19.12.25
“Qəbələ” klubunun baş meneceri Zaur Əzizov komandalarının Topaz Premyer Liqanın təsnifat mərhələsindəki çıxışları ilə əlaqədar Qol.Az saytının suallarını cavablandırıb
- Təsnifat mərhələsində “Qəbələ” qarşısına qoyduğu məqsədə çatdı, yoxsa daha yüksək pillələrdə olmağı gözləyirdiniz?
- Təsnifat mərhələsində hədəf ilk “altılığ”a düşmək və daha yüksək yerdə olmaqdır. Birinci “altılığ”a vəsiqə qazansaq da, işimizin öhdəsindən tam gələ bilmədik. Yəni daha yuxarı yerdə də ola, daha çox xal toplaya bilərdik. Amma onu da deyim ki, əsas işimiz bundan sonra başlayır. Biz çalışacağıq ki, “altılıq” oyunlarında hədəfimizə doğru irəliləyək.
- Hədəfiniz Avroliqada oynamağa imkan verən yerlərdən birini tutmaqdır?
- Məqsədimiz çempionluqdur. Alınmasa, Avroliqa üçün oynayacağıq. Final mərhələsində hələ on oyun var. Bu oyunlarda yaxşı nəticə göstərib, birinci pilləyə qalxa bilərik.
- Amma təsnifat mərhələsinin son turunda AZAL-a böyükhesabla məğlub oldunuz. İlk “altılıq” ərəfəsində belə acınacaqlı məğlubiyyət sizi narahat etmir?
- Düzdü, bu, “Qəbələ”yə yaraşmayan bir məğlubiyyət oldu. Amma unutmayaq ki, futbolda bu cür hallar da yaşanır. Məğlubiyyətin səbəbi “altılığ”a düşməyin yaratdığı arxayınçılıq ola bilər. Hər halda bu məğlubiyyəti komanda şəklində təhlil edib nəticə çıxarmaq lazımdır. Bəlkə də bu məğlubiyyət “altılıq” oyunları öncəsi vəziyyətimizi analiz etmək baxımından yerinə düşdü.
- Ola bilərmi ki, “Qəbələ” əsas gücünü “Qarabağ”la kubok oyununa saxladığı üçün belə məğlubiyyətlə üzləşdi?
-Yox. Çünki AZAL-la oyun da bizim üçün çox vacib idi. Sadəcə olaraq, arxayınçılıq bizə baha başa gəldi.
- Məğlubiyyətdən sonra klub rəhbərliyinin məşqçi və futbolçularla söhbəti olub?
- Hər bir klub böyük hesabla uduza bilər. Amma bir məğlubiyyətə görə komandada gərginlik yaratmaq olmaz. Əsas odur, ilk “altılığa”a düşmüşük. Sadəcə, bundan sonrakı oyunlara daha yaxşı hazırlaşmaq və məğlubiyyəti unutmaq lazımdır.
- “Qəbələ” üçün Avroliqaya kuboku qazanmaqla getmək daha rahatdır, yoxsa Premyer Liqada ilk üçlüyə düşməklə?
- Bizim üçün fərqi yoxdu, hansı şəkidə getmək.Əsas odur ki, ora gedək. “Qəbələ”yə ilk üçlüyə düşmək də uğurlu olacaq, kuboku qazanmaq da.
- Qarşıda “Qarabağ”la Azərbaycan kubokunun cavab qarşılaşması var. Ağdam klubu ilə son vaxtlar keçirdiyiniz görüşlər heç-heçə yekunlaşır. Bu hal nə vaxta qədər davam edəcək?
- Biz də istəyirik, bərabərliyə son qoyaq və qələbə qazanaq. Cavab oyununda bizə birdən artıq qollu heç-heçə də sərf edir. Amma bütün hallarda oyuna bərabərlik yox, qələbə üçün çıxacağıq. “Qarabağ” bizim üçün çətin rəqib olsa da, komandamızın səfər oyunlarında uğurlu nəticələr qazandığını unutmayaq. İnaniram kı , bu dəfə də bizim üçün uğurlu olacaq və qələbə qazanacağıq.
- Bu həftə Topaz Premyer Liqada “İnter”lə oynayacağınız görüş barədə nə deyə bilərsiniz?
- “İnter”lə görüşdə bizim üçün vacibdir. Amma hazırda əsas diqqətimizi “Qarabağ”la olan oyuna yönəltmişik.
- Bəs, bu iki rəqibdən hansı sizin üçün daha çətindir?
- Hər ikisi.
Aysel BƏXTİYARLI
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
