19:00
Azərbaycan milli komandası “FIFA Series - 2026” beynəlxalq turniri çərçivəsində martın 30-da Syerra Leone yığması ilə üz-üzə gələcək.
QOL.az xəbər verir ki, yığmamızın üzvü Qismət Alıyev matçdan öncə keçirilən mətbuat konfransında iştirak edib. O, qarşıdakı matçın əhəmiyyətini və komandanın hədəflərini bu cür dəyərləndirib:
"Sabah millimiz üçün növbəti önəmli sınaq olacaq. Belə yoldaşlıq görüşlərinin keçirilməsi UEFA Millətlər Liqası üçün çox vacibdir. Bildiyiniz kimi, komandada qələbəsizlik seriyası var idi, lakin son oyunda inamlı çıxış edərək bu tilsimi qırmağı bacardıq. Sabahkı matçda da meydanda əlimizdən gələnin ən yaxşısını etməyə çalışacağıq ki, xalqımızı növbəti qələbə ilə sevindirək".
Milli komandanın sağ cinah müdafiəsindəki rəqabət və şəxsi forması barədə danışan Qismət Alıyev seçim prosesinə peşəkar yanaşdığını vurğulayıb:
"Mən hər zaman çalışıram ki, "Zirə"də ən yaxşı oyunumu nümayiş etdirim və bunun sayəsində milli komandaya dəvət alım. Yığmanın məşqçilər heyətinin qərarlarına və seçimlərinə hər zaman hörmətlə yanaşıram. Hesab edirəm ki, bu gün kimlər millinin heyətindədirsə, deməli, buna layiqdirlər".
Qeyd edək ki, Azərbaycan millisi martın 27-də Sent Lüsiya seçməsini 6:1 hesabı ilə məğlub edib.
"Oyunçularımla fəxr edirəm" - Valdas Dambrauskas
Azərbaycandan UEFA-nın avrokuboklarına kimlər gedəcək?
“Sabah”dan “qızıl dubl”
Avrokuboklardan kənarda qala bilərlər
DÇ-2026 finalında fasilə daha uzun olacaq
41 yaşlı Silva dünya çempionatına yollanır
Mbappe, Rafinya, Kurtua...
Arbeloa Madrid klubunda qalacaq?
Konate klubunu dəyişə bilər
FİFA prezidenti narazılıqlara aydınlıq gətirdi
