19.12.25
“Bakı” klubunun hücumçusu Rauf Əliyevin Qol.Az saytına müsahibəsi
- Topaz Premyer Liqanın 28-ci turunda “Simurq”a 2:1 hesabı ilə qalib gəldiniz. Oyun haqqında nə deyə bilərsən?
- Kubokdan əlimizi üzəndən sonra bir qədər həvəsdən düşmüşdük. Lakin futbolçularımız fikirləşirdi ki, gərək bu oyunda qalib gələk və komanda özünə gəlsin. Erkən qol vurmağımız da işimizə yaradı. “Simurq”un penaltini vura bilməməsi də onları ruhdan saldı. Əsas qalib gəlmək idi. Onu da bacardıq.
- Dünən “Bakı”nın heyətində qələbə topunu vurdun. Yəqin bundan sonra əsas heyət oyunçusuna çevrilərsən.
- Düzdür, əsas qol vurmaq idi ki, əsas heyətdə yerimi möhkəmləndirim. İnanıram ki, növbəti oyunlarda qol vurmaq problem olmayacaq. Yəqin ki, növbəti mövsümdən yaxşı formada olaram. Çünki bu mövsüm artıq başa çatır. Mənim oyunumda problem yox idi. Sadəcə qol vurmaq qalırdı. Bunu da artıq bacarıram. İnşallah, bu qolların ardı gələcək.
- Sabah dünyanın tanınmış klublarından olan Madridin “Atletiko” klubu ilə yoldaşlıq oyunu keçirəcəksiniz. Bu haqda fikirlərini bilmək istərdik.
- Bunun yaxşı tərəfləri çoxdur. Gənc yerli futbolçular üçün belə futbolçulara qarşı oynamaq həm xoş olacaq, həm də oyun təcrübəsi toplamaq baxımından əhəmiyyətlidir. Biz əvvəllər də ulduz futbolçularla oynasaq da, belə tanınmış futbolçularla meydanda mübarizə aparmaq xoşdur. İnanıram ki, sabah çox maraqlı bir oyun olacaq.
- Artıq “Atletiko” ilə oynayacaq heyət müəyyənləşib?
- Əvvəl bir çox klublardan futbolçular dəvət olunmalı idi. Sonradan müəyyən problemlərə görə ancaq “Bakı”nın yerli futbolçularının oynamasına qərar verildi. “Bakı”nın ikinci heyətindən də yaxşı oynayan futbolçular sabahkı matçda meydana çıxacaq. Azərbaycanlı oyunçuların oynaması daha gözəldir.
- Oyunun belə bir vaxtda keçirilməsi nə dərəcədə düzgündür? Komandanız sıx qrafiklə oyunlar keçirib. Dünən “Simurq”la oyununuz olub, sabah da “Atletiko” ilə qarşılaşacaqsınız.
- “Atletiko” da hazırda sıx qrafiklə oynayır. Çövsüm bitən kimi milli komandaların oyunları başlayacaq. Ona görə də başqa cür mümkün deyil. Həm də bu yoldaşlıq görüşüdür. Çox da vacib oyun deyil.
- Matça xüsusi hazırlıq keçmisiniz?
- Dünən oyunumuz olub. Hazırlaşmağa vaxtımız olmayıb. “Atletiko”da bu oyuna hazırlaşmayıb. Sabah futbol bayramı olacaq. Ona görə də hər iki tərəf bu oyuna çox da ciddi hazırlaşmır.
- Hansı nəticəyə ümid edirsiniz?
- Meydana çıxıb ən yaxşı oyunumuzu göstərəcəyik. “Atletiko” ilə oynamağın özü yaxşı bir nəticədir. Bu oyunda nəticə önəmli deyil.
Ramiq AĞAMƏMMƏDOV
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
