02.05.24
“Simurq” klubunun hücumçusu Murad Səttarlının Qol.Az saytına müsahibəsi
-Ötən tur “Neftçi” il oyunda qələbə çox lazım olsa da, rəqibə yenə uduzdunuz. Cari mövsümdə bu komandaya qalib gələ bilməmisiniz. Məğlubiyyətin səbəbi nə oldu?
- Pis təsir bağışlamadıq. Oyunda hər şey edirdik, yalnız son nöqtəni qoya bilmirdik. Bir neçə dəfə yaxşı şanslarımız oldu. Çox təəsüf ki, bu imkanları dəyərləndirə bilmədik. Biz də bilirdik ki, bu oyun çox vacibdir. Həm də “Neftçi”yə bu mövsüm qalib gələ bilməmişdik. Ona görə də meydana yalnız qələbə üçün çıxmışdıq. Oyunda üstün tərəf də biz idik. Ancaq dediyim kimi son nöqtəni qoya bilmədik.
- Öz oyununuzdan razı qaldınız?
- Nəticəni nəzərə almasaq, oyundan razı qaldıq. Amma futbolu nəticəyə görə oynayırlar. Növbəti oyunlarda çalışacağıq ki, əvvəlki oyunumuzu bərpa edək.
- Birinci dövrədə komandanız yaxşı təsir bağışlayırdı. Hətta birinci pilləyə qalxmışdınız. Sonra nə baş verdi ki, komandanız ardıcıl uğursuzluqlara məruz qaldı?
- Birinci dövrədə bir çox komanda bizə üstən aşağı baxırdı. Fikirləşirdilər ki, həmən “Simurq”dur. Çünki əvvəlki illər çempionatı 7-8-ci pillələrdə bitirirdik. Ancaq bu il çox yaxşı kollektivimiz var. Ona görə də oyunlarda sübut etdik ki, “Simurq” həmin “Simurq” deyil. Deməzdim komandada nəsə dəyişib. Sadəcə son oyunlarda qol vura bilmirik. Komandamızın oyunu əvvəlki kimidir. Ancaq birinci dövrədə sanki daha əzmkar oynayırdıq. Hesabda geri olanda belə, hücumlarımızı artırıb hətta qalib gəlirdik. İndi də komandamızda istək var. Ancaq rəqib qapısına yol tapa bilmirik.
- Hakimliklə bağlı nə deyə bilərsən? Oyunda bəzi mübahisəli epizodlar oldu.
- Hakimin bəzi səhvləri oldu. Futbolçumuz Mario Bojiç qapıçı ilə təkbətək qalanda hakim ofsayd qərarı verdi. Amma təkrar kadrlardan da görünür ki, ofsayddan söhbət gedə bilməz. Bundan başqa bir neçə dəfə rəqib qapısına cərimə zəribəsini təyin etmədi. Məğlubiyyəti hakimin üzərinə atmaq istəmirik. Hər bir insanın səhvi olur.
- Növbəti oyunda “İnter”lə qarşılaşacaqsınız. Avrokuboklara getmək üçün bu oyunda qələbə çox vacibdir. Əks halda şansınız çox azalacaq.
- Hər bir oyun kimi “İnter”lə oyuna da ciddi hazırlaşırıq. Rəqib öz meydanında çox güclü təsir bağışlayır. “Neftçi”dən başqa heç bir komandaya öz meydanında uduzmayıb. Topla yaxşı rəfrat edən çox güclü rəqibdir. Çalışacağıq ki, ən azı bir xal qazanaq. Bilirik ki, qələbə çox vacibdir. Çünki məğlub olsaq üçüncü yerdə olan “İnter”lə xal fərqimiz 10-a çatacaq. Belə olsa, gərək onda dördüncü yer uğrunda oynayaq. Avrokuboklara vəsiqə qazanmaq üçün sona qədər vuruşacağıq. Mübarizəni burda dayandıran deyilik.
Ramiq AĞAMƏMMƏDOV
_22.01.19.jpg)
"Fənərbaxça" xal itirdi
"Qəbələ" 5 qollu oyunda belə qalib gəldi - Video
"İndiki nəticəni uğurlu hesab edirik" - Şahin Diniyev
"Çempionat azarkeşsiz maraqsızdır" - Kaxaber Sxadadze
"Real"a transfer olmaq başıma gələn ən yaxşı hadisədir"
"Qəbələ" "Səbail"ə qalib gəldi
Cavid İmamverdiyevdən het-trik - Video
Bundesliqa klubunda baş məşqçi dəyişikliyi
Bakı dünyanın “İdman Paytaxtı” seçildi
"Səbail" - "Qəbələ": Heyətlər
UEFA-dan Halil Umut Melerə növbəti təyinat
"Kocaelispor"un prezidenti Ramilin oyunundan narazı qalıb
"Neftçi" 10 ildən sonra...
2-ci liqanın mərkəzi oyunu FİFA referisinə tapşırıldı
AFFA millinin yeni rəqibini açıqladı
Dünya çempionu vəfat etdi
Futzal üzrə Çempionlar Liqasının qalibi bəlli oldu
Azərbaycan Avropa çempionatlarında 22 samboçu ilə yarışacaq
Lopeteqinin yeni klubu bilindi
"Mançester Yunayted"də mərkəz müdafiəçisi qalmadı
"Qarabağ"dan son 25 ilin rekordu
Portuqaliyada çempion müəyyənləşdi
