04.07.25
“Bakı”nın müdafiəçisi Aqil Nəbiyevin Qol.Az saytına müsahibəsi
- Topaz Premyer Liqasının 20-ci turunda keçmiş komandan AZAL-la qarşılaşdınız. Oyun barədə nə deyə bilərsən?
- AZAL-la oyuna ancaq qələbə üçün çıxmışdıq. Bu oyunda uduzsaydıq, ilk “altılıq” şansımız daha da azalacaqdı. Bu oyun bizim üçün altı xallıq oyun idi. AZAL-ın da bizim kimi 23 xalı vardı. Ona görə oyun gərgin keçdi. Komandamız əzmkar oynadı. Deyərdim ki, bütün göstəricilərdə AZAL-dan üstün oynadıq. Layiqli qələbə qazandıq.
- İkinci hissədə zədə aldın. Növbəti oyunu buraxa bilərsən? Zədən nə dərəcədə ciddidir?
- Bir az qabırqamda zədə var. Sabah rentgenə düşəcəyəm. Məncə, zədə elə də ciddi deyil.
- Keçmiş komandana qarşı oynamaq səndə hansı hisslər yaratdı? Hardasa prinsipiallıq var idi?
- Yox. Bu, adi oyunlar kimi idi. Mənim AZAL rəhbərliyi ilə heç bir problemim olmayıb. Heç kimə qarşı kinim yoxdur. Tək mənim yox, bütün komandamızın məqsədi bu oyunda qələbə qazanmaq idi. Hər bir oyuna üç xal üçün çıxırıq. AZAL-la oyunumuz da belə oyunlardan biri idi.
- AZAL-a vurduğun qolla həm də Vaqif Sadıqova sübut etdin ki, əsas heyyətdə oynamağa layiqsən?
- Mən AZAL-da altı il oynamışam. Orda nə əmim olub, nə də dayım. Vaqif Sadıqova qədər 3-4 məşqçi görmüşəm. O məşqçilərin vaxtında mən həmişə əsas heyətdə oynamışam. Ancaq Vaqif Sadıqov gələn gündən nədənsə, mənimlə problemi oldu. Nəinki mənimlə, köhnə futbolçuların heç biriylə yola getmədi. Komandanın kapitanı olduğum üçün əsas problemi mənimlə oldu. Mənim özümü göstərməyimə ehtiyac yoxdur. Orda mən özümü kifayər qədər göstərmişdim. Son vaxtlar zədəli olduğum üçün biraz AZAL-ın heyətindən uzaqda qalsam da, sonradan formamı bərpa etmişdim.
- Vaqif Sadıqovla probleminizin səbəbi nə idi?
- Bilmirəm. O, bir səbəb də gətirmirdi ki, məni niyə əsas heyətdə meydana buraxmır? Danışırmış ki, guya mən komandada çaxnaşma yaradıram. Ancaq mənim bu gün də AZAL-ın futbolçuları ilə münasibətim əladır. Oyundan qabaq onların hamısı ilə görüşdüm.
- Növbəti oyununuz “Simurq”ladır. Bu oyun barədə nə deyərdin?
- Bizi “Simurq”la çətin səfər oyunu gözləyir. Komandamız iki oyundur ki, qələbə qazanır. Ona görə də biz də inam hissi artıb. Biz “altılığ”a düşmək üçün “Xəzər Lənkəran”la mübarizə aparırıq. Onların xal itirməsini gözləyə bilmərik. “Simurq”la oyunda mütləq qələbə qazanmalıyıq. Bu oyun demək olar ki, ilk “altılıq”a düşmək üçün bizim son şansımızdır.
- “Simurq”u bir rəqib kimi necə qiymətləndirirsən?
- “Simurq” ilk “altılıq”da yerini təmin etmiş komandadır. Çempionat başlayandan onların oyununu izləyirik. Neçə vaxtdır ki, liderlər sırasındadır. Çox yaxşı oyun nümayiş etdirirlər. Yəni “Simurq” təsadüfi komanda deyil. Təsadüf bir dəfə olar. Ona görə də rəqibə hörmətlə yanaşmalıyıq və oyuna ciddi hazırlaşmalıyıq.
Ramiq AĞAMƏMMƏDOV
"Arsenal" Gyökereş üçün 80 milyon ödəməyə hazırdır
"Liverpul" yoxlama oyunu keçirdi
PSJ onunla yeni müqavilə imzalamaq istəyir
"Atalanta" Gürcüstan millisinin hücumçusu ilə maraqlanır
"Biz 3 və ya 4 dəfə Çempionlar Liqasını qazana bilərdik"
Yeni tikilən Gəncə stadionundakı durum - Şəkillər
"Liverpul" futbolçusunu Rodriqo ilə dəyişmək istəyir
"Real"da iki ayrılıq baş verə bilər
"İmişli" daha bir legioneri transfer etdi - Rəsmi
"Neftçi"nin sabiq hücumçusu ərəb klubunda - Rəsmi
“Real”dan “Benfika”ya keçdi
"Qalatasaray"dan 5 qollu qələbə - Video
Firminonun yeni klubu bilindi
"Fənərbaxça" rəhbərliyində daha bir istefa
18 ildən sonra qayıtdı, qol vurdu, zədələndi
40 yaşlı Kasorla ilə müqavilə uzadıldı
"Zirə"nin rəqibi 3-cü oyununda da qalib gəldi
“Qarabağ” Avstriyada: köhnə rəqiblər, uğurlu sınaqlar
Messi ardıcıl 5-ci oyunda dubl etdi
Orkun Kökçü "Beşiktaş"da - Rəsmi
"Fənərbaxça" ingiltərəli futbolçu transfer etdi
Azərbaycan millisi Dünya Seriyasının 1/4 finalında
Tramp klublararası dünya çempionatının finalında olacaq
"Kəpəz"dən növbəti transfer - Rəsmi
