15:54
"Kəpəz" Misli Premyer Liqasının 20-ci turu çərçivəsində "Neftçi"yə 1:3 hesabı ilə məğlub olub.
QOL.az xəbər verir ki, "Kəpəz"in baş məşqçisi Azər Bağırov matçdan sonra keçirilən mətbuat konfransında oyun barədə fikirlərini bölüşüb:
"Azarkeşlərimizə təşəkkür edirəm. Məğlub olanda da komandanın yanında olurlar. Növbəti matçlarda daha yaxşı oynayıb, onların etimadını doğrultmağa çalışacağıq. Oyuna gəldikdə isə, birinci hissədə planlaşdırdıqlarımızı reallaşdıra bilmədik. Bəlkə də çempionatda ən ucuz qolları biz buraxırıq. Bu, adamı məyus edir. Daha ciddi və məsuliyyətli olmalıyıq".
Mütəxəssis qapıçı Yusif İmanovun səhvlərini etiraf edərək təhlillər aparılacağını və ölçü götürüləcəyini vurğulayıb:
"Hər oyundan əvvəl məşqçilər korpusu ilə heyət məsələsini müzakirə edirik, xüsusilə də qapıçı məşqçisi ilə fikir mübadiləsi aparırıq. Bu gün Yusif İmanovun müəyyən səhvləri oldu və o, daha məsuliyyətli davranmalıdır. “Turan Tovuz”la qarşılaşmada da oxşar epizod yaşanmışdı. Bütün məqamları detallı şəkildə təhlil edirik və müvafiq nəticələr çıxarılacaq".
A.Bağırov Ryonosuke Ohorinin gözündəki problem səbəbindən oynamadığını bildirib.
Baş məşqçi transfer məsələsinə də aydınlıq gətirib:
"Ceferson Bentonun gedişi bizim üçün ciddi itki oldu. Rüsum məsələsi hamıya məlumdur. Legioneri cəmi 3 aylıq gətirib klubu risk altına sala bilmərik. “Kəpəz” Premyer Liqada qalmaq üçün mübarizə aparır və buna inanırıq. Transferləri də real imkanlarımızı nəzərə alaraq etmişik.
Kim “Kəpəz”dən hər oyunda xal tələb edirsə, gərək reallığı da nəzərə alsın. Bu gün şərtlər ağırdır. “Neftçi” ilə “Kəpəz”in, yaxud “Sabah”la imkanları eynidirmi? Legionerə 250 min verib sadəcə liqada qalacaqsansa, bu vəsaiti düşünülmədən xərcləmək düzgün deyil. Bu, böyük riskdir. Futbolçu gəlib zədələnə bilər.
Əgər Ceferson komandada qalsaydı, bir vinger transferini planlaşdırırdıq. Onun gedişi isə başa düşməkdə çətinlik çəkdiyimiz situasiya oldu. Belə hal ilə indiyədək rastlaşmamışdım. Vitor Fejao ailəvi səbəb göstərdi, həyat yoldaşının hamilə olduğunu və övladının burada dünyaya gələ bilməyəcəyini dedi. Ona icazə verdik. Ceferson da rəsmi şəkildə müraciət etsəydi, məsələni eyni qaydada dəyərləndirərdik.
Təəssüf ki, o, icazəsiz ayrıldı və klubu çətin vəziyyətdə qoydu. Klubun ona hər hansı borcu yoxdur, bütün bonusları tam şəkildə ödənilib".
"Qalatasaray"ın yetirməsi doğma klubuna qayıtmağa hazırlaşır
“Bizim vəzifəmiz meydanda döyüşməkdir” - Qurban Qurbanov
"Qarabağ"ın qələbəsindən - Video
"Qarabağ" "Sumqayıt"a, "Sabah" "Araz-Naxçıvan"a qalib gəldi
"Hakimləri qorumaq üçün VAR sistemini tətbiq etməliyik"
“Qızıl top” qalibləri nə vaxt açıqlanacaq?
"Neftçi" xorvatiyalı futbolçu transfer etdi
"Çelsi"dən ayrıla bilər
“Müdafiədə yenə kobud səhv etdik” - Zaur İsmayılov
Benzema "ƏI-Hilal"dan getdi
"Sabah" "Araz-Naxçıvanı"ı belə məğlub etdi - Video
Messi millidəki karyerasını başa vurdu - Şəkil
Kenan Yıldız əməliyyat olundu
"Sumqayıt" - "Qarabağ" matçının heyətləri açıqlandı
Gəncə stadionunda azarkeş coşğusu - Video
Azərbaycan millisi Polşada birinci yeri tutdu
Mahir Emrelinin baş məşqçisi istefa verdi
“Əvvəlcə sağal, sonra qapımız sənin üzünə açıq olacaq”
"Liverpul"da qala bilər
"Milan" Hatçinsonun transferi ilə bağlı razılığa gəldi
"Araz-Naxçıvan" - "Sabah": Heyətlər açıqlandı
"Mançester Siti" Braziliyadan hücumçu transfer etdi
"Tottenhem"dən "Portu"ya
Azərbaycan klubundan ayrıldı, Rumıniyada oynayacaq
Trabzonda Salahın adı küçəyə verilə bilər
3 ildən sonra: Yenə “Zirə”
