20:06
Misli Premyer Liqasının 14-cü turu çərçivəsində "Araz-Naxçıvan" "Kəpəz" üzərində qələbə (2:0) qazanıb.
QOL.az xəbər verir ki, "Araz-Naxçıvan"ın baş məşqçisi Elmar Baxşıyev oyundan sonra keçirilən mətbuat konfransında matç barədə fikirlərini bölüşüb. Mütəxəssis oyunun ağır keçdiyini, lakin kubok matçından sonra komanda şəklində daha artığını etmək məcburiyyətində olduqlarını bildirib. O, futbolçularını təbrik edərək bəzi tənqidçilərə meydanda layiqincə cavab verdiklərini vurğulayıb.
Baş məşqçi matçın ilk yarım saatındakı passivliyi kubok oyunundan qalan psixoloji gərginliklə əlaqələndirib:
“Futbol elə oyundur ki, matç ərzində hər iki komandanın üstünlük qazanmaq imkanı olur. Biz də kubok oyunundan sonra müəyyən stress yaşamışdıq. Həftə ərzində komanda olaraq bir-birimizə daha yaxın olmağa, dəstək göstərməyə çalışdıq. O gərginliyi arxada qoyduqdan sonra komandamız meydanda daha kreativ oyun sərgilədi”.
Mütəxəssis qazandıqları qələbənin komandadakı stresə təsirini bu cür qiymətləndirib:
“Mən stress altında deyiləm. Düşünürəm ki, komandam da mənim kimi rahatdır və öz işini görür. Əlbəttə, uğursuzluqlar da olur, amma bu, yalnız bizimlə bağlıdır. Komanda şəklində potensialımızın maksimumunu meydanda nümayiş etdirsək, nəticələrə də daha yaxın olacağıq”.
Baş məşqçi zədəli Felipe Santosun durumuna da aydınlıq gətirib. Zədənin ciddi olmadığını və braziliyalının məşqlərə başladığını deyən Baxşıyev, onun bu il komandaya kömək edəcəyinə ümid etdiyini bildirib.
Mətbuatda haqqında yazılanlara münasibət bildirən baş məşqçi Premyer Liqada çalışdığı 7 il ərzində rahat mövsüm keçirmədiyini xatırladıb:
“Media tərəfdən təzyiqi həmişə yaşamışam. Düşünürəm ki, mənimlə heç kimin prinsipi yoxdur. Sadəcə məni bərkitmək istəyirlər”.
Ter Ştegen qayıtdı
“Milan”dan əzmkar qələbə
“Qalatasaray” sabiq futbolçusuna göz dikdi
"Sabah" "Neftçi"yə qalib gəldi
“Şəki Siti”nin evdə qələbəsi - Video
“İnter”in müdafiəçisi “Liverpul”la oyunu buraxa bilər
