17:06
“Çətin oyun alındı. Matçın əvvəlində qapımızda qol gördük. Bundan sonra qalan dəqiqələr ərzində əlimizdən gələni etməyə çalışsaq da, heç cür fərqənə bilmədik. Yekunda isə məğlub olduq və buna görə çox məyusuq”.
QOL.az saytına müsahibəsində bu sözləri “Karvan-Yevlax”ın qapıçısı Pedro Mateuş Misli Premyer Liqasının 20-ci turunda “Zirə”yə səfərdə 0:1 hesabı ilə uduzduqları oyun barədə danışarkən deyib.
O, Yevlax klubunun turnir cədvəlində sonuncu olmasını belə şərh edib: “Vəziyyəti dəyişmək, 3 xal qazanmaq üçün əlimizdən gələni edirik. Amma bir çox səbəblərə görə bu, çətin alınır. Bəzən istədiyimiz oyunu göstərə bilmirik, bəzən də bəxtimiz gətirmir. Bu, futboldur, hər şey ola bilər”.
Əslən Portuqaliyadan olan qolkiper vəziyyətin dəyişəcəyinə ümid edir: “Səbirli olmalıyıq. Qələbə mütləq gələcək. Ümid edirəm ki, bundan sonra xallar qazanmağa başlayacağıq və bu çətin vəziyyətdən çıxacağıq”.
Mateuş komandasının Premyer Liqada qalacağına inanır: “Hələ qarşıda 13 tur var. Qazana biləcəyimiz 39 xal var. Düzdür, bu, çətin olacaq, xüsusən də indiki vəziyyətdə. Amma 1-2 qələbə qazansaq, vəziyyəti dəyişə bilərik. Bəlkə də bundan sonra ardıcıl qələbələr gələcək. Bilmirəm, amma bunun üçün bütün gücümüzü ortaya qoyacağıq. Məşqlərdə də çox çalışırıq”.
29 yaşlı qolkiper baş məşqçi Füzuli Məmmədovun gəlişindən sonra komandada müsbətə doğru dəyişiklik olduğunu vurğulayıb: “Təbii ki, hər iki məşqçi fərqlidir, hərəsinin öz iş prinsipi var. Füzuli Məmmədov barədə onu deyə bilərəm ki, çox təcrübəli məşqçidir. O, çox şey bilir və bizə ciddi şəkildə kömək edir. Füzuli Məmmədov vəziyyətin dəyişməsi üçün əlindən gələni edir. Biz də eyni şəkildə çalışırıq. İnanıram ki, birlikdə məqsədimizə çatacağıq”.
Pedro Mateuş Azərbaycan Premyer Liqasında San-Tome və Prinsipidən olan ikinci futbolçudur. O, daha əvvəl ölkəmizdə çıxış edən həmyerlisi Haramis Soares barədə məlumatlı olduğunu qeyd edib: “Haramis mənim yaxın dostum deyil, amma onu tanıyıram. Yaxşı oyunçudur, təcrübəli futbolçudur. Burada da “Neftçi”nin formasını geyib. Hazırda mən millidə çıxış etsəm də, o, yığmaya dəvət almır. Ola bilsin ki, gələcəkdə yenidən birlikdə milli komandada oynayaq. Mən gələn ay milli komandanın düşərgəsinə yollanacağam”.
Noyer sıradan çıxdı
Keyn Top-5-də liderdir
Tofiqin rəqibi müəyyənləşdi - Las-Veqasda döyüş olacaq
Premyer Liqa klubu aşağı liqa təmsilçisinə uduzdu
Azarkeşlərin "vəfasızlığından" şikayətləndi
Ramos doğma klubunu alır?
Superliqa klubu baş məşqçisi ilə sağollaşdı
Ronaldo yenidən yaşıl meydanlarda
Millimizin üzvü oynadı, komandası heç-heçə etdi
Kukurella "Finalissima" matçına çıxacaq?
500-cü qolunu vurdu
"Zirə"nin qələbəsindən - Video
Bərbad!..
Klub ağır məğlubiyyətə uğradı, hakimləri şikayət etdi
"Rəqibə qol epizodu vermədik" - Rəşad Sadıqov
“Belə şəraitdə komandanı motivasiya etmək asan deyil”
"Zirə" qalib gəldi, Musa "Qarabağ"a qələbə qazandırdı
“Əliyar onsuz da bizim oyunlarda maraqlı qərarlar verir”
“Qarabağ”ın bərbad meydançadakı çətin qələbəsi - Video
Qurban Qurbanov “İmişli” klubuna da etiraz etdi
"Kəpəz"dən yeni transfer
İqor Tudor rəsmən İngiltərə Premyer Liqasında
Azərbaycan çempionatı: Ölkənin ən güclüləri müəyyənləşdi
"Zirə" - "Karvan Yevlax": Heyətlər
