22:34
"Qalatasaray"ın baş məşqçisi Okan Buruk UEFA Çempionlar Liqasının pley-off mərhələsinin "Yuventus"la keçiriləcək cavab qarşılaşması barədə fikirlərini bölüşüb.
QOL.az xəbər verir ki, təcrübəli mütəxəssis komandasının ilk oyundakı 5:2 hesablı qələbəsinə baxmayaraq ehtiyatı əldən verməməyin vacibliyini vurğulayıb:
"Bizim üçün heç nə dəyişmir. Cavab oyununa da ilk matçdakı kimi başlamalıyıq. Öz oyun planımızı rəqibə qəbul etdirməliyik. "Yuventus" güclü komandadır. Lakin "Qalatasaray" olaraq həm oyunçuların forması, həm də mənəvi baxımdan hazırda çox yaxşı vəziyyətdəyik. Sadəcə özümüzə güvənməli və ayaqlarımızı yerə möhkəm basmalıyıq".
Qeyd edək ki, bu cütün qalibi 1/8 finalda "Tottenhem" - "Liverpul" duelinin qalibi ilə qarşılaşacaq. 1/8 final mərhələsinin oyunları 10-11 və 17-18 mart tarixlərində keçiriləcək.
