Marius Pena: “Özümü “Bakı”da xoşbəxt hiss edirəm”

Marius Pena: “Özümü “Bakı”da xoşbəxt hiss edirəm”
MÜSAHİBƏ 29 Aprel 2013 / 16:33 2891
-  A +

Xəbər verdiyimiz kimi, “Bakı”nın hücumçusu Marius Pena mart ayı üçün Topaz Premyer Liqanın ən yaxşı futbolçusu seçilib. Bununla bağlı keçirilən mükafatlandırma mərasimindən sonra rumıniyalı hücumçu Qol.Az saytının suallarını cavablandırıb

- Səni təbrik edirik.

- Çox sağ olun. Bu mükafatı aldığım üçün sevinirəm.

- Növbəti ay da yenidən ən yaxşı futbolçu seçilməyi qarşına məqsəd qoymusanmı?

- Çalışacağam ki, bu uğurumu gələn ay da göstərim. Ancaq bu təkcə məndən yox,həm də komanda yoldaşlarımın köməyindən asılıdır.

- Topaz Premyer Liqasının səviyyəsi haqda fikirlərin necədir?

- Çempionatın səviyyəsi getdikcə daha artır. Üstəlik əvvəlki vaxtlara nisbətən maraq da çox böyükdür. Düşünürəm ki, Premyer Liqa çox səviyyəlidir.

-Səncə, bu ayın qolları içərisində hansı daha yaxşı idi?

- Mənim üçün ən yaxşı qol AZAL-ın futbolçusu Cavid Tağıyevin vurduğu qol idi.

- “Bakı”nın avrokuboklara şansların necə qiymətləndirisən?

- Məncə, növbəti oyunlarda maksimum nəticə qazansaq, avrokuboklara gedə bilərik. Azərbaycan kubokunda buna çox yaxın idik. Çox təəssüf ki, “Xəzər Lənkəran”a məğlub olduq.

- Ancaq “Bakı”nın şansları çox azdı. Əgər avrokuboklara vəsiqə qazan bilməsəz, “Bakı”ya gəldiyinə peşman olmayacaqsan ki?

-Mənim üçün bura çox yaxşıdır. Özümü xoşbəxt hiss edirəm. Ruhdan düşmürəm. Bu ildə olmasa, gələn il avrokuboklara vəsiqə qazanacağımıza inanıram.

Ramiq AĞAMƏMMƏDOV 

Daha çox


Dünya Çempionatı 2026
Son xəbərlər
18.06.26  22:50

Vitinyadan yeni rekord

topaz banner