02.11.24
“Neftçi” klubunun kapitanı Rail Məlikovun Qol.Az saytına müsahibəsi
- Unibank Premyer Liqanın 30-cu turunda doğma meydanda “Qarabağ”ı qəbul edəcəksiniz. Bu oyunda iştirak edəcəksən?
- Hələlik dəqiq bilinmir. Bununla bağlı həkimlərin rəyini gözləyirəm.
- Ümumiyyətlə, bu görüşdən nə gözləyirsən?
- Bu qarşılaşmada qələbə bizə necə lazımdırsa, “Qarabağ” üçün də üç xal çox vacibdir. Onlar da çalışacaq ki, məğlub olmasınlar. Çox gərgin bir oyun olacağını əvvəlcədən zənn etmək mümkündür. Mən deyərdim ki, “Xəzər Lənkəran”la qarşılaşmadan da çətin matç olacaq. Lakin bizim üçün qələbənin daha vacib olduğunu düşünürəm. Çünki qalib gəlsək, çempionluğumuzu rəsmiləşdirə bilərik.
- Bəs, qələbə şanslarınızı necə qiymətləndirirsən?
- Məncə, şanslar əllinin-əlliyədir. Düşünürəm ki, bunu qabaqcadan demək çox çətindir.
- Əgər görüş heç-heçə başa çatarsa, bunu “Neftçi” üçün uğursuzluq adlandırmaq olar?
- Bu haqda nəsə deyə bilmərəm. Çünki necə olacağını gələcək göstərəcək. Lakin bir şey deyə bilərəm ki, qalib gəlsək də, heç-heçə olsa da, irəli doğru addımlayacağıq. Yəni, istənilən nəticə bizi ruhdan salmamalıdır.
- Sizinlə qarşılaşmada “Qarabağ”a mütləq üç xal lazımdır. Bu amil sizi narahat etmir ki?
- Uşaqdan böyüyə kimi hamı bilir ki, “Neftçi” həm zəif, həm də güclü klubla qarşılaşmaya eyni səviyyədə yanaşır. Hər bir oyuna axırıncı görüş kimi çıxırıq. Ona görə də bu amil bizi narahat etmir.
- Rəqibinizin heyətində hansı futbolçuyla mübarizədə daha diqqətli olursan?
- Mənim üçün fərqi yoxdur. Hansı olursa-olsun, mübarizəmi aparıram. Rəqibin nə qədər güclü futbolçusu varsa, ona qarşı daha çox motivasiya olursan.
- Əzəli rəqibiniz olan “Xəzər Lənkəran”ın xalının geri qaytarılmasına münasibətin necə oldu?
- Birincisi, onu deyərdim ki, bu xal “Xəzər Lənkəran”ın hesabından silinməməliydi. Lakin alınıb, sonradan geri verilməsi də düzgün deyil. Sanki gizlənpaç oynayırlar. Onların xalını alınanda da bunu düzgün hesab etmədim. Belə bir qərarlar həm onlara, həm də digər klublara çox təsir göstərdi. Əgər alınmışdısa, təzədən geri verməməliydilər. Mən bundan ziyan çəkən digər klubları nəzərdə tuturam, özümüzü yox. Ancaq neyləmək olar, bu da FİFA-nın bir qərarıydı. Bunu heç gözləməzdik.
- Vəziyyət belə olan təqdirdə çempion olmaq şanslarınız nə dərəcədədir?
- “Xəzər Lənkəran” altı xal geri düşdü və ya, 11 xal, bunun bizim üçün fərqi yoxdur. Biz heç nəyə baxmırıq. Çempionluq yolunda öz oyunumuzu oynayacağıq. Mən deyə bilmərəm ki, bizə kimsə mane ola bilməz. Bu, futboldur, hər şey ola bilər. Biz beşinci yerdə getsək belə, geridə qalan oyunlara yüz faizlik nəticə üçün çıxacağıq.
Əli HƏYATİ
_22.01.19.jpg)
"Real"da şok itki
MEDİA müsabiqə elan edib
Mikelsin yubiley qolu
"Sumqayıt"ın "Şamaxı" üzərində qələbəsi - Video
Ayxan Abbasov: "Çempionat gərgin keçəcək"
Ronaldo "Fənərbaxça"ya keçir, ya yox? - Mourinyo danışdı
"Sumqayıt" "Şamaxı"ya qalib gəldi
"Turan Tovuz" - "Sabah" matçında vurulan qollar - Video
"Turan Tovuz" "Sabah"la heç-heçə etdi
"Sumqayıt" - "Şamaxı": Heyətlər
Azərbaycanın basketbol millisi İsveçrəyə uduzdu
"Turan Tovuz" - "Sabah": Heyətlər açıqlandı
Məşhur hücumçunun oğlu İngiltərə klubunda
Azərbaycan cüdoçularından 4 medal - Avropa kuboku
"Arsenal" Premyer Liqada qələbə sayında 2-ci oldu
U-18 Qəbələdə toplanır
İlk dəfə Sudamerikana kubokunu qazandılar
Gələn həftə Bakıya gələcək "Lion"dan heç-heçə
7:0 - Di Mariya 3, Kerem 1 qol vurdu
"Qalatasaray"ın səfər qələbəsi - Video
Qvardiola şokda: dalbadal 5 məğlubiyyət
“Qalatasaray”ın futbolçuları arasında gərginlik
8 qol və "Fənərbaxça"nın qələbəsi - Video
