05.03.26
“Karvan-Yevlax”ın yarımmüdafiəçisi Vadim Abdullayevin QOL.az saytına müsahibəsi
- Misli Premyer Liqasının 23-cü turunda “Sumqayıt”la bərabərə qaldınız. 1:1-lik heç-heçəni necə şərh edərdiniz?
- Meydana qələbə üçün çıxmışdıq. Heç də pis oynamadıq. Rəqiblə müqayisədə qol epizodlarımız daha çox idi. Qalib gəlməyi çox istəyirdik. Yekunda 1 xalla kifayətləndik. Sonda məğlubiyyətdən qaçdığımızı nəzərə alsaq, 1 xalı qənaətbəxş nəticə saymaq olar. Xarakter göstərdik. Bu da gələcək oyunlarda bizə çox faydalı olacaq.
- Ötən tur da heç-heçə ilə kifayətlənmişdiniz, bu dəfə də. Qələbə qazanmağınıza nə mane olur?
- Məncə, çatışmazlıq qol epizodlarını dəyərləndirə bilməməyimizdir. Qol fürsətləri yaradırıq, lakin onları reallaşdırmaq, qola çevirmək mümkün olmur. Bizim kimi komandaların oyun ərzində çox qol epizodları olmur. Ona görə də ələ düşən fürsətləri mütləq dəyərləndirmək lazımdır.
- Görünən odur ki, futbolçular, baş məşqçi əlindən gələni edir, lakin sanki nəsə çatışmır. Bəlkə psixoloji baxımdan çətinlik var?
- Turnir cədvəlində mövqeyimiz ürəkaçan deyil. Bu da istər-istəməz özünü göstərir. Amma komanda olaraq bu vəziyyətdən çıxmaq istəyirik. Bunun üçün əlimizdən gələni də edirik. Ən azı adımızı, imicimizi qorumaq üçün vəziyyətimizi dəyişməliyik.
- Bəlkə hansısa futbolçular artıq Premyer Liqa ilə vidalaşmağı qəbullanıblar və bu da kollektivə mənfi təsir göstərir?
- Düşünmürəm. Bu vəziyyətə komanda olaraq düşmüşüksə, komanda olaraq da çıxmalıyıq. İndi yalnız hər növbəti matçı düşünməliyik. Hər oyunun hökmü var. Düzdür, indi vəziyyət bizim üçün ürəkaçan deyil. Biz bunu dərk edirik. Lakin dediyim kimi, peşəkar futbolçularıq və maksimum əlimizdən gələni etməliyik.
- Füzuli Məmmədovun baş məşqçi təyinatından sonra komandada nələr dəyişib?
- Füzuli Məmmədovun gəlişindən sonra komanda daha xarakterli olub. İndi daha mübarizik. Təbii ki, bunda da Füzuli müəllimin özünün xarakterli olmasının təsiri var. O, çox istəkli, əzmkar məşqçidir. Bu da biz futbolçulara müsbət mənada təsirini göstərir. İndi daha çox əzmkar, daha çox kompakt oynayırıq.
- Qarşıda sizi “Araz-Naxçıvan”, “Zirə” və “Qarabağ”la oyunlar gözləyir...
- Bizə bundan sonra maksimum dərəcədə xallar lazımdır. Hər matça da qələbə, xal qazanmaq üçün çıxacağıq. Rəqibin kimliyi fərq etmir. Əlimizdən gələni edəcəyik ki, bu matçlarda da xallar qazanaq. İnanırıq ki, çətin də olsa, hədəfimizə çatacağıq.
"Liverpul" onun üçün 80 milyon avro ödəməyə hazırdır
Alleqri "Real"ı çalışdıracaq?
Undav "Ştutqart"ın rekordunu təkrarladı
"Ən azı 1 xal qazanmağı hədəfləmişdik" - Siyasət Əsgərov
Küveytdən dönə bilmirdilər - Qayıtdılar
Kazemiro hansı kluba getməyi hədəfləyir?
"Roma"dan "Barselona"ya keçə bilər
"Real"ın müdafiəçisi sıradan çıxdı
"Liverpul" onun müqaviləsini yenilədi
İstanbul derbisinin heyətləri açıqlandı
Zədəli Ronaldodan xəbər var - Şəkil
Azərbaycan millisi Macarıstana məğlub oldu
Arda Güler matçın ən pis oyunçusu seçildi
"Arsenal" kubok oynunda qələbə qazandı
Noyer sıradan çıxdı
“Şəfa”nın yeni prezidenti açıqlandı
"Qış fasiləsindəki bəzi tələblərim reallaşmadı" - Saşa İliç
"Karvan-Yevlax"ın son dəqiqə qolu - Video
AFFA nümayəndələri UEFA-nın baş qərargahında
“Karvan-Yevlax” “Sumqayıt”la heç-heçəyə razılaşdı
"Arsenal" gənc oyunçulara şans verən ilk klub oldu
Flikdən Levandovski açıqlaması
“Mançester Siti”yə qarşı dominant olmalıyıq”
“Arsenal”dan ulduzları ilə bağlı qərar
"Karvan-Yevlax" - "Sumqayıt": Heyətlər
“Milan”dan Alleqri ilə bağlı addım
“Real”a azarkeş qalmaqalı ilə bağlı cəza verildi
Enrike: “Özünəinam supermarketdən alına bilən şey deyil”
Levandovski gələcəyindən danışdı
A seriyasının ən yaxşısı odur
Klub sahibi Messinin illik qazancını açıqladı
Azərbaycan millisi Macarıstana qarşı
Arda Güler Avropada 2-ci yerə yüksəldi
“Napoli” “Torino”nu məğlub etdi
“Liverpul” ilk 1/4 finalçı oldu
“Real” sonda sevindi
PSJ öz meydanında uduzdu
