19:36
“Gözlədiyimiz kimi maraqlı, gərgin, yaxşı oyun alındı. Birinci hissə daha çox keyfiyyət xarakteri daşıyırdı”.
QOL.az xəbər verir ki, bu sözləri “Şamaxı”nın məşqçisi Elnur Çodarov Misli Premyer Liqasının 14-cü turunda “Karvan-Yevlax”la keçirilən görüşü şərh edərkən deyib. Mütəxəssis Füzuli Məmmədovun yeni təyinatına diqqət çəkərək rəqibin iki oyununu analiz etdiklərini, "Qarabağ"a qarşı oyunla müqayisədə onlara qarşı tam fərqli mübarizə gördüklərini bildirib:
“Füzuli Məmmədov yeni təyin olunub. Onların iki oyununa baxıb analiz etmişdik. "Qarabağ"a qarşı bir cür, bizə qarşı isə tam fərqli çıxış edəcəklərini bilirdik. İkinci hissədə tempi artırdıq, ön xətdə aqressivliyi və intensivliyi yüksəltdik və istədiyimiz nəticəyə nail olduq”.
Mütəxəssis rəqib baş məşqçinin yeni olması səbəbindən birinci hissənin həmçinin "kəşfiyyat" xarakteri daşıdığını qeyd edib:
“Birinci hissə daha çox kəşfiyyat xarakteri daşıyırdı. Çünki rəqibin baş məşqçisi yeniydi. Buna görə tələsmirdik və gözləməyi üstün tuturduq. Futbolçulara da tapşırmışdıq ki, tələsməsinlər, rəqibi gözləsinlər və kompakt oynasınlar. Öz fürsətimizi gözləyirdik. İkinci hissədə isə futbolçular tapşırıqları maksimum səviyyədə yerinə yetirməyə çalışdılar. Qolumuzu vurduq və ardını da gətirdik”.
Məşqçi komandada debüt edən oyunçunu təbrik edib və matçın sonlarında meydanda 6 yerli futbolçunun olmasını xüsusi qeyd edib. Dieqo Balaunun növbəti baxımlı qoluna toxunan Çodarov, onun yenidən "ayın qolu"nu qazanacağına ümid etdiyini bildirib və qolun əvvəlkinə bənzədiyini deyib.
Sonda Yevlaxdakı süni örtüklü meydançanın vəziyyətinə toxunan mütəxəssis şərtləri belə izah edib:
“Meydançada oynamaq ağır idi. Dəqiq desək, süni örtüyün rezinləri sərt idi. Amma yağış üzümüzə baxdı”.
"Barselona" uduzdu
Ronaldo 6-cı, Messi 11-ci oldu
Mateta "Yuventus"a keçir
Milli narazı qaldı, CAF-a şikayət ünvanladı
"Atletiko"dan həm qələbə, həm antirekord
Ərəblərdən 18 yaşlı futbolçuya 40 milyonluq təklif var
