hakimləri bilindi
"Qarabağ" - "Lion" oyununa satılan biletlərin sayı açıqlandı
Amorim: "Mançester Yunayted" uzun müddət əziyyət çəkəcək"
"Real"da şok itki
Tanınmış komanda azarkeşlərinin hücumuna məruz qaldı - Video
"Klubdan yeni təklif almamışam, çox məyusam"
"Sabah"ın yeni baş məşqçisi bu əcnəbi olacaq?
