23:00
Türkiyədə İstanbul derbisi hadisələri ilə bağlı keçirilən məhkəmədə gərgin anlar yaşanıb.
QOL.az Türkiyə mətbuatına istinadən xəbər verir ki, "Fənərbaxça" və "Qalatasaray" arasında mayın 19-da "Rams Park"da keçirilən derbidən sonrakı hadisələrlə bağlı məhkəmə prosesi keçirilib.
Mərc oyunları ilə bağlı istintaq çərçivəsində həbs edilən "Fənərbaxça"nın futbolçusu Mert Hakan Yandaş iclasa SEGBİS (Səs və Görüntü İnformasiya Sistemi) vasitəsilə qatılıb. İclas zamanı "Qalatasaray"ın idarə heyətinin üzvü Timur Kuban ekrandan Mert Hakanın fotosunu çəkib.
Bunu görən Mert Hakan qarşı tərəfə "Bu etdiyiniz ayıbdır" deyərək sərt reaksiya verib. "Fənərbaxça" vəkillərinin müdaxiləsindən sonra hakim Timur Kubanın telefonunun müsadirə edilməsinə və hadisə ilə bağlı protokol tərtib olunmasına qərar verib.
"Fənərbaxça" klubu məsələ ilə bağlı rəsmi bəyanat yayaraq rəqibini kəskin tənqid edib. "Fənərbaxça" tərəfi bir idman klubu rəsmisinin bu cür hərəkət etməsini qəbuledilməz adlandırıb və futbolçunun bütün hüquqlarını sonuna qədər qorunacağını, bu hadisənin ört-basdır edilməsinə və ya adiləşdirilməsinə izn verməyəcəklərini bildirib.
Mbappe zədəsini sağaltdı
Belhanda klubunu dəyişdi
"Bavariya"da ciddi itki
Tunis millisi yeni baş məşqçisini açıqladı
“Mançester Yunayted” qışı transfersiz başa vuracaq?
Afrika Kubokunda gərgin anlar: Salah hər kəsi qəzəbləndirdi
"Liverpul" onun üçün sərvət ödəməyə hazırdır
