04.07.25
“Sumqayıt” klubunun qapıçısı Səlahət Ağayevin Qol.Az saytına müsahibəsi
- Topaz Premyer Liqanın son 29-cu turunda “Rəvan”a böyük hesabla qalib gəldiniz. Yəqin komandada əhval-ruhiyə yaxşıdır.
- “Kəpəz”ə məğlub olmağımız bizə pis təsir etmişdi. Buna baxmayaraq, “Rəvan”la oyuna yaxşı hazırlaşmışdıq. Məşqlərdən əlavə özümüz də yığışıb söhbət etmişdik ki, yaxşı oynayıb, qalib gəlməliyik. Uşaqlar da sağ olsunlar, inamlı çıxış etdilər və qələbə qazandıq. Buna görə də, “Rəvan”la oyundan sonra komanda özünə gəlib. Əhvalımız da yerindədir.
- “Sumqayıt” hazırda turnir cədvəlində 10-cu pillədə yer alıb. Sizin üçün Premyer Liqanı tərk etmək təhlükəsi nə dərəcədədir?
- Bizim vəziyyətimiz pis deyil. Məncə, qorxulu bir şey yoxdur. Çünki “Turan”la beş xal fərqimiz var. Sona üç tur qalıb. “Turan” xal itirmək şərtilə bir qələbə qazanmağımız bizi Premyer Liqada saxlayacaq. Ancaq biz arxayınlaşa bilmərik. Hər oyuna qələbə əzmi ilə çıxırıq.
- Növbəti oyununuz ikinci “altılığ”ın lideri güclü AZAL-ladır. Bu oyun haqda nə deyə bilərsən?
- “Rəvan”la oyundan sonra komandamız daha da ruhlanıb. AZAL-la oyuna yaxşı əhval-ruhiyə ilə hazırlaşırıq. Məqsədimiz rəqibdən xal almaqdır.
- “Sumqayıt” çempionat başlayanda hansı məqsəd üçün oynayırdı?
- Hər bir klub istəyər ki, çempion olsun. Amma bizim qarşımıza nə çempionluq, nə də Avrokuboklara vəsiqə qazanmaq kimi hədəf qoyulmuşdu. Çünki biz gənc komandayıq. Komandamızın uğurları qabaqdadır. Futbolçularımız da gənclərdən ibarətdir.
- Deməli, bu mövsüm çıxışınızı qənaətbəxş hesab edirsən.
- Premyer Liqada qalsaq bizi qane edəcək. Ancaq 10-cu pillədə yox, 7-8-ci pillədə də qərarlaşa bilərdik. Sadəcə, əsas oyunçularımızdan bir neçəsinin zədələnməyi işimizi çətinə saldı.
- Mövsümün sonunda “Sumqayıt”la müqavilən bitəcək. Hansısa klubdan təklif almısan?
- Müqavilə ilə “İnter”ə məxsusam. “Sumqayıt”da icarə əsasında oynayıram. Yerli klublardan təklif var. Adlarını mən də dəqiq bilmirəm. Klubdan bu barədə məlumat verilməyib. İlk danışığım “İnter”lə olacaq.
Ramiq AĞAMƏMMƏDOV
"Arsenal" Gyökereş üçün 80 milyon ödəməyə hazırdır
"Liverpul" yoxlama oyunu keçirdi
PSJ onunla yeni müqavilə imzalamaq istəyir
"Atalanta" Gürcüstan millisinin hücumçusu ilə maraqlanır
"Biz 3 və ya 4 dəfə Çempionlar Liqasını qazana bilərdik"
Yeni tikilən Gəncə stadionundakı durum - Şəkillər
"Liverpul" futbolçusunu Rodriqo ilə dəyişmək istəyir
"Real"da iki ayrılıq baş verə bilər
"İmişli" daha bir legioneri transfer etdi - Rəsmi
"Neftçi"nin sabiq hücumçusu ərəb klubunda - Rəsmi
“Real”dan “Benfika”ya keçdi
"Qalatasaray"dan 5 qollu qələbə - Video
Firminonun yeni klubu bilindi
"Fənərbaxça" rəhbərliyində daha bir istefa
18 ildən sonra qayıtdı, qol vurdu, zədələndi
40 yaşlı Kasorla ilə müqavilə uzadıldı
"Zirə"nin rəqibi 3-cü oyununda da qalib gəldi
“Qarabağ” Avstriyada: köhnə rəqiblər, uğurlu sınaqlar
