15.03.26
“Turan Tovuz”un panamalı müdafiəçisi Roderik Millerin QOL.az saytına müsahibəsi
- Misli Premyer Liqasının 25-ci turunda “Qəbələ” üzərində çətin qələbə (3:2) qazandınız. Görüşlə bağlı nə deyə bilərsiniz?
- Bizim üçün çox vacib oyun idi. Matça ciddi hazırlaşmışdıq. Gözlədiyimiz kimi, qarşılaşma çətin alındı. 3 qol vursaq da, 3 xalı çətinliklə əldə etdik. Nəticəyə görə sevinirik. Bu qələbəyə çox ehtiyacımız var idi.
- “Turan Tovuz” inamlı müdafiəsi ilə seçilsə də, “Qəbələ”dən iki qol buraxdınız. Bu, sizin üçün də gözlənilməz oldu?
- Təbii ki, bizim məqsədimiz qapımızı toxunulmaz saxlamaqdır. İki qol buraxmağımız yaxşı hal deyil. Çalışmalıyıq ki, bu cür səhvlərə bir daha yol verməyək.
- Adətən belə fikirlər səslənir ki, “Turan Tovuz” iddialı komandalara qarşı yaxşı oynasa da, turnir cədvəlinin aşağı pilləsində qərarlaşan komandalarla görüşlərə lazımınca köklənmir. Həqiqətən elədir?
- Xeyr, bu fikirlə razı deyiləm. Biz bütün rəqiblərə qarşı 100 faiz motivasiya oluruq. Qarşımızdakı komandanı turnir cədvəlindəki mövqeyinə görə dəyərləndirmirik. Üstəlik, Kurban Berdıyev kimi təcrübəli baş məşqçimiz var. Onun nizam-intizama necə diqqət ayırdığını hamı bilir. Berdıyev hətta məşqlərdə də ən xırda detala belə xüsusi diqqət yetirir. Odur ki, motivasiya sarıdan hər hansı bir problem yaşamırıq. Sadəcə futboldur, bəzən alınmır. Üstəlik, mövsümün sonu yaxınlaşdıqca rəqiblər də hər matça ciddi yanaşırlar.
- “Turan Tovuz”un avrokuboklara yollanmaq şansını necə dəyərləndirirsiniz?
- Bunun üçün çalışırıq. Avrokuboklara çox yaxınıq. Hamımızın məqsədi də budur. Bilirik ki, “Turan Tovuz” uzun illərdir avrokuboklarda oynamır. Nəhayət bu dəfə həsrətə son qoymaq istəyirik.
- Üstəlik, kubokda da yolunuza davam edirsiniz...
- Elədir. Kubokda yarımfinaldayıq. Hədəfimiz final oynamaqdır. Hər iki cəbhədə sona qədər mübarizə aparacağıq.
- Son turlar inamlı təsir bağışladığınızı nəzərə alsaq, çempionatda yaranan fasilə “Turan Tovuz”ın əleyhinə ola bilər?
- Bir neçə futbolçu öz millisinin düşərgəsinə yollanacaq. Digər futbolçular üçün isə istirahət etməyə imkan olacaq. İnanıram ki, hər bir futbolçu fasilədən sonra daha güclü şəkildə qayıdacaq.
- Siz də növbəti dəfə Panama millisinə dəvət almısınız. Ölkənizdə çıxışınız mütəmadi olaraq izlənilir? Azərbaycan çempionatı ilə maraqlanırlar?
- Əlbəttə, izlənilir. İstər yaxınlarım, istərsə də millinin məşqçilər korpusu Azərbaycan Premyer Liqasını daim diqqətdə saxlayırlar. Belə olmasaydı, milliyə də dəvət almazdım.
Matçları qanunsuz izləyənlər cərimələnəcək
Uğursuz çıxış etdi, baş məşqçidən xəbərdarlıq aldı
"Qızıl top" namizədləri: Yamal, Keyn...
PSJ-nin oyunu təxirə salınır?
"Keçmişdəki uğursuzluqları düşünməyə ehtiyac yoxdur"
"Borussiya" idman direktorunu göndərdi
İngiltərədə Superkubok matçının yeri dəyişdirildi
Flik ayın məşqçisi seçildi
Ben Uayt İngiltərə millisində
Osimhen əməliyyat olundu
"Marsel" klubu prezidenti ilə yollarını ayırdı
Qvardiola qələbəni qızı ilə qeyd etdi - Video
Tudoru o əvəzləyə bilər
Siyasət Əsgərov Türkiyə klubunun düşərgəsində
"Sevilya" baş məşqçisi ilə sağollaşdı
Ronaldo belə bərpa olunur - Şəkillər
"Barselona"ya keçmək istəyir
2-ci liqada 19-cu tur 3 oyunla başladı
FİFA Türkiyə klubunun daha 6 xalını sildi
Kyeza İtaliya millisinin heyətindən çıxarıldı
Qvardiola İngiltərə Liqa Kubokunun rekordçusu oldu
AFFA nümayəndələri UEFA Grow Konfransında
18 yaşlı futbolçu vəfat etdi
Azərbaycan milliləri mühüm yarışlara hazırlaşır
Neymarın DÇ-2026-da iştirak şansı minimaldır
AFFA akademiyalara ziyarətin ilk mərhələsini yekunlaşdırdı
Azərbaycan boksçuları Macarıstanda 4 medal qazanıb
Qələbəyə həsrət qalan "Sevilya"dan baş məşqçi qərarı
Arteta: "Kədərli bir gündür"
Özbək Xusanovun İngiltərədə ilk titul sevinci - Video
Qrizmann bu kluba keçir
Messinin daha bir nadir nailiyyəti
"Real" Madrid derbisini belə qazandı - Video
“Son 15-20 ildə heç vaxt belə yanaşma olmamışdı”
"Mançester Siti" İngiltərə Liqa kubokunu qazandı
Rəhim Həsənovdan mübahisəli epizodlara şərh - Video
