12:23
"Turan Tovuz”un yarımmüdafiəçisi Ayxan Hüseynovun QOL.az saytına müsahibəsi
- Misli Premyer Liqasının 20-ci turunda səfərdə “Şamaxı” ilə heç-heçə oynadınız. Qolsuz bərabərliyi necə şərh edərdiniz?
- Çətin oyun idi. Bilirdik ki, "Şamaxı"ya qarşı oyunlarımız həmişə çətin keçir. Budəfəki matç da istisna olmadı. Hər iki komandanın fərqlənmək üçün şansları oldu. Oyun əsasən mərkəzdə keçirdi. Süni meydanda oynamaq işimizi daha da çətinləşdirirdi. Açığı, elə 0:0-lıq oyun idi.
- Qələbə qazanmağınız üçün nə çatışmadı?
- Daha çox irəlidə aqressiya çatmadı. Ön xətdə daha çox epizod yaratmalıyıq. İnanıram ki, növbəti oyunlarda bunların öhdəsindən gələcəyik.
- Qələbə qazanacağı təqdirdə “Turan Tovuz” turnir cədvəlində üçüncü pilləyə yüksələcəkdi...
- Bəli, rəqiblər yaxınlaşır. "Şamaxı" ilə matçda xal itirmək olmazdı. Təəssüf ki, istəyimiz alınmadı.
- İlk üçlükdən kənarda qalmaq üzərinizdə basqı yaratmır?
- Xeyr. Nəzərə almaq lazımdır ki, avrokuboklar uğrunda mübarizədə rəqiblərimiz olan "Zirə" də, "Sumqayıt" da, "Neftçi" də, "Araz-Naxçıvan" da yaxşı komandalardır. Digər tərəfdən isə üçüncü olmaq istəyirsənsə, belə oyunlarda xal itirməməlisən.
- Növbəti turda üçüncü pillədəki “Zirə” ilə qarşlaşacaqsınız. Həmin matçdan gözləntiləriniz nədir?
- "Zirə" ilə oyunlar həmişə çətin olur. Hər iki komanda yaxşı mübarizə aparır. Budəfəki matç maraqlı olacaq, buna əminəm
- Bəzən “Turan Tovuz”u cansıxıcı futbol oynamaqda ittiham edirlər. Bu fikirlə nə dərəcədə razısınız?
- Elə fikirləşmirəm. Hamı istəyər ki, "Qarabağ" kimi oynayaq. Lakin elə, yəni qısa ötürmələrlə, texnikalı oynamaq hər komandanın tərzi deyil. Hər kollektivin öz üslubu var. Bizim də yaxşı oyunlarımız olub.
- Kurban Berdıyevin işi də birmənalı qarşılanmır. Mütəxəssisə yönələn tənqidləri haqlı, yoxsa haqsız sayırsınız?
- Hər insan fikrini bildirir. Biz buna nə deyə bilərik? Berdıyev çox təcrübəli mütəxəssisdir. Çalışırıq Berdiyevin təcrübəsindən yararlanaq. O da komandanın yalnız irəli getməsi üçün çalışır. Onun futbolçularla da münasibəti əladır. Kollektivin daxilində hər şey normaldır.
"O, böyük sərvət xərclənəcək oyunçu deyil"
Osimheni ağladan təsirli koreoqrafiya - Video
"Sabah"dan qol yağışı - Video
Güləşçimiz erməniyə qalib gələrək bürünc medal qazandı
"Hər iki klub üçün bu mövzu bağlanıb" - Valdas Dambrauskas
"Hələ belə məğlubiyyətlə üzləşməmişdim" - Kaxaber Sxadadze
Fransa klubu qapıçısı ilə müqaviləni yenilədi
"Komandanın öyrəşdiyi sistemi dəyişdirmək asan deyil"
“Sabah” böyükhesablı qələbə qazandı
"Qalatasaray" - "Liverpul" matçının heyətləri açıqlandı
"Göygöl" "Şəki Siti"ni darmadağın etdi - Video
İngiltərə millisinin üzvü karyerasını bitirdi
"Real"ın futbolçusu əməliyyat olundu
“Göygöl” və “Qaradağ Lökbatan”dan böyükhesablı qələbə
"Matçı buraxmaq bərpa olmağıma yaxşı təsir edəcək"
"Kamp Nou"da azarkeşləri sevindirəcək yenilik olacaq
"Sabah" - "Qəbələ": Heyətlər
"Turan Tovuz" “Azərsun Arena”dan da “köçdü”
Kamilo Duran Kolumbiya millisinə çağırıldı
Azərbaycanın U-20 millisinin baş məşqçisi açıqlandı
Vernidubun Berdıyevlə görüşməsi narazılıq yaratdı - Video
UEFA rəsmisi AFFA-da görüşlər keçirib
DÇ-2026-nı buraxacaq
AFFA cəza və cərimələri açıqladı
"Real"ın futbolçusu əməliyyat olundu
"Turan Tovuz" nə vaxt öz meydanına qayıdır?
1-ci liqada hakim təyinatları açıqlandı
