18:44
“Zirə”nin hücumçusu Martins Junior Azərbaycan Kubokunun 1/8 finalında “Neftçi”ni 1:0 hesabı ilə məğlub etdikləri oyundan sonra jurnalistlərin suallarını cavablandırıb. QOL.az saytının əməkdaşının da iştirak etdiyi müsahibəni təqdim edirik:
- Qarşılaşma ilə bağlı nə deyə bilərsiniz?
- Çətin oyun olacağını bilirdik. Eyni zamanda mərhələ adlayan tərəfin biz olacağına da inanırdıq. Bütün kollektivə təşəkkür edirəm. Sona qədər inandıq, 1/4 finala yüsəldik. Çox az vaxtımız var. Şənbə günü bizi “Qarabağ”la çətin oyun gözləyir. Yaxşı bərpa olub, artıq həmin matçı düşünməliyik.
- Qeyd etdiniz ki, mərhələ adlayacağımıza inanırdıq. Bu, öz gücünüzə olan inamdan irəli gəlirdi, yoxsa “Neftçi”nin son zamanlardakı uğursuz çıxışından?
- Rəqibimizin necə böyük komanda olduğunu bilirik. “Neftçi” keyfiyyətli futbolçulardan təşkil olunub. Eyni zamanda biz də öz gücümüzə bələdik. “Zirə” də yaxşı təşkilatlanmış komandadır. Həftə boyu bu matça ciddi hazırlaşmışdıq. Bu qələbədə məşqçi amili də böyük rol oynadı. Rəşad Sadıqov həftə boyu bizi oyuna çox yaxşı hazırlamışdı. Buna görə də mərhələ adlayan tərəf biz olduq.
- 90 dəqiqədən sonra cütün taleyini əlavə vaxtda həll etmək istəyirdiniz, ya penaltilər seriyasında Tiaqo Silvanın qurtarışlarına ümid edirdiniz?
- Biz bu oyunda baş verəcək istənilən gedişata əvvəlcədən hazır idik. Fərqi yoxdur 90, 120 dəqiqə, yaxud penaltilər seriyası olsun. Bəli, bizim çox keyfiyyətli qapıçımız var. Əlavə vaxtda fərqləndik. Lakin əminəm ki, oyun penaltilər seriyasına getsəydi, Tiaqo bizə çox kömək edəcəkdi.
- Qol vurduğunuz epizoddan sonra formanızı rəqib azarkeşlərinə göstərdiniz. Düzdür, “Neftçi” azarkeşləri irqçiliyə yol versələr də, düşünmürsünüz ki, qol sevincini rəqib azarkeşlər önündə qeyd etməklə siz də təxtibata yol verdiniz?
- Mən futbolda bu cür halları sevirəm. Azarkeşlərin müəyyən mənada təxribat etmələri bir növ məni motivasiya edir. Şükürlər olsun ki, bundan sonra mən də qolumu vurdum, komandama qələbə qazandırdım.
- 3 gündən sonra çempionatın lideri “Qarabağ”la qarşılaşacaqsınız. 120 dəqiqəlik ağır kubok matçı həmin görüşə istənilən kimi hazırlaşmağınıza mane olmayacaq?
- “Qarabağ”ın gücü məlumdur. Liderə qarşı oynayacağıq. Düşünmürəm ki, yorğunluq olsun. Dediyiniz kimi, hələ 3 gün vaxtımız var. Bərpa olunub, “Qarabağ”a qarşı layiqli mübarizə apara bilərik.
Modriç əməliyyat olundu
“Qarabağ” 700-ə çatdı
“Qarabağ”da 200-cü oyun
Premyer Liqada 60-cı qol
Son 15 mövsümün rekordu
"Hücum xəttini dəyişmək çətindir, ciddi rəqabət var"
Dilanovun dublu, "Ağdaş"ın 5 qollu qələbəsi - Video
"Qırmızı vərəqə planlarımızı pozdu" - Fizuli Məmmədov
Tovuzda vurulan 2 qol - Video
Matçın əlavə vaxtında 3 qol vurdular
"Sabah"dan qələbə, "Turan Tovuz" - "Zirə" matçında heç-heçə
"Gənc oyunçu şansı özü qazanmalıdır" - Kurban Berdiyev
"Barselona" Reşfordla razılaşıb
"Fənərbaxça"nın qapıçısı VAR ekranına zərbə endirdi - Video
Modriç mövsümü başa vurdu
"Sabah" - "Karvan-Yevlax": Heyətlər
"Araz Saatlı" "Göygöl"ə, "Ağdaş" "Şəki Siti"yə qalib gəldi
“Neftçi” - “Qarabağ” matçının biletləri satışa çıxarıldı
Rəqibə yumruq atdı, meydandan qovuldu - Video
Azərbaycan millisi Qazaxıstan yığmasına qalib gəldi
Kurtua "El-Klassiko"da oynayacaq?
Tovuzda heyətlər açıqlandı
AFFA hakimlər üçün sessiya təşkil etdi
Mbappenin durumu açıqlandı
