19.12.25
Qarabağ” klubunun yarımmüdafiəçisi Əfran İsmayılovun Qol.Az saytına müsahibəsi
- “Qəbələ” ilə Premyer Liqanın 19-cu turunun oyununda qapınızdan kuryoz qol buraxdınız. Bu, necə baş verdi?
- Həmin dəqiqələrdə biz elə oynayırdıq ki, belə bir qolu gözləmirdik. Qapıçı ilə müdafiəçilər arasında anlaşılmazlıq oldu. Fərhadla Rəşad bir-birinə arxayın oldu. Bu səbəbdən belə bir qol alındı. Futbolda belə qollar çox olur. Buna fikir verməməliyik. Əsas odur ki, hesabı bərabərləşdirdik. Əgər əlimizə düşən imkanlardan istifadə edə bilsəydik, “Qəbələ”yə üç qol vurub 3:1 hesabı ilə qalib gələ bilərdik. Ancaq bir xal da bizim üçün yaxşı xaldır. Çünki “Qəbələ” hazırda Azərbaycanda ən güclü komandalardandır.
- İkinci hissəni ortalarında komandanız zəif təsir bağışladı...
- İkinci hissədə biz daha fəal idik. Yalnız sona 20-25 dəqiqə qalmış onlar üstünlüyü ələ keçirdilər. Bu da gözlənilən idi. Çünki “Qəbələ” evdə oynayırdı.
- Yeni transferlərinizlə bağlı nə fikirdəsən? Adətən legionerlərə tənqidlə yanaşırsan.
- Bəli. Mən həmişə demişəm ki, yerli futbolçular legionerlərdən güclüdür. Amma legioner də olmalıdır. Əgər legioner yerli futbolçudan güclü deyilsə, onu Azərbaycana gətirməyin nə mənası var? Komandamızda olan legionerlərə gəldikdə isə, bu qərarı Qurban Qurbanov verib. Onun fikrinə hörmətlə yanaşmalıyıq. Yəqin baş məşqçimiz bunlarda nəsə görüb ki, komandaya gətirib. Mən də arzu edirəm ki, komandaya xeyir versinlər.
- Səncə, “Qarabağ”da hücum xətti qaydasındadır?
- Etiraf etməliyik ki, qaydasında deyil. Çünki xeyli sayda qol imkanlarından istifadə edə bilmirik. Yəqin ki, yaxşı hücumçu olsa, baş məşqçimiz komandaya gətirəcək. Mən də istərdim ki, yeni hücumçu gəlsin. Əgər çempion olmaq istəyiriksə, heyətimiz geniş olmalıdır. Həqiqətən bu il çempion olmağı çox istəyirik.
- Növbəti oyununuz “Sumqayıt”ladır. “Sumqayıt” komandalara sürpriz etməyi bacarır. Bu oyun haqqında nə düşünürsən?
- “Sumqayıt” doğrudan da elə bir komandadır ki, hər bir rəqibə başağrısı ola bilir. Bunu “Bakı” ilə oyunlarında da gördük. Demək olar ki, “Bakı”dan üstün oynadılar. Hətta qalib də gələ bilərdilər. Çempionatda zəif rəqib yoxdur. Biz də bu oyunun mahiyyətini dərk edirik. Bilirik ki, bizə üç xal hava və su kimi lazımdır.
- Komandanız oyuna tam heyətlə hazırlaşır?
- Hər şey qaydasındadır. İtkimiz yoxdur. Bütün oyunçularımız üzərinə düşən məsuliyyəti dərk edir və hər məşqdə öz üzərində daha çox işləyir.
- Turnir cədvəlinə başçılıq edən “İnter”lə aranızda artıq beş xal fərq var. İndiki şəraitdə çempionluq şanslarınızı necə görürsən?
- Aramızda beş xal fərq olsa da, onların da bizim də “altılıq”da oyunlarımız olacaq. Hələlik bir şey demək olmaz. Çempionat elə gedir ki, hətta sona 2-3 tur qalmış da bimək olmaz ki, çempion kim olacaq. Rəqiblərimiz öz aralarındakı oyunlarda xal itirəcəklər. Bu da bizim xeyrimizə işləyəcək. Biz hazırda ancaq qarşıdakı oyunları düşünürük ki, hər oyuna üç xal qazanaq.
Ramiq AĞAMƏMMƏDOV
PSV-dən yeni rekord
PSJ-dən rekord göstərici
Yamal, Haaland, Keyn...
Start heyət üzü görməyən Mayno klubdan ayrılmağa hazırlaşır
"Qarabağ"ın rəqibi "Hamburq"la heç-heçəyə razılaşdı
Tiaqo Silvanın yeni klubu bəlli oldu
"Mançester Siti" liderliyə yüksəldi
"Fənərbaxça" səfərdə inamlı qələbə qazandı
“Zirə” - “İmişli” matçından - Video
Ronaldodan 122 oyun az oynadı, onun uğurunu təkrarladı
Flik "Barselona" ilə müqaviləni uzadacaq?
"Hədəfimiz bir xal idi, buna da nail olduq" - Jorj Kaşkilya
"Çelsi" və "Nyukasl" xalları bölüşdü
"Neftçi"dən qələbə, "Zirə" "İmişli" ilə heç-heçə etdi
"Barselona"nın baş məşqçisindən sərt reaksiya
"Neftçi" Yevlaxdan 3 xalla qayıtdı - Video
Premyer Liqada ayın qolunun qalibi mükafatlandırıldı
Bundesliqa futbolçusu İngiltərə klublarının hədəfində
"Daha çox qol vurmalı idik" - Yuri Vernidub
Xabi Alonso: "Nəticələr mövsümün sonunda məlum olacaq"
FİFA "Əl-Nəsr"ə transfer qadağası qoydu
"Zirə" - "İmişli": Heyətlər
"Yuventus"dan "Arsenal"a rədd cavabı
"Borussiya" Adeyemini cərimələdi
Luis Enrike: "Parisdəki hər kəs mənə təşəkkür edir"
“Qarabağ”a ikinci rəsmi transfer təklifi
"Karvan-Yevlax" - "Neftçi": Heyətlər
