18:22
"İkinci hissədə məqsədimiz 1 xal qazanmaq idi, ona da nail olduq".
QOL.az xəbər verir ki, bu sözləri "İmişli"nin baş məşqçisi Jorj Kaşkilya Misli Premyer Liqasının 16-cı turunda "Zirə" ilə səfərdə qeydə alınan qolsuz heç-heçəni şərh edərkən deyib.
Mütəxəssis oyunun hər iki komanda üçün ağır keçdiyini, rəqibin topla üstünlüyünə baxmayaraq taktiki cəhətdən matça yaxşı hazırlaşdıqlarını bildirib:
"Müdafiəmizi yaxşı qurmuşduq. "Zirə" yalnız standart vəziyyətlərdən iki təhlükəli epizod yaratdı. Rəqibin fiziki cəhətdən güclü olduğunu bilirdik, amma künc zərbələrindən başqa bizim qapımıza yaxınlaşa bilmədilər. Bu, matça taktiki baxımdan yaxşı hazırlaşdığımızı göstərir. İkinci hissədə isə gözləyirdik ki, "Zirə" daha intensiv hücumlar edəcək, çünki onların oyunçuları fiziki və fərdi keyfiyyətlərinə görə üstünlük təşkil edirlər".
J.Kaşkilya komandasının yorğunluğunu təqvimlə əlaqələndirib. O, "Zirə"nin matça hazırlaşmaq üçün 6 günü olduğu halda, onların cəmi 4 günü olduğunu və əvvəlki turun çətinliyinin futbolçularda hiss edildiyini qeyd edib.
Baş məşqçi rəqibin fərdi və fiziki üstünlüyü qarşısında seçdikləri strategiyanı isə belə izah edib:
"Onlar qol vurmaq istəyirdi. Bu cür rəqibə qarşı 1 xala görə müdafiə olunduq. Bunu müvəffəqiyyətlə etdik. İkinci hissədə məqsədimiz 1 xal qazanmaq idi, ona da nail olduq".
Milli çempionatların oyunları xaricdə keçirilə bilər
Məhsuldar ötürmələri ilə rekorda imza atdı
"Qarabağ" derbidə belə qalib gəldi - Video
Daha 2 güləşçimiz Avropa çempionu oldu
İngiltərə Kubokunun finalçıları bəlli oldu
Azərbaycan derbisində qalib yenə “Qarabağ” oldu
"Qalatasaray" - "Fənərbaxça" matçının heyətləri açıqlandı
Azərbaycan boksçusu Dünya kubokunda qızıl medal qazandı
Rəqibin saçını dartan futbolçu cəzalandırılmadı - Şəkil
"Şamaxı"nın qələbəsindən - Video
6 qol, 1 qırmızı vərəqə
"Pley-off haqda düşünmək istəmirəm" - Azər Bağırov
"Bəzən futbolumuzu şouya çevirmək istəyirik" - Ayxan Abbasov
"Real" La Liqanı məhkəməyə verdi
